Ẹzra 5:12 - Edo Bible (E Baibol Ẹdo) Version 1996

¹² Sokpan, ugbẹn vbe avbe erha mwa odede ghi ya ohu mu Osanobua Ẹrinmwi, ọ na gie Nebukiadneza ne Ọba e Babilọn ya khọn iran, uniẹn ivbi e Kialdia ọ re ọba na khin. Iran keghi guọghọ Ọgua Osa a, iran na viọ emwa ni gha rrie iwe vbe Babilọn.

Ẹzra 5:12 ပူးပေါင်းရင်းမြစ်များ

II Ọba 24:2

E Nọyaẹnmwa keghi gie otu ni gbalọ abẹkpẹn vbe ivbi e Babilọn gha dee, e Siria, Moab kevbe Amọn, ne iran do dunmwu e Juda a, zẹ vbene Nọyaẹnmwa la unu avbe akhasẹ ta ẹe wẹ rẹn gha ru ẹe.

II Ọba 25:1

E Zedekaia keghi sọtẹ e Nebukiadneza ne ọba e Babilọn, ẹre Nebukiadneza ne ọba e Babilọn, na viọ ivbiyokuo ẹre hia gha de, ọ mu okuo la e Jerusalẹm vbe ikpẹdẹ ne ogigbe ọghe uki ne ogigbe vbe ọ rre ukpo ne ogihinrin ne Zedekaia rriọba. Iran keghi bu agọ ye vbe a ma he sẹ ore ẹvbo nii fo, iran gbe odin lẹga ẹre.

II Krọnikol 36:20

Ọ keghi viọ iran ni miẹn uhunmwu vbọ hia gha rrie Babilọn, iran na ya gha ga ẹe kevbe uniẹn ivbi ẹre zẹ vbe eviẹn ọ te do sẹ ẹghẹ ne Arriọba e Pẹsia na la ukpo.

Psalm 106:40

Rhunmwuda ọnii Osanobua mu ohu ghe emwa irẹn, ẹmwẹ iran keghi khan irẹn.

Aizaia 47:6

Te ohu emwa mwẹ te gha mu mwẹ, I keghi ru iran vbene a miẹn wẹ iran i ghi re emwa mwẹ ọvbehe. I keghi suaa iran fi obọ ruẹ, wẹ ma vbe tohan iran. U keghi ya obọ ne ọ wegbe mu avbe ọmaẹn.

Jerimaia 5:29

“Sokpan, mẹ ne Nọyaẹnmwa gha rria iran ikhi ye emwi na, I gha rria uhunmwu ẹvbo na ikhi.

Jerimaia 51:59

Ovbi ọkpọmwa ọghe Zedekaia ne ọba kegha re Seraia ne ovbi e Neraia kevbe eyẹ ọghe Maasai, ọ ghi rre ukpo enẹ ne Zedekaia rriọba vbe Juda, e Seraia keghi lele ẹe rrie Babilọn, I keghi giee ẹre uhunmwu eso.

Jerimaia 52:12

Vbe ikpẹdẹ ne ogigbe ọghe uki ne ogisẹn vbe ọ rre ukpo okpa irrọvbugie ne Ọba Nebukiadneza rriọba e Babilọn, e Nebuzaradan ne arowa ivbiyokuo ẹre kevbe ne ọ gue ẹe zẹ iro keghi la ore Jerusalẹm.

Daniẹl 9:5

Ma ru orukhọ, emwa dan ma wa vbe gha khin, ma ba emwi kuu ru. Ma rhie obọ gberra emwi ne uwẹ ne ima ru, ma keghi vbe fi iyeke gbe emwi ne uwẹ khare ighe ọ gbae.

Diuteronomi 31:17

Emwi vberriọ gha sunu, ohu iran gha mu mwẹ, I gha he iran ye otọ, a ghi fuẹn iran an. Ọkhọ ni mu ohan hia gha rruan iran, ẹghẹ nii iran ghi do rẹn wẹ emwi na sunu vbe egbe iran rhunmwuda, mẹ ne Osanobua iran i ghi rrọ yaba iran.

Diuteronomi 32:30

Vbe orhiọnkpa na sẹtin khọn arriaisẹn hẹ yi? Ne arhin eva kẹkan na khọn arriaisẹn igbe? E Nọyaẹnmwa Osanobua he iran ye otọ nẹ, Osanobua ne Oghodua iran sẹ iran rae nẹ.

Giọgis 2:14

Ohu Izrẹl keghi kakabọ mu e Nọyaẹnmwa, ọ na gie avbe ikpata gha mu bu iran yo ne iran vbe gha rha iran. Ọ keghi gie obọ avbe eghian ni lẹga iran gba iran. Ivbi Izrẹl ma ghi sẹtin da egbe iran yi hin obọ ẹbe.

Giọgis 4:2

Ẹre Nọyaẹnmwa na gie Jabin ọba ọkpa ọghe Kenan ne ọ gha rriọba vbe Hazọ khọn miẹn iran otọ. Ọmwa ne ọ gha re ọkaokuo ẹre kegha re Siseria ne ọ gha rre Harosiẹt ọghe iran ne ẹ i re Ju.

Giọgis 6:1

Ivbi Izrẹl keghi ru orukhọ ghe e Nọyaẹnmwa, rhunmwuda ọnii, rẹn keghi gie emwa Midian gha khaemwisẹ yan iran la ukpo ihinrọn.