Ẹzra 6:11 - Edo Bible (E Baibol Ẹdo) Version 1996

¹¹ I vbe yan tae ba ẹre wẹ a deghẹ a miẹn ọmwa ne ọ ma ru vbene I khare na, a ghi ya wio erhan ne ọ kpọlọ ọkpa vbe owa ẹre, a ghi ka ẹre obọ ọkpa, a ghi ya ẹe ha ẹre ikinnegbe ne ọ ladian vbe obọ nọkpa, a ghi ye owa ẹre ru otiku.

Ẹzra 6:11 ပူးပေါင်းရင်းမြစ်များ

II Ọba 10:27

Ẹre iran na dunmwu ukhurhẹ kevbe nene aro ẹbọ, iran na ye aro ẹbọ nii khian owa isan, erriọ ọ ye ye do sẹ ẹdẹnẹrẹ na.

II Ọba 9:37

a gha zanzan ikun ẹnrẹn ku evba zẹ vbe isan ẹmila sẹrriọ wẹ ọmwa rhọkpa ighi rẹn ehe ne ọ khin vbe egbe!’ ”

Ẹzra 7:26

Ọmwaikọmwa gha rra uhi Osanobua ruẹ ra uhi otọe arriọba, a ghi wa rri ọre oya ẹgiẹgiẹ, deghẹ te a gha gbe ẹe rua, ra ne a khu ẹe gha rrie iwe, ra ne emwi nọ mwẹ khian ọghe ẹvbo ra ne a mu ẹẹn fi ẹwẹdọ.” Ẹzra Rho Osanobua

Ẹsta 5:4

Ẹsta keghi wanniẹn wẹẹ, “Adeghẹ ọ yẹ ruẹ Umogun, I ho ne uwẹ vbe Haman gha die owa mwẹ ota na rhunmwuda I le evbare khẹ ruẹ.”

Ẹsta 7:10

Ọba keghi kha wẹẹ, “Wa si e Haman rrọ yọ!” x e Haman rrọ ye erhan ne ọ yo ne a si emwa rrọ yi ne ọ te gba ye otọ khẹ Modekai. Ẹre ohu ọba ghi na rriotọ.

Daniẹl 2:5

Ọba keghi wanniẹn tama iran wẹẹ, “Vbene I tae ọrọre wẹ ne uwa tama mwẹ imina ne I minaẹn kevbe ne uwa rhan otọe ẹre ma mwẹ. Adeghẹ wa ma sẹtin, te I ra yannọ uwa obọ vbe owẹ hẹ kua, I ghi ya owa uwa hia khian itowa.

Daniẹl 3:29

“Banbanna nian, I tae wẹ adeghẹ a miẹn ovbi uhunmwu ẹvbo ọkpa ra emwa, ra ẹvbo ne a zẹ ne ọ ya ukpẹ sakan Osanobua e Siedrak, Mesiak, kevbe Abẹdnigo, te a ra yanghan ẹre obọ vbe owẹ hin egbe ẹre rre, a ghi ya owa ẹre khian otiku. Osanobua ọvbehe i rrọ ne ọ sẹtin miẹn ọmwa fan vbenian.”