Ẹzra 4:3 - Edo Bible (E Baibol Ẹdo) Version 1996

³ Ẹre Zerubabẹl, e Jọsua kevbe avbe ọkaẹgbẹe na tama iran wẹẹ, “Ma i mwẹ emwi na a ya iyobọ uwa ru vbe Ọgua Osa ne ima bọ ne Nọyaẹnmwa ne Osanobua ima, ma gha tobọ ima bọe zẹ vbene Sairọs ne ọgbaisi e Pẹsia tama ima.”

Ẹzra 4:3 ပူးပေါင်းရင်းမြစ်များ

II Krọnikol 36:22

Vbe ukpo ne okaro ne Sairọs khian ọgbaisi e Pẹsia, e Nọyaẹnmwa keghi ruẹe ne ẹmwẹ ne ọ la unu e Jerimaia ne akhasẹ ta, do sẹ. Ọ keghi rhie ye Sairọs ekhọe ne ọ ta ẹmwẹ na ladian, ne ọ gbẹnnẹ ọẹn ye ebe ne a vbe tie ẹre ladian vbe ehe ne otọ arriọba ẹre sẹe ehe ne ọ rhanmwẹ wẹẹ:

Ẹzra 1:1

Vbe ukpo ne okaro ne Sairọs ya gha re ọgbaisi e Pẹsia, e Nọyaẹnmwa keghi ru ẹe ne ẹmwẹ ne ọ la unu e Jerimaia ne akhasẹ ta do sẹ. Ọ keghi rhie ẹre ye Sairọs ekhọe, ne ọ ta ẹmwẹ na ladian, kevbe ne ọ gbẹnnẹ ọẹn ne a vbe tie ẹre ne emwa hia vbe otọe arriọba ẹre hia wẹẹ,

Ẹzra 1:2

“Ẹmwẹ ne Sairọs ne Ọgbaisi ọghe Pẹsia tae ọ re ọna khin, E Nọyaẹnmwa ne Osanobua ọghe Ẹrinmwi ọre ọ ya mwẹ ru nọ khaemwisẹ yan uhunmwu otọ agbọn hia, ọ kevbe ya ẹe wa iwinna mẹ wẹ ne I bọ Ọgua Osa ne irẹn vbe Jerusalẹm ne ọ rre Juda.

Ẹzra 1:3

Osanobua ne ọ yaba uwa hia ni re emwa rẹn. Wa ghi do gha rrie Jerusalẹm ne uwa ya dọlegbe bọ Ọgua Osa ọghe Nọyaẹnmwa ne Osanobua Izrẹl, Osanobua ne a go wan vbe Jerusalẹm.

Ẹzra 3:8

Ẹre ọ ghi na sẹ uki ne ogieva ne iran sẹ ehe ne a bọ Ọgua Osa yi vbe Jerusalẹm, iran keghi suẹn iwinna. E Jerubabẹl, e Jọsua kevbe ivbi ẹvbo iran ni dekẹe, avbe ohẹn kevbe avbe Livai, vbe ẹmwata, ne a wa kha wẹ, emwa hia ni ke iwe gha die Jerusalẹm, ehia na ku obọ gbe vbe nene iwinna. Avbe Livai hia ni ghi sẹ ọmọ ukpugie gha rrie odukhunmwu nẹ, a keghi viọ iran ye iwinna ọghe ne a dọlọ Ọgua Osa ni bọ.

Nehimaia 2:20

Mẹ keghi wanniẹn wẹẹ, “Osanobua Ẹrinmwi gha rhie arudinodẹ ne ima, eguọmwadia ẹre ma khin, te ima ra suẹn gha bọ ẹe na. Sokpan ukpe emwiewe ọkpa ma khẹ ke uwa vbe Jerusalẹm, avbe emwi arre ne a ru vbọ ma vbe kan uwa.”

Aizaia 44:28

I tama Sairọs wẹẹ, ‘Wẹ ọrọre ọmwa ne ọ gha ya gha khaemwisẹ mẹ; u gha ru vbene I ho ne u ru: U gha tae wẹ ne a dọlọ bọ Jerusalẹm kevbe wẹ ne a gbe ẹyotọ ọgua Osa.’ ”

Aizaia 45:4

Te imẹ zẹ uwẹ ne u yi Izrẹl ne ọguọmwadia mwẹ obọ avbe emwa ne imẹ hannọ zẹ I ya ọghọ nọkhua ne uẹn nẹ, a gha rhe miẹn wẹ u ma rẹn mwẹ.

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.

Iyẹn ne ọ Maan Ọghe Jọn 4:9

Okhuo Sameria nii wanniẹn wẹẹ, “Wẹ ne Ju, vbe u a gu nọ imẹ ne ọmwa Sameria hẹ wẹ ne I sa amẹ nuẹn wọn.” (Rhunmwuda avbe Ju kevbe emwa Sameria i gba fi obọ ye ọkpan ọkpa.)

Iwinna 8:21

Iwinna mwa ma kan ruẹn, u i vbe mwẹ oghae vbọ, rhunmwuda ekhọe ruẹ ma mudia ẹse vbẹ odaro Osanobua.