Ẹzra 4:2 - Edo Bible (E Baibol Ẹdo) Version 1996

² Rhunmwuda ọnii iran keghi bu e Zerubabẹl kevbe avbe ọkaẹgbẹe, iran tama iran wẹẹ, “Wa gie ima yaba uwa bọ Ọgua Osa na. Osanobua ne uwa ga ọ re ima vbe ga, te ima wa vbe zọ ese ghe ẹre ke ne Esahadọn ne ọgbaisi Asiria ya wẹ ne ima gha dee do yin edinran gha dee.”

Ẹzra 4:2 ပူးပေါင်းရင်းမြစ်များ

Gẹnẹsis 10:11

Otọe nii ọre ọ ke kpao ya bu avbe ẹvbo Ninevi, Rehobọt-Iri, Kala,

II Ọba 17:24

Ọba Asiria keghi viọ emwa ke Babilọn gha dee kevbe Kut, Iva, Hamat kevbe Sefavim, ọ na do wẹ ne iran yin avbe ẹvbo e Sameria, ne iran do rhie ihe ivbi Izrẹl ne a hẹ gha rrie iwe. Iran keghi munọ avbe otọe na, iran na yin ẹnrẹn.

II Ọba 17:41

Ẹre a na miẹn wẹ, emwa nii ga e Nọyaẹnmwa, sokpan iran kevbe gha gho ẹbọ iran bare. Do sẹ ẹdẹnẹrẹ na, te uniẹn ivbi iran ye ru vberriọ.

II Ọba 19:37

Ọ ghi sẹ ẹdẹ ọkpa, ọ na gha gho e Nisrọk ne ẹbọ ẹre. Eva vbe uwu ivbi ẹre, a tie ọkpa vbọ Adramẹlẹk, a vbe tie nọkpa Siarezẹ, keghi ye umozo gbe ẹe rua iran na lẹ gha rrie otọ Ararat. Ọkpa vbe uwu ivbi ẹre ne a tie ẹre Esahadọn keghi la ukpo Ọgbaisi lele ẹe.

Ẹzra 1:5

Ẹkpo nii, ọ re avbe ọkaẹgbẹe ni rre ẹwae ni rre Juda kevbe Bẹnjamin, avbe ohẹn kevbe avbe Livai, deba emwa ọvbehe hia ne Osanobua ghi rhie ye ọre ekhọe, na mu egbe, ne iran do ya bọ Ọgua Osa ọghe Nọyaẹnmwa ne ọ rre Jerusalẹm.

Ẹzra 2:2

Avbe ọkaolotu iran kegha re Zerubabẹl, e Jọsua, Nehimaia, Seraia, Rilaia, e Modekai, e Bilsian, e Mispa, e Bigvai, e Rehum kevbe Baana. Eni avbe uniẹn ivbi Izrẹl, deba eni emwa nii, kevbe dọmwadẹ uniẹn ni ke iwe rre.

Ẹzra 3:12

Ni bun vbe uwu avbe ohẹn ni khian eniwanrẹn sẹ, kevbe avbe Livai, kevbe avbe ọkaẹgbẹe rẹn Ọgua Osa nokaro. Iran ghi miẹn vbe a gbe ẹyotọ Ọgua Osa na, iran kegha viẹ ghẹ ghẹghẹ. Sokpan, emwa nekpa ni rre evba kegha we uwemwẹ oghọghọ.

Ẹzra 3:2

Ẹre Jọsua ne ovbi e Jehozadak, avbe ohẹn ne ihua ẹre kevbe Zerubabẹl ne ovbi e Sitiẹl, deba avbe etiọnrẹn hia, keghi koko dọlọ Ogiukpo ọghe Osanobua Izrẹl bọ ne iran miẹn ehe na gha giẹn emwi ne a ya zọ ese zẹ vbene a mwamwa ẹẹn ye ebe Uhi e Mosis ne ọmwa Osanobua.

Nehimaia 9:32

“Osanobua, Osanobua mwa, a miẹn vbe u kpọlọ hẹ! ugborrirri ne ọ mwẹ ẹtin eyan ne u yan rẹn hia, u keghi ya ẹkoata mu ẹẹn sẹ ke ẹghẹ ne avbe ọba Asiria ya gha zẹ ima owẹ gha dee uhin do sẹ wanwanna, a miẹn oya ne ima he re. Avbe ọba mwa, avbe ọkaolotu, avbe ohẹn mwa kevbe avbe akhasẹ avbe erha mwa odede, kevbe emwa ima hia, ehia rri oya. Yerre vbene ima he rri oya sẹhẹ!

Psalm 73:8

Iran ghi gha giẹ emwa ọvbehe iran ghi gha guan ẹmwẹ emwi dan iran tọn egbe mu, iran keghi zẹ iro vbene iran gha wọ ọmwa ọvbehe uhunmwu hẹ.

Aizaia 37:37

Ẹghẹ nii ọ re Senakẹrib ne ọgbaisi e Siria na ladian, ọ keghi werriegbe gha rrie Ninevi.

Aizaia 37:38

Ọ ghi sẹ ẹdẹ ọkpa, vbe ọ ghi ga vbe aro e Nisrọk ne ẹbọ ne ọ gho, eva vbe uwu avbe ivbi ẹre nikpia, Adramẹlẹk kevbe Siarezẹ, keghi ya umozo iran gbe ẹe rua, iran na lẹ gha rrie otọe Ararat. Ovbi ẹre nokpia ọvbehe ne a tie ẹre Esahadọn keghi rhie ihe ẹre zẹvbe ọgbaisi.

Hozia 14:3

Asiria i sẹtin miẹn ima fan hiehiere, avbe ẹsin okuo i vbe sẹtin degue ima. Ma i ghi dọlegbe tama avbe ẹbọ ima ẹdẹ wẹ iran ọrọre Osanobua mwa. Nọyaẹnmwa, wẹ wa tohan emwa hia ni i mwẹ ọmwa ọvbehe ne ọ ra lẹ bu.”

Galatia 2:4

A gha rhe miẹn wẹ, emwa eso ni tie egbe iran etẹn mwa ni deba ima, te gha ho ne iran rhuẹ ọre. Iran na keghi rẹnrẹn la uwu ẹbu zẹ vbe ọ rhẹ, ne iran do ghe vbene ima ghi re emwa ni fanmwẹ egbe ua hẹ, rhunmwuda ighẹ ma ye egbe ba Jesu Kristi. Iran te ho ne iran ye ima khian eviẹn.

II Timoti 3:8

Zẹ vbene Janis kevbe Jambres gha gbe odan ghe Mosis, erriọ emwa na gbe odan ghẹ ẹmwata, emwa na, ekhọe iran i ghi winna, iran keghi vbe gbe akuọkan vbe iyayi.