Ẹzra 4:10 - Edo Bible (E Baibol Ẹdo) Version 1996

¹⁰ Do deba avbe emwa nekpa ne Asiọbanipal nọkhua ne ovbi udu munọ hin ẹvbo iran rre, ọ na ya viọ iran ye Sameria kevbe ehe ọvbehe vbe obọ Orrie ọghe Otọe ni lẹga Yufretes, ọ re ọ gbẹn ebe na.”

Ẹzra 4:10 ပူးပေါင်းရင်းမြစ်များ

Ẹzra 4:1

Avbe eghian ivbi Juda kevbe Bẹnjamin keghi họn wẹ emwa ni ke iwe rre gha dọlegbe bọ Ọgua Osa e Nọyaẹnmwa ne Osanobua Izrẹl.

Ẹzra 4:11

Ẹmwẹ ne ọ rre nene ebe ọ re ọna khin: “Eguọmwadia ni rre obọ orrie ọghe Otọe ni lẹga Yufretes Atakzaziz ne ọgbaisi.

Ẹzra 4:17

Ọgbaisi keghi rhie ewanniẹn na gie iran: “E Rehum ne ne ọ khaemwisẹ, e Simsiai ne ọgbenbe ẹvbo, e Sameria kevbe otọe nekpa vbe odẹ Orrie ọghe Yufretes, I giotuẹ uwa.

Ẹzra 7:12

“Atakzaziz ne Ọgbaisi ọ re ọ gbẹnnẹ avbe ẹmwẹ na gie Ẹzra ne ohẹn ne ọ vbe re ọrẹnbe ọghe Uhi e Nọyaẹnmwa ne Osanobua Ẹrinmwi.

Nehimaia 4:2

Ọ kegha tae vbe odaro ihua ẹre kevbe ivbiyokuo e Sameria wẹẹ, “De emwi ne avbe Ju ne ẹwobi emwa wẹ iran ru na yi. Te iran ya dọlegbe bọ ẹvbo nii ra? Te iran ro ighẹ iran gha sẹtin la ekpa ese ne a zọ winna iwinna nii fo ẹdẹ ọkpa ra? Iran gha sẹtin ya iku ne ọ giẹn uan ru okuta ne a ya bọ owa ra?”

Nehimaia 9:32

“Osanobua, Osanobua mwa, a miẹn vbe u kpọlọ hẹ! ugborrirri ne ọ mwẹ ẹtin eyan ne u yan rẹn hia, u keghi ya ẹkoata mu ẹẹn sẹ ke ẹghẹ ne avbe ọba Asiria ya gha zẹ ima owẹ gha dee uhin do sẹ wanwanna, a miẹn oya ne ima he re. Avbe ọba mwa, avbe ọkaolotu, avbe ohẹn mwa kevbe avbe akhasẹ avbe erha mwa odede, kevbe emwa ima hia, ehia rri oya. Yerre vbene ima he rri oya sẹhẹ!

Ebe ne Pọl gbẹẹn gie emwa Rom 13:7

Rhunmwuda ọnii wa ha osa kevbe igho ne a fian ye emwi ne uwa mwẹ ne iran, wa ghi vbe gha ye ọghọ vbe ute da ne iran.