Ẹzra 4:20 - Edo Bible (E Baibol Ẹdo) Version 1996

²⁰ Avbe ọba ni mwẹ ẹtin ka vbe rriọba vbe evba yi, iran na gha kha yan ehe ne otọe Orrie Yufretes sẹe ke ne ọ rhan mwẹ hia, iran keghi vbe gha koko igho otọ.

Ẹzra 4:20 ပူးပေါင်းရင်းမြစ်များ

Gẹnẹsis 15:18

Ẹdẹ nẹdẹrriọ, Nọyaẹnmwa keghi gu Ebram ta ile wẹẹ, “I yanrẹn ighẹ I gha mu otọ na hia ne uniẹn ruẹn, ke ẹzẹ ne ọ rre ehe ne Igipt lae ya sẹ Yufretes ne okpẹzẹ.

I Ọba 4:21

Otọe arriọba e Solomọn keghi ke Ẹzẹ e Yufretes vbe odọ ahọ, ya sẹ Filistia vbe odẹ orrie kevbe rhinrin yasẹ okhiẹ Igipt. Iran kegha ha igho uhunmwu gie ẹe, iran na vbe gha rre ototọ ẹre vbe ẹdẹ agbọn rẹn hia.

I Ọba 4:24

E Solomọn kegha khaemwisẹ yan otọe ni rre orrie Ẹzẹ Yufretes hia kevbe Tifsa vbe Yufretes ya sẹ ẹvbo e Gaza vbe orrie ne gbaan. Avbe ọba hia ni rre odẹ orrie ọghe Yufretes kegha ga gie ẹe, rẹn vbe ẹvbo ni lẹga ẹre hia keghi gba gha rrọ vbe ọfumwegbe.

I Ọba 5:1

Ke Omuhẹn gha dee, ọse Devid ọre Hiram ne ọba Taia gha khin, ọ ghi họn wẹ e Solomọn rriọba lele Devid ne erha ẹe, ọ keghi gie ukọ bu ẹre gha khian.

I Ọba 5:4

Sokpan, banbanna nian, e Nọyaẹnmwa Osanobua mwa rhie ọfumwegbe mẹ nẹ vbe ehe ni lẹga mwẹ hia. I i mwẹ eghian, I i vbe fian afianma odekun igbinna.

I Krọnikol 18:13

Ọ na bu agọ ivbiyokuo lele ehe hia vbe Idọm. Iran ni rre evba keghi do gha ga gie Devid ne Ọba. E Nọyaẹnmwa keghi gie Devid gha khọnmiotọ vbe ehe hia.

I Krọnikol 18:3

Vbe iyeke ọnii, e Devid keghi mu okuo gie Hadadezẹ ne ọba otọ e Siria ni rre Zọba vbe ọkpẹn otọ e Hama rhunmwuda, e Hadadezẹ keghi te gha ho ne ọ la odẹ uhunmwu e Yufretes la otọe ni do gha kha yan rẹn.

I Krọnikol 18:6

Iyeke ọnii, ọ keghi bu agọ ivbiyokuo ye ẹvbo iran, iran na khian emwa ni rre ototọ ẹre, iran na gha ga gie ẹe. E Nọyaẹnmwa keghi gie obọ e Devid gha ke odukhunmwu vbe ehe hia.

I Krọnikol 19:19

Avbe ọba ni ga gie Hadadezẹ ghi miẹn wẹ obọ Izrẹl ke odukhunmwu ne iran, iran keghi ya rinmwian e Devid, iran na gha ga gie ẹe. Ivbi e Siria ma ghi dọlegbe ye ivbi Amọn obọ ọvbehe.

II Krọnikol 17:11

Eso vbe uwu ivbi e Filistin keghi viọ esiliva ke emwi ihaoko nibun ọvbehe gie Jehosiafat, ivbi Arab eso ke viọ ohuan iyisẹn ihinrọn yan arriaisẹn hinrọn (7,700) ke ẹwe iyisẹn ihinrọn yan arriaisẹn ihinrọn (7,700) gie ẹe.

II Krọnikol 9:14

deba igho uhunmwu ne avbe obaghẹn kevbe ekpatẹ hae. Avbe ọba Arebia kevbe avbe enikhaemwisẹ vbe Izrẹl keghi vbe gha viọ esiliva kevbe igoru gie ẹe.

Ẹzra 4:13

Umogun, a gha miẹn wẹ, a dọlegbe bọ ẹvbo na kevbe ekẹn ne a gbe lẹga ẹre fo; emwa ni gha da obọ igho uhunmwu ne a zẹ mu guẹ, ẹghẹ nii, ẹfe ruẹ zẹ vbe ọba ghi do dibu.

Ẹzra 4:16

Rhunmwuda ọnii, aro ima dae wẹ, a deghẹ a dọlegbe bọ ẹvbo na, na vbe gbe ekẹn ne ọ lẹga ẹre fo, ẹtin ruẹn ighi sọe Umogun wẹ ne u ye gha kha yan avbe otọe ẹvbo ni rre orrie Yufretes.”

Ẹzra 4:19

I vbe gie nẹ wẹ ne a gualotọ ẹre, a keghi gele miẹn wẹ ke ẹkpo nẹdẹ gha dee, te Jerusalẹm wa sọtẹ ọba, kevbe wẹ etẹ kevbe ọgbẹti ọ re a miẹn vbọ.

Ẹzra 4:21

Rhunmwuda ọnii, wa ya khama iran wẹ ne avbe emwa ni da obọ owa ne a dọlọ bọ ni yi rhinrin I te vbe do gie uhunmwu rre.

Ẹzra 7:24

Ghẹ koko igho uhunmwu vbe obọ avbe ohẹn ra avbe Livai, ikpemaba, iran ni khẹ odẹ, iran ni winna, ra ọmwaikọmwa ne ọ ghi mwẹ emwi ne ọ ru nẹ vbe Ọgua Osa.

Psalm 72:8

Otọ arriọba ẹre gha ke okun ọkpa sẹ ọvbehe ke Yufretes kpao yasẹ ehe ne agbọn sẹe.

Eve Orriara 1:1

U miẹn vbe Jerusalẹm ghi divbiẹ hẹ ẹvbo ne emwa na te hu yo hu rre! Ne otagbọn hia te go wan te ọ ghi ye vbe okhuo ne ọ dẹgbẹ; ẹvbo ne ọ te re ne ọ hin usi sẹẹ ehia do khian ne ọ ghi re ọviẹn.

Ezikiẹl 19:11

Avbe abọ ẹre keghi wa wegbe, iran keghi do khian ọkpọ ọghe ọba. Erhan azara nii tan sẹ vberriọ, wẹ te ọ ghi sẹ uwu okuku iso, emwa hia keghi miẹn vbene ọ taẹn, kevbe vbene ọ mwẹ ebe hẹ.

Matiu 9:9

Jesu keghi kpao vbe evba rre, ugbẹn vbe ọ ghi khian ọ miẹn okpia ọkpa ne a tiẹre Matiu, ọ tota ye ehe ne ọ na koko igho uhunmwu. Ọ keghi khama rẹn wẹẹ, “Lele mwẹ.” Matiu keghi guakpao, ọ na lelẹe.