Ẹzra 5:8 - Edo Bible (E Baibol Ẹdo) Version 1996

⁸ “Ma ho ne u rẹn Umogun wẹ ma yo otọ e Juda, ma keghi do miẹn wẹ iran gha dọlegbe bọ Ọgua Osa Osanobua nọkhua nii, iran gha ya avbe okuta nekhua kevbe olila ne a viọ lele ekẹn bọe. Te iran wa mu aro yọ gha ye ifuẹro ru ẹe, ọ hẹko mwẹ iran uhunmwu khian.

Ẹzra 5:8 ပူးပေါင်းရင်းမြစ်များ

Ẹzra 2:1

Ni bun vbe uwu iran ni te rre iwe keghi kpa vbe Babilọn rre, iran na gha die Jerusalẹm kevbe Juda, edọmwadẹ ọghọe na gha die ẹvbo ẹre. Ẹgbẹe iran hia ni te ka gha rre iwe vbe Babilọn ke ẹghẹ ne Nebukiadneza ne ọba ya viọ iran oghunmwu gha rrie odọ nii gha dee.

Ẹzra 5:7

“E Dariọs ne Ọgbaisi, u gha tọ u kpẹre.

Ẹzra 5:9

“Ma keghi nọ avbe ọkaolotu iran wẹ ne iran tama ima ọmwa ne ọ rhie asẹ ne iran ya dọlegbe bọ Ọgua Osa ni kevbe ne iran vbe dẹlẹ emwi hẹ yọ.

Ẹzra 6:10

Te a wẹ ne a ru ọna ne iran na gha zọ ese ne ọ gha yẹ Osanobua Ẹrinmwi, ne iran vbe na erhunmwu mẹ ne ọ fiangbe imẹ vbe emọ.

Ẹzra 6:4

Vbene a ra ya gbe ekẹn ọnrẹn ọrọre wẹ a ghi munọ ọgbagba okuta eha yan egbe nẹ, a ghi vbe mu ọghe erhan ọkpa yan rẹn. Aza ẹguae ọre a ra na viọ igho ne a gha ya ha osa emwi ne a loro hia.

Ẹzra 7:23

U ghi gbe aro ke otọ ne u ya viọ emwi hia ne Osanobua Ẹrinmwi gualọ vbe Ọgua Osa ẹre yọ, ne u vbe miẹn wẹ ọ ma mu ohu mwẹ ra ọghe iran ni gha rriọba lele mwẹ ẹdẹ ne akhuẹ.

Nehimaia 11:3

Vbe avbe okpẹvbo kevbe ore nekhua ọghe otọe Izrẹl ni dekẹe, avbe ohẹn avbe Livai, iran ni winna vbe Ọgua Osa, kevbe ivbi uniẹn eguọmwadia e Solomọn, iran ọ re ọ tobọ iran gha koko egbe iran vbe ẹvbo iran. Avbe ọkhaẹvbo ni rre otọe e Juda ni do yin e Jerusalẹm ọre ena khin:

Nehimaia 7:6

Nibun vbe uwu iran ni ye iwe ni ghi kpao vbe otọe Babilọn rre, iran keghi dọlegbe gha die ẹvbo edọmwadẹ ọghọe vbe Jerusalẹm kevbe Juda. Ke ẹghẹ ne Ọba Nebukiadneza ya viọ iran oghunmwu kpao gha dee, otọe Babilọn ọ re ẹgbẹe iran na gha rre iwe.

Ẹsta 1:1

Ẹkete Ọba ẹre, ne ọ tota yi vbe Susa ne igiogbẹ otọe ẹvbo Pẹsia ọ re Kzakzis ne ọba kegha khaemwisẹ yan agbọn ẹvbo ihinrọn yan iyehan (127), ke India ne gban an gha dee do sẹ e Sudan.

Ẹsta 1:22

Ọ keghi gie uhunmwu vbe ẹvbo ne iran zẹ kevbe vbene iran ya gbẹn emwi, gha rrie dọmwadẹ ehe ne a ghae otọe arriọba nii yi wẹ dọmwadẹ ọdọ ọ re ọ gha re ọdafẹn ne ọ yan owa ẹre, ẹmwẹ ne ọ tae ọ re ọ gha vbe gha re ọfo ye ẹmwẹ hia.

Psalm 145:3

E Nọyaẹnmwa kpolo, ọmwa ne a kakabọ rho ẹre vbe nọ, ukpọlọmwẹ ọnrẹn gberra ne ọ gia rẹn otọ ẹre.

Daniẹl 2:47

Ọba keghi kha wẹẹ, “Osanobua ruẹ ọrọre ne ọ kpọlọ sẹ ẹbọ hia, e Nọyaẹnmwa avbe eniyaẹnmwa kevbe ne ọ we oro ua ma emwa.”

Daniẹl 3:26

Ẹre Nebukiadneza na gha rrie onurho ehe ne ogidi erhẹn nii ye, ọ da tie iran wẹẹ, “E Siedrak! Mesiak! Abẹdnigo! Eguọmwadia Osanobua ne ọ kpọlọ Sẹehia! Wa ladian gha dee!” Iran keghi ladian vbe ọwarọkpa nii.

Daniẹl 4:2

Wa danmwehọ iyẹn ọghe ama kevbe iwinna ọyunnuan ne Osanobua ne ọ Sẹehia rhie ma mwẹ.

Daniẹl 6:26

I yii ẹre iyi wẹ la ehe ne otọ arriọba mwẹ sẹe, ehe ne ọ rhanmwẹ, o kere ne emwa hia gha mu ohan ne a vbe gha ya ọghọ ne Osanobua e Daniẹl. “Osanobua ne ọ rrọọ nọ, te ọ khian gha khaemwisẹ ẹdẹdẹmwẹdẹ. A i sẹtin fuẹn arriọba ẹre ẹdẹdẹmwẹdẹ, ẹtin ẹnrẹn i vbe sẹ ufomwẹ ẹdẹdẹmwẹdẹ.

Diuteronomi 10:17

E Nọyaẹnmwa Osanobua uwa kpọlọ sẹ ẹbọ hia kevbe ẹtin hia. Ọmwa ne ọ kpọlọ ne ọ mwẹ ẹtin rẹn khin, ọmwa ne ọ kere ne a gha mu ohan ẹnrẹn ẹsẹse. Ẹ i gbe ghe obọ okpa, ẹ i miẹn igho iyeke.

Diuteronomi 32:31

Eghian iran rẹnrẹn ighẹ ẹbọ iran i mwẹ ẹtin, iran i mwẹ ẹtin zẹ vbe Osanobua Izrẹl.