Ẹzra 6:14 - Edo Bible (E Baibol Ẹdo) Version 1996

¹⁴ Obọ keghi kẹ avbe ọkaolotu avbe Ju vbe nene Ọgua Osa ne a bọ vbene Hegai kevbe Zẹkaraia ne akhasẹ na gha rhie igiẹdu ne iran. Iran keghi bọ nene Ọgua Osa fo zẹ vbene Osanobua ọghe Izrẹl kevbe Sairọs, Dariọs, kevbe Atakzaziz ne avbe ọgbaisi e Pẹsia tama iran.

Ẹzra 6:14 ပူးပေါင်းရင်းမြစ်များ

Ẹzra 3:8

Ẹre ọ ghi na sẹ uki ne ogieva ne iran sẹ ehe ne a bọ Ọgua Osa yi vbe Jerusalẹm, iran keghi suẹn iwinna. E Jerubabẹl, e Jọsua kevbe ivbi ẹvbo iran ni dekẹe, avbe ohẹn kevbe avbe Livai, vbe ẹmwata, ne a wa kha wẹ, emwa hia ni ke iwe gha die Jerusalẹm, ehia na ku obọ gbe vbe nene iwinna. Avbe Livai hia ni ghi sẹ ọmọ ukpugie gha rrie odukhunmwu nẹ, a keghi viọ iran ye iwinna ọghe ne a dọlọ Ọgua Osa ni bọ.

Ẹzra 4:24

A te da obọ iwinna yi nẹ vbe Ọgua Osa, ọ keghi da obọ yi rhinrin ya sẹ ukpo ne ogieva ne Dariọs ne ọgbaisi e Pẹsia la ẹkete.

Ẹzra 4:3

Ẹre Zerubabẹl, e Jọsua kevbe avbe ọkaẹgbẹe na tama iran wẹẹ, “Ma i mwẹ emwi na a ya iyobọ uwa ru vbe Ọgua Osa ne ima bọ ne Nọyaẹnmwa ne Osanobua ima, ma gha tobọ ima bọe zẹ vbene Sairọs ne ọgbaisi e Pẹsia tama ima.”

Ẹzra 5:1

Vbe ẹghẹ ne a kha na, akhasẹ eva, a tie ọkpa e Hegai, kevbe nọkpa Zẹkaraia ne ovbi Ido keghi suẹn gha ya eni Osanobua Izrẹl gu avbe Ju ni rre Juda kevbe Jerusalẹm guan.

Ẹzra 5:13

Ọre ọ ghi na sẹ ukpo ne okaro ne Sairọs ne ọba la ẹkete zẹ vbe ọgbaisi ọghe Babilọn, e Sairọs keghi gie wẹ ne a dọlegbe bọ Ọgua Osa ni.

Ẹzra 5:2

Ugbẹn vbe Zerubabẹl ne ovbi e Sitiẹl kevbe Jọsua ne ovbi e Jehozadak ghi họn ẹmwẹ ne iran ta, iran keghi suẹn gha dọlegbe bọ Ọgua Osa ne ọ rre Jerusalẹm avbe akhasẹ eva ni keghi yi iran obọ.

Ẹzra 6:3

“Vbe ukpo ne okaro ne ọ la ẹkete, e Sairọs ne ọgbaisi keghi wẹ ne a dọlọ Ọgua Osa ne ọ rre Jerusalẹm bọ zẹ vbe ne ehe ne a na zọ ese kevbe ehe ne a na giẹn emwi imu ohan. Ọgua Osa ni ghi gha re ibata ekigbesiyisẹn vbe uyomwẹ kevbe ibata ekigbesiyisẹn vbe uvbẹmwẹ.

Ẹzra 6:8

Te imẹ ghi yan tama uwa nian wẹ ne uwa yi iran obọ ya bọe. Igho ne a loro, wa ghi gha rhie igho vbe aza ẹguae vbe igho ne a koko vbe igho uhunmwu vbe otọe orrie Yufretes, ya gha ha ẹre ẹgiẹgiẹ, ne a ghẹ dobọ iwinna ni yi.

