Ẹzra 4:15 - Edo Bible (E Baibol Ẹdo) Version 1996

¹⁵ ne a ya gualọ uwu emwi ne avbe enikaro, avbe erha a odede gbẹnnẹ yotọ. A gha ru ẹe vberriọ, u gha miẹn wẹ te ẹvbo na wa sọtẹ ẹdẹdẹmwẹdẹ, kevbe wẹ ke ẹkpo nẹdẹ gha dee, ukpokpo ọ re ọ rhie ne avbe ọba kevbe avbe ogie isi hia. Ivbi ẹvbo ni, keghi re emwa nẹ i gie a kha yan. Ọnii ọ re ọ si ẹe ne a na dunmwu ẹvbo ni uan.

Ẹzra 4:15 ပူးပေါင်းရင်းမြစ်များ

II Ọba 24:20

Ohu emwa Jerusalẹm keghi mu e Nọyaẹnmwa sẹrriọ, kevbe e Juda ba ẹre, ne ọ na kpolo iran kua hin odaro irẹn rre.

II Ọba 25:4

Iran keghi guọghọ ihe eso vbe ekẹn ne a gbe lẹga ẹvbo nii. A gha rhe miẹn wẹ te ivbi e Babilọn wa tan obọ khinkhian ẹvbo nii, avbe ivbi iyokuo ni rrọọ hia lẹkua vbe asọn. Iran keghi la odẹ ogba ọghe ọba ladian, iran keghi la onurho ne ọ rre ehe ne ekẹn eva na miẹn egbe, iran le le odẹ ne ọ rrie Iya e Jọdan.

Ẹzra 4:12

“Ma wẹ ne a guẹ rẹn Umogun wẹ avbe Ju ni ke otọe ruẹ ni, kevbe ehe ọvbehe rre, do yin e Jerusalẹm nian, iran gha dọlegbe bọ ẹvbo dan ne ọ sọtẹ nii. Iran suẹn gha gbe ekẹn ne ọ lẹga ẹre nẹ, ẹ i ghi rre gbe iran bọe fo.

Ẹzra 4:14

Banbanna nian, rhunmwuda ighẹ te ima rre asa ọghe uwẹ ne Umogun, ma ma ho ne emwi vberriọ sunu, ọre ima ghi na zọe vbe iro nian wẹ,

Ẹzra 4:16

Rhunmwuda ọnii, aro ima dae wẹ, a deghẹ a dọlegbe bọ ẹvbo na, na vbe gbe ekẹn ne ọ lẹga ẹre fo, ẹtin ruẹn ighi sọe Umogun wẹ ne u ye gha kha yan avbe otọe ẹvbo ni rre orrie Yufretes.”

Nehimaia 2:19

Ugbẹn vbe Sanbọlat, e Tobaia kevbe Igabari ọkpa ne a tie ẹre Gesiẹm ghi họn emwi ne ima mu egbe ẹre ne ima ru, iran keghi suẹn gha giẹ mwa, iran wẹẹ, “De emwi ne uwa ro ighẹ uwa ru na yi? Te uwa ra sọtẹ ọgbaisi ra?”

Nehimaia 6:6

Ọ wẹẹ, “E Gesiẹm tama mwẹ, iran tae khian vbe ẹvbo hia ni lẹga wẹ te uwa ne Ju ho ne uwa sọtẹ, ọnii ọ sii ẹe ne uwa na dọlegbe gbe ekẹn ọlẹga nii. Ọ vbe tae wẹ, te u ho ne u ma egbe ruẹ ọba.

Ẹsta 2:23

A keghi gie emwa ni iran gualọ otọ ẹmwẹ na, a keghi miẹn wẹẹ, ẹmwata ọ re wa nọ. A keghi rhunmwuda ọnii silo emwa na rrọọ. Ẹre ọba na wẹ ne a gbẹn emwi na ye otọ vbe ebe isiemwiẹro ọghe otọe arriọba nii.