Ẹzra 4:12 - Edo Bible (E Baibol Ẹdo) Version 1996

¹² “Ma wẹ ne a guẹ rẹn Umogun wẹ avbe Ju ni ke otọe ruẹ ni, kevbe ehe ọvbehe rre, do yin e Jerusalẹm nian, iran gha dọlegbe bọ ẹvbo dan ne ọ sọtẹ nii. Iran suẹn gha gbe ekẹn ne ọ lẹga ẹre nẹ, ẹ i ghi rre gbe iran bọe fo.

Ẹzra 4:12 ပူးပေါင်းရင်းမြစ်များ

II Ọba 18:20

Ọ keghi nọ wẹẹ, “Wa yayi wẹ unu ọ re ẹwaẹn kevbe ẹtin ne a ya khọn okuo ye ra? De ọmwa ne uwẹ yayi wẹ ọ gha yi uẹ obọ ya sọtẹ ghe Asiria yi?

II Ọba 24:1

Ẹghẹ ne Jehoiakim na gha re ọha, e Nebukiadneza ne ọba e Babilọn keghi mu okuo gha die Juda. E Jehoiakim keghi ya ukpo eha gha ga gie ẹe, vbe iyeke ọnii, ọ keghi sọtẹ.

II Krọnikol 36:13

E Zedekaia keghi sọtẹ e Nebukiadneza ne ọba ne ọ ka ya ẹe vẹn Osanobua nẹ wẹ rẹn gha ya ẹkoata gha ga ẹe. Ọ keghi wa ya izevbudu he ne ọ roiro fi ekhọe werriẹ, ne ọ bu e Nọyaẹnmwa ne Osanobua Izrẹl gha dee.

Ẹzra 4:11

Ẹmwẹ ne ọ rre nene ebe ọ re ọna khin: “Eguọmwadia ni rre obọ orrie ọghe Otọe ni lẹga Yufretes Atakzaziz ne ọgbaisi.

Ẹzra 4:15

ne a ya gualọ uwu emwi ne avbe enikaro, avbe erha a odede gbẹnnẹ yotọ. A gha ru ẹe vberriọ, u gha miẹn wẹ te ẹvbo na wa sọtẹ ẹdẹdẹmwẹdẹ, kevbe wẹ ke ẹkpo nẹdẹ gha dee, ukpokpo ọ re ọ rhie ne avbe ọba kevbe avbe ogie isi hia. Ivbi ẹvbo ni, keghi re emwa nẹ i gie a kha yan. Ọnii ọ re ọ si ẹe ne a na dunmwu ẹvbo ni uan.

Ẹzra 4:19

I vbe gie nẹ wẹ ne a gualotọ ẹre, a keghi gele miẹn wẹ ke ẹkpo nẹdẹ gha dee, te Jerusalẹm wa sọtẹ ọba, kevbe wẹ etẹ kevbe ọgbẹti ọ re a miẹn vbọ.

Ẹzra 5:3

Uhin vbe ọwarọkpa nii, ọ re Tatenai ne Ne ọ khaemwisẹ otọe Orrie Yufretes, e Sieta Bozenai kevbe avbe emwa ni rre asẹ ne ihua iran, na gha die Jerusalẹm, iran keghi nọ wẹẹ, “Gha ọ rhie asẹ ne uwa ya bọ Ọgua Osa na, kevbe ne uwa vbe viọ emwi hia yọ?”

Ẹzra 5:9

“Ma keghi nọ avbe ọkaolotu iran wẹ ne iran tama ima ọmwa ne ọ rhie asẹ ne iran ya dọlegbe bọ Ọgua Osa ni kevbe ne iran vbe dẹlẹ emwi hẹ yọ.

Nehimaia 1:3

Iran keghi tama mwẹ wẹ uwu ọlọghọmwa nọkhua ọ re iran ye ighẹ iran ni miẹn uhunmwu ya sẹ owa, kevbe wẹ avbe erhunmwuyẹn ni yin lẹga iran I zẹdẹ ghe iran sọmwa, iran kevbe tama mwẹ wẹ te ekẹn ne a gbe gaa e Jerusalẹm he ye rẹnkhuan kevbe wẹ a ma he ye dọlegbe bọ onurho ẹre ke ẹghẹ ne iran ya giẹn ọnrẹn gha dee.

Nehimaia 6:6

Ọ wẹẹ, “E Gesiẹm tama mwẹ, iran tae khian vbe ẹvbo hia ni lẹga wẹ te uwa ne Ju ho ne uwa sọtẹ, ọnii ọ sii ẹe ne uwa na dọlegbe gbe ekẹn ọlẹga nii. Ọ vbe tae wẹ, te u ho ne u ma egbe ruẹ ọba.

Ẹsta 3:8

E Haman keghi bu ọba ya tama rẹn wẹẹ, “Ivbi ẹvbo eso rre otọe ruẹ na, iran tagha gba otọe na hia, a i vbe miẹn iyaẹvbo ne a i na miẹn iran, ilele ẹvbo iran ma zẹdẹ gu ọghe ẹvbo ọvbehe rhọkpa ro vbe otọe na. Ye vbe sẹ ọnii, iran i ye uhi ẹvbo na ru emwi, rhunmwuda ọnii, ẹ i re emwi ne ọ gha fu egbe a deghẹ a sẹ iran rae.

Jerimaia 52:3

Ohu ivbi e Juda kevbe ivbi e Jerusalẹm keghi mu e Nọyaẹnmwa sẹrriọ wẹ ọ keghi viọ iran hin ehe ne irẹn ye rre. E Zedekaia keghi sọtẹ ọba e Babilọn ighẹ Nebukiadneza.

Daniẹl 3:8

Ẹghẹ na nian, ivbi e Babilọn keghi miẹn ehe la la ivbi e Ju egbe.

Daniẹl 9:25

Yi ọna ẹro ne u vbe rẹn emwi ne a ya ẹe kha. Ke ẹghẹ ne a ya tae wẹ ne abọ e Jerusalẹm kpao do sẹ ẹghẹ ne ọkaolotu ne Osanobua zẹe gha ya rre, ukpo ekigbesiyenẹ vbe ihe ihinrọẹn gha gberra. A gha dọlegbe bọ e Jerusalẹm ke ẹe kevbe idunmwu ni rrọọ kevbe avbe ọkhẹ ne ọ wegbe ọ gha vbe gha rrọọ vbe ukpo eva yan iyeha vbe ihe ihinrọn, sokpan ẹghẹ ọlọghọmwa ọ re ọ khian gha khin.

Iyẹn ne ọ Maan Ọghe Luk 13:34

“Eu! Jerusalẹm, Jerusalẹm! Wẹ ne ọ gbele avbe akhasẹ kevbe avbe odibo ne Osanobua gie ẹre uhunmwu bu ruẹ gha dee! Inu igba I he te gha ho ne I tan ifuẹn mwẹ ga emwa ruẹn vbe ne iye ọkhọkhọ tan ifuẹn gue ivbi ẹre, sokpan u ma kue.

Iwinna 24:5

Ma miẹn okpia na wẹ, uhunmwu isusu dan nọ. Ọ fian otighi fi avbe Ju egbe la uhunmwu otọ agbọn hia. Ọ keghi vbe re ọkaolotu otu ọkpa ne iran tie eni ẹnrẹn e nazarin.

I Tẹsalonaika 5:22

Wa gha lẹ ne emwi dan hia ne ọ rhirhi gha khin.