Ẹzra 5:11 - Edo Bible (E Baibol Ẹdo) Version 1996

¹¹ “Iran keghi wanniẹn wẹẹ, ‘Eguọmwadia Osanobua ọghe ẹrinmwi kevbe agbọn ọre ima khin, te ima dọlegbe bọ Ọgua Osa ne ọba ne ọ mwẹ ẹtin ọghe Izrẹl ka bọ, ọ na dẹlẹ emwi yọ vbe ẹghẹ ne ọ kpee fua, gha dee.

Ẹzra 5:11 ပူးပေါင်းရင်းမြစ်များ

Gẹnẹsis 24:3

I ho ne u vẹn ihẹn ya yan ma mwẹ vbe odaro Nọyaẹnmwa ne ọre Osanobua ọghe ẹrinmwi kevbe agbọn wẹẹ, u i ra rhie okhuo ne ovbi mwẹ vbe Kenan ẹvbo ne I ye na.

I Ọba 6:38

Ọ ghi rre uki ne ogierẹnrẹn ne a tie ẹre Bul vbe ukpo ne ogiowọrọ ne Solomọn rriọba, a keghi bọ Ọgua Osa nii fo zẹ vbene a wa mwamwa ẹẹn zẹẹ. Ukpo ihinrọn ọre Solomọn ya bọ ẹe.

I Ọba 9:10

Ukpo ugie ọre Solomọn ya bọ Ọgua Osa kevbe ẹguae ẹre.

Ẹzra 5:10

Ma keghi vbe nọ eni iran ne ima miẹn ehe na tama ruẹn emwa ni re ọkaolotu vbe iwinna na.

Psalm 119:46

Mẹ gha na iyẹn iyi ruẹ ma avbe ọba ekhue i ra vbe mu mwẹ.

Psalm 136:26

Wa rhie ekpọnmwẹ ne Osanobua ẹrinmwi, etẹbitẹ ọ re ahoẹmwọmwa rẹn khin.

Daniẹl 3:26

Ẹre Nebukiadneza na gha rrie onurho ehe ne ogidi erhẹn nii ye, ọ da tie iran wẹẹ, “E Siedrak! Mesiak! Abẹdnigo! Eguọmwadia Osanobua ne ọ kpọlọ Sẹehia! Wa ladian gha dee!” Iran keghi ladian vbe ọwarọkpa nii.

Jona 1:9

E Jona keghi wanniẹn tama iran wẹẹ, “Ovbi e Hibru mẹ khin. E Nọyaẹnmwa, Osanobua ne ọ yi otọe kevbe okun, ọre imẹ ga.”

Matiu 10:32

“Ọmwa ne ọ rhirhi miẹn kue vbe azagba ighe ọghomwẹ rẹn khin, erriọ mẹ gha vbe miẹn rẹn kue vbe odaro Erha mwẹ ne ọ rre ẹrinmwi.

Iyẹn ne ọ Maan Ọghe Luk 12:8

“Ne I tama uwa, ọmwaikọmwa ne ọ ladian azagba tae ighe ọghomwẹ rẹn ikhin. Ovbi Ọmwa gha vbe ru vberriọ ne irẹn vbe odaro avbe odibo Osanobua.

Iwinna 27:23

Rhunmwuda vbe ne asọn, odibo Osanobua ne imẹ re ọghọe kevbe ne imẹ ga keghi bu mwẹ rre, ọ wẹẹ,

Ebe ne Pọl gbẹẹn gie emwa Rom 1:16

I wa mu ẹtin yan iyẹn ne ọ maa, ẹtin ne Osanobua ya miẹn iran ni yayi fan nọ, okaro, avbe Ju sokpan kevbe iran ne ẹ i re Ju ba ẹre.

Ebe ne Pọl gbẹẹn gie emwa Rom 6:16

Rhunmwuda, wa rẹnrẹn wẹ, wa gha zẹ egbe uwa obọ zẹ vbe eviẹn, ne uwa gha ru vbe ne ọmwa ọkpa kha re, eviẹn arowa ne uwa ru vbene ọ kha re ni, ọre uwa gele khin vbe ọ ghe ẹmwata, ọ sẹtin gha re orukhọ ne a miẹn wẹ uwu ọre ọ ke ẹre ikian, ra a họn ẹmwẹ ne a do gha la ekpa ẹre ka ọmwa ye ọmwata vbe odaro Osanobua!

Galatia 6:14

Zẹ vbe ọghomwẹ, ẹmwẹ ugbugbe Nọyaẹnmwa Jesu Kristi ọkpa ọre I ra ya gha rhuọ, rhunmwuda, ẹmwẹ ugbugbe ẹre, ọre agbọn na ya khian orinmwi vbe obọ mwẹ, mẹ na vbe khian orinmwi vbe obọ agbọn na.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”