Ẹzra 7:1

Vbe ukpo ni bun vbe iyeke ọnọna, vbe ẹghẹ ne Atakzaziz na gha re Ọgbaisi ọghe Pẹsia, okpia ọkpa kegha rrọọ ne a tie ẹre Ẹzra, ovbi uniẹn Errọn ne Ogie Ohẹn ọre ọ ka egbe ẹre lae vbe nian: Ẹzra kegha re ovbi e Seraia, ne ovbi Azaraia, ne ovbi e Hilkaia,

Ẹzra 9:9

Eviẹn ma te khin, sokpan, u ma sẹ ima rae ye ọviẹn ọmwa. U keghi gie avbe ọgbaisi e Pẹsia tohan mwa, iran na sẹ ima rae ye agbọn, iran na gie ima dọlọ Ọgua Osa ruẹ ne ọ te rẹnkhuan bọ, kevbe ne ima do lẹ fi a i ghi mwẹ ẹbe vbe Juda kevbe Jerusalẹm vbe edinran.

Nehimaia 6:15

A ghi ya ikpẹdẹ evayan ekigbe siyeha winna nẹ, a keghi gbe ekẹn ni fo vbe ikpẹdẹ ekesọgban ọghe uki Elul.

Aizaia 44:28

I tama Sairọs wẹẹ, ‘Wẹ ọrọre ọmwa ne ọ gha ya gha khaemwisẹ mẹ; u gha ru vbene I ho ne u ru: U gha tae wẹ ne a dọlọ bọ Jerusalẹm kevbe wẹ ne a gbe ẹyotọ ọgua Osa.’ ”

Hagai 1:1

Vbe ukpo ne ogieva ne Dariọs ya gha re ọgbaisi e Pẹsia, vbe ikpẹdẹ ne okaro ọghe uki ne ogiehan, e Nọyaẹnmwa keghi giee Hagai ne akhasẹ uhunmwu rre, ọmwa ne a giee uhunmwu na gie kegha re e gọvina ọghe Juda ighe e Zerubabẹl ne ovbi Siatiẹl, kevbe ogiohẹn ighe Jọsua ne ovbi e Jehozadak.

Hagai 1:8

Banbanna nian, wa hin uhunmwu oke wa ya va erhan, ne uwa dọlegbe bọ Ọgua Osa. Ẹghẹ nii, ẹko gha rhiẹnrhiẹn mwẹ, a ghi vbe gha ga mwẹ zẹ vbene ọ kere ne a gha ga mwẹ.

Zẹkaraia 1:1

Vbe uki ne ogierẹnrẹn ọghe ukpo nogieva ne Dariọs ya gha re ọgbaisi e Pẹsia, e Nọyaẹnmwa keghi gie ẹre uhunmwu na ighe Zẹkaraia ne ovbi e Berakia kevbe eyẹ Iddo.

Zẹkaraia 1:16

Rhunmwuda ọnii, mẹ dọlegbe gha die Jerusalẹm nian, ne I do rhie itohan mwẹ ma ẹvbo nii. A ghi rhie Ọgua Osa mwẹ ye ihe, a gha vbe dọlegbe gbe ekẹn ẹvbo nii.”

Zẹkaraia 4:9

Ọ wẹẹ, “E Zerubabẹl gbe ẹyotọ Ọgua Osa nẹ, te ọ ra bọ ẹe fo. Ọna ghẹghi sunu, emwa mwẹ gha rẹn wẹ mẹ ọ re ọ giọ gie uwẹ bu iran gha dee.

Zẹkaraia 8:9

Wa gie ẹtin la uwa iwu! Ẹmwẹ ne avbe akhasẹ tae ẹghẹ ne a na gha gbe ẹyotọ ne a ra ya dọlọ Ọgua Osa mwẹ bọ, ọ re uwa vbe họn na.