Ẹzra 4:9 - Edo Bible (E Baibol Ẹdo) Version 1996

⁹ “E Rehum ne ne ọ khaemwisẹ, e Simsiai ne ọgbenbe ẹvbo, iran ne iho mwa kevbe iran ni bu ohiẹn, kevbe avbe emwa ọvbehe ni rre asẹ, avbe emwa ni ke Erek rre, kevbe Babilọn kevbe Susa vbe otọ Ẹlam.

Ẹzra 4:9 ပူးပေါင်းရင်းမြစ်များ

Gẹnẹsis 10:22

Ivbi e Siẹm ighẹ Ẹlam, Asiọ, Apaksiad, e Lud kevbe Aram, ọre ọ vbe gha re erha odede avbe emwa na a he ẹre eni ginna iran vberriọ.

II Ọba 17:24

Ọba Asiria keghi viọ emwa ke Babilọn gha dee kevbe Kut, Iva, Hamat kevbe Sefavim, ọ na do wẹ ne iran yin avbe ẹvbo e Sameria, ne iran do rhie ihe ivbi Izrẹl ne a hẹ gha rrie iwe. Iran keghi munọ avbe otọe na, iran na yin ẹnrẹn.

Ẹzra 4:8

Ye vbe deba ọnii, e Rehum ne ne ọ khaemwisẹ kevbe Simsiai ne ọgbaisi otọe nii kevbe gbẹn ebe na yan e Jerusalẹm mu gie Atakzaziz ne Ọgbaisi wẹẹ:

Ẹzra 5:3

Uhin vbe ọwarọkpa nii, ọ re Tatenai ne Ne ọ khaemwisẹ otọe Orrie Yufretes, e Sieta Bozenai kevbe avbe emwa ni rre asẹ ne ihua iran, na gha die Jerusalẹm, iran keghi nọ wẹẹ, “Gha ọ rhie asẹ ne uwa ya bọ Ọgua Osa na, kevbe ne uwa vbe viọ emwi hia yọ?”

Ẹzra 5:6

Ebe ne iran gbẹn ya tama nọgbaisi ọ re ọ na khin:

Ẹzra 6:6

E Dariọs ne ọgbaisi keghi rhie ewanniẹn na gie iran: “Tatenai nọ khaemwisẹ otọe orrie Yufretes, Sieta Bozenai, kevbe emwa ni rre asẹ ne ihua a vbe odẹ orrie Yufretes. “Wa ke ẹmwẹ Ọgua Osa ladian.

Nehimaia 4:2

Ọ kegha tae vbe odaro ihua ẹre kevbe ivbiyokuo e Sameria wẹẹ, “De emwi ne avbe Ju ne ẹwobi emwa wẹ iran ru na yi. Te iran ya dọlegbe bọ ẹvbo nii ra? Te iran ro ighẹ iran gha sẹtin la ekpa ese ne a zọ winna iwinna nii fo ẹdẹ ọkpa ra? Iran gha sẹtin ya iku ne ọ giẹn uan ru okuta ne a ya bọ owa ra?”

Ẹsta 2:3

U sẹtin gie avbe ekhaẹmwẹ ruẹn ni rre otọe ẹvbo na hia ne iran viọ avbe ibiẹka ikhuo ni mose hia gha die ẹrriẹ vbe Susa ne igiogbẹ otọe na? U ghi viọ iran gie Hagai ne ọghẹrriẹnoguan ne ọ gbe aro ghe avbe ikhuo ne uẹn ne ọ gha gbe aro ghe iran, ne ọ vbe gha mu iran egbe ose.

Aizaia 21:2

I miẹn umian ọghe emwi dan ni sunu, umian ọghe a ya ọmwa ne a vbokho kevbe ọfuan. “Ivbiyokuo Ẹlam, wa dekun iran! Ivbiyokuo e Medis, wa gha ga avbe okpẹvbo nii. Osanobua gha dobọ oya ne Babilọn he si ye emwa egbe yi.”

Jerimaia 49:34

E Zedekaia ghi wa da rriọba e Juda, e Nọyaẹnmwa ne Oghodua keghi gunmwẹ guan vbekpa Ẹlam.

Ezikiẹl 32:24

“Ẹlam rre evba, ke ẹe kevbe idin avbe ivbiyokuo ẹre ni lẹga ẹre. Okuo ọ re a na gbele ehia, iran keghi ya ukpikolo gha rre ẹvbo avbe emwa ni wulo nẹ. Ẹghẹ ne iran na rre agbọn, iran kegha ya ohan mu emwa hia, sokpan, banbanna nian, iran wulo ye otọ, iran khian emwa ne a fara a.

Daniẹl 8:2

Vbe umian nii, I ghi wa ghe vbe udomwurri, I wa rre ẹvbo ne a gbe ekẹn gaa ọghe Susa vbe iyaẹvbo Ẹlam. Ọkpẹn Ẹzẹ Ulai ọ re I mudia yi.

Iwinna 2:9

Ma ni ke Patia rre kevbe Midia, Ẹlam, Mẹsopotamia, Judia, Kapadosia, Pọntus, Esia,