Ẹzra 4:4 - Edo Bible (E Baibol Ẹdo) Version 1996

⁴ Ẹre emwa nii ka rre otọe ni dee na suẹn gha ye egbe wọ avbe Ju, iran kegha ye ohan mu iran, iran na gha da iran obọ owa nii ne a bọ yi.

Ẹzra 4:4 ပူးပေါင်းရင်းမြစ်များ

II Samuẹl 4:1

Ugbẹn vbe Isbosiẹt ne ovbi e Sọl ghi họn ighẹ iran gbe Abna rua vbe Hibrọn. Ohan keghi mu ẹẹn, afianma kegha vbe fian ivbi Izrẹl hia.

Ẹzra 3:3

A gha rhe miẹn wẹ ohan emwa ni gha rre otọe nii wa gha mu ivbi Izrẹl ni ke iwe rre, iran keghi ye dọlọ Ogiukpo bọ ye ehe ne ọ te kagha ye. Iran na dọlegbe suẹn gha giẹn ese vbọ ota vbe owiẹ kpẹkpẹkpẹ.

Ẹzra 4:5

Iran kevbe viọ igho odieke gie avbe emwa e Pẹsia ni rre asẹ vbe oga ọba ne iran mu idobo yọ. Erriọ iran wa gha ru ẹe la ẹghẹ ne Sairọs ne Ọgbaisi ya ẹe vbe ẹkete ya sẹ ẹghẹ e Dariọs ne ọgbaisi.

Nehimaia 4:11

Avbe eghian mwa keghi te gha ro wẹ ma i ra bẹghe iran, ra ma i ra rẹn, iran te do hẹ rhu mwa, ne iran gbele ima an, ne iran da obọ iwinna mwa yi.

Nehimaia 4:2

Ọ kegha tae vbe odaro ihua ẹre kevbe ivbiyokuo e Sameria wẹẹ, “De emwi ne avbe Ju ne ẹwobi emwa wẹ iran ru na yi. Te iran ya dọlegbe bọ ẹvbo nii ra? Te iran ro ighẹ iran gha sẹtin la ekpa ese ne a zọ winna iwinna nii fo ẹdẹ ọkpa ra? Iran gha sẹtin ya iku ne ọ giẹn uan ru okuta ne a ya bọ owa ra?”

Nehimaia 6:9

Iran keghi te gha ho ne iran runran ima ne ima zẹ iwinna ni obọ. I keghi na erhunmwu wẹẹ, “Sokpan, banbanna nian, Osanobua, rhie iwegbe mẹ!”

Jerimaia 38:4

Ẹre avbe ekhaẹmwẹ na na ya tama ọba wẹẹ, “Te ọ kere ne a gbe ọmwa na an. Ẹmwẹ ne ọ guan na te ọ ya ye egbe wọ avbe ivbiyokuo ni rre ẹvbo, erriọ ọ re ọ vbe ru avbe emwa ni rre ore ẹvbo hia. Ẹ i re te ọ zẹdẹ yi avbe emwa ni obọ, te ọ ho ne ọ kuan iran egbe.”

Daniẹl 10:13

Odibosa ne ovbi ọba ne ọ re ọghe otọe arriọba e Pẹsia keghi mu aro igbinna da mwẹ la ikpẹdẹ ọkpa yan ugie, ẹre Maikẹl, ọkpa vbe uwu avbe ọka odibosa na gha dee do yọmwẹ obọ rhunmwuda mẹ ọkpa ọ re a ghi sẹrae ye Pẹsia vbe evba.

Daniẹl 10:20

Rẹn keghi tama mwẹ wẹẹ, “U rẹn emwi ne ọ zẹe ne I na bu ruẹ gha dee ra? Te I rre do ma ruẹn emwi ne a gbẹnnẹ ye Ebe Ẹmwata. Banbanna nian, I gha werriegbe gha khian ne I ya gu odibosa ne ọ su Pẹsia gbinna. Vbe iyeke ọnii, odibosa ne ọ su e Gris gha rre. Ọmwa ọvbehe i rrọ ne ọ gha yọmwẹ obọ gberra e Maikẹl ne odibosa ne ọ su Izrẹl.