Ẹzra 4:19 - Edo Bible (E Baibol Ẹdo) Version 1996

¹⁹ I vbe gie nẹ wẹ ne a gualotọ ẹre, a keghi gele miẹn wẹ ke ẹkpo nẹdẹ gha dee, te Jerusalẹm wa sọtẹ ọba, kevbe wẹ etẹ kevbe ọgbẹti ọ re a miẹn vbọ.

Ẹzra 4:19 ပူးပေါင်းရင်းမြစ်များ

II Ọba 18:7

Ẹre Nọyaẹnmwa na yaba ẹre, emwi hia ne ọ ru kegha dinna odẹ. Ọ keghi sọtẹ ọba nọkhua ọghe Asiria, ọ na wẹ rẹn I ga gie ẹe.

II Ọba 24:20

Ohu emwa Jerusalẹm keghi mu e Nọyaẹnmwa sẹrriọ, kevbe e Juda ba ẹre, ne ọ na kpolo iran kua hin odaro irẹn rre.

Ẹzra 4:15

ne a ya gualọ uwu emwi ne avbe enikaro, avbe erha a odede gbẹnnẹ yotọ. A gha ru ẹe vberriọ, u gha miẹn wẹ te ẹvbo na wa sọtẹ ẹdẹdẹmwẹdẹ, kevbe wẹ ke ẹkpo nẹdẹ gha dee, ukpokpo ọ re ọ rhie ne avbe ọba kevbe avbe ogie isi hia. Ivbi ẹvbo ni, keghi re emwa nẹ i gie a kha yan. Ọnii ọ re ọ si ẹe ne a na dunmwu ẹvbo ni uan.

Ẹzra 4:18

“A tie ebe ne uwa gbẹn gun mwẹ nẹ, a vbe zẹ edu ẹre ma mwẹ.

Ẹzra 4:20

Avbe ọba ni mwẹ ẹtin ka vbe rriọba vbe evba yi, iran na gha kha yan ehe ne otọe Orrie Yufretes sẹe ke ne ọ rhan mwẹ hia, iran keghi vbe gha koko igho otọ.

Ẹzra 5:17

“Wanwanna nian Umogun, a deghẹ ọ yẹ ruẹ, u sẹtin wẹ ne a gualọ otọe emwi na vbe ehe ne a gbẹnnẹ ẹmwẹ ẹguae yi, ne a miẹn ehe na rẹn a deghẹ e Sairọs gele wẹ ne a dọlọ Ọgua Osa ne ọ rre Jerusalẹm bọ ra ẹn o, vbe iyeke ọnii, wẹ ghi vbe gie ima rẹn vbene ẹmwẹ na ye hẹ vbe ekhọe uwẹ.”

Itan 25:2

Emwi ne Osanobua viọ lẹre ọ re ọ ya ima yi ọghọ nẹẹn, emwi ne avbe ọba rhan otọ ẹre, ọ re ọ ya ima rhie ọghọ ne iran.

Diuteronomi 13:14

Wa gha họn egbe awẹawẹ vberriọ, wa ghi kakabọ gualọ otọ ẹre ẹsẹse, a gha miẹn we ẹmwata nọ ighẹ emwi dan na gele sunu.