Ẹzra 4:13 - Edo Bible (E Baibol Ẹdo) Version 1996

¹³ Umogun, a gha miẹn wẹ, a dọlegbe bọ ẹvbo na kevbe ekẹn ne a gbe lẹga ẹre fo; emwa ni gha da obọ igho uhunmwu ne a zẹ mu guẹ, ẹghẹ nii, ẹfe ruẹ zẹ vbe ọba ghi do dibu.

Ẹzra 4:13 ပူးပေါင်းရင်းမြစ်များ

Ẹzra 4:14

Banbanna nian, rhunmwuda ighẹ te ima rre asa ọghe uwẹ ne Umogun, ma ma ho ne emwi vberriọ sunu, ọre ima ghi na zọe vbe iro nian wẹ,

Ẹzra 4:20

Avbe ọba ni mwẹ ẹtin ka vbe rriọba vbe evba yi, iran na gha kha yan ehe ne otọe Orrie Yufretes sẹe ke ne ọ rhan mwẹ hia, iran keghi vbe gha koko igho otọ.

Ẹzra 7:24

Ghẹ koko igho uhunmwu vbe obọ avbe ohẹn ra avbe Livai, ikpemaba, iran ni khẹ odẹ, iran ni winna, ra ọmwaikọmwa ne ọ ghi mwẹ emwi ne ọ ru nẹ vbe Ọgua Osa.

Nehimaia 5:4

Emwa ọvbehe eso kevbe kha wẹẹ, “Te ima gha mọmọ igho ya ha osa ne a hae ne ọba ye ugbo kevbe ogba azara.

Psalm 119:69

Iran ni tọn egbe mu ba mwẹ ohoghe, sokpan, ekhọekekhọe mwẹ hia, ọ re I ya ru vbene u khare.

Psalm 52:2

U zẹ iro vbene u gha mu agbọn rhia ye ẹrrẹe obọ hẹ aranmwẹ ruẹn yevbe abẹe ne ọ mu, ẹghẹ hia ọ re u ya zẹ ohoghe ta.

Matiu 17:25

Pita wanniẹn tama iran wẹẹ, “Vbọ ghi zẹ.” Ugbẹn vbe Pita ghi la uwu owa, Jesu keghi ka mu ẹmwẹ ni rre, ọ wẹẹ, “Saimọn, vbe uwẹ ro ẹmwẹ na hẹẹ? De emwa ni zẹ igho uhunmwu gie avbe ọba agbọn na yi? Emotọ ra avbe ọrriọvbe?”

Matiu 9:9

Jesu keghi kpao vbe evba rre, ugbẹn vbe ọ ghi khian ọ miẹn okpia ọkpa ne a tiẹre Matiu, ọ tota ye ehe ne ọ na koko igho uhunmwu. Ọ keghi khama rẹn wẹẹ, “Lele mwẹ.” Matiu keghi guakpao, ọ na lelẹe.