Ẹzra 3:9 - Edo Bible (E Baibol Ẹdo) Version 1996

⁹ E Jesua ne Livai, avbe ivbi ẹre nikpia kevbe avbe etiọnrẹn, kevbe Kadmiẹl vbe ivbi ẹre nikpia (ẹwae Hodavaia) keghi ku obọ gbe ne iran gha gbe aro ghe Ọgua Osa ne a dọlọ bọ. (Avbe Livai ne ivbi ẹwae Henadad keghi vbe gha ru iyobọ ne iran vbọ).

Ẹzra 3:9 ပူးပေါင်းရင်းမြစ်များ

I Krọnikol 23:4

Ọba na viọ iran arriaisẹn enẹ yan ugie (24,000) vbọ ne iran gha winna iwinna khaemwisẹ vbe uwu Ọgua Osa, ọ keghi viọ iran arriaisẹn ehan (6,000) vbọ ne iran gha sin emwi ẹro kevbe ne iran gha bu ohiẹn.

II Krọnikol 34:12

Emwa ni winna iwinna na kegha re emwa ne ẹko ẹre rri ẹe. Avbe Livai enẹ ọ re ọ gha gbe aro ghe iran, ena ọ re Jahat kevbe Obedaia ne ivbi ẹwae e Merari, kevbe Zẹkaraia kevbe Mẹsiulam ne ivbi ẹwae e Kohat. (Avbe livai na hia kegha re emwa ni rẹn emaba ne a kpe ẹsẹse.)

Ẹzra 2:40

Ẹwae avbe Livai ni ke iwe rre: E Jesua kevbe Kadmiẹl (ivbi uniẹn e Hedovaia) enẹ yan ekigbesiyenẹ (74) Ikpezikẹn Ọgua Osa (ivbi uniẹn Asaf) — erẹnrẹn yan iyehan (128) Iran ni khẹ Ọgua Osa (ivbi uniẹn e Sialọm, Ata, Talmọn, Akub, e Hatita kevbe Siohai) — ọkpa irrọ vbe ikiọkhọe (139)

Ẹzra 3:8

Ẹre ọ ghi na sẹ uki ne ogieva ne iran sẹ ehe ne a bọ Ọgua Osa yi vbe Jerusalẹm, iran keghi suẹn iwinna. E Jerubabẹl, e Jọsua kevbe ivbi ẹvbo iran ni dekẹe, avbe ohẹn kevbe avbe Livai, vbe ẹmwata, ne a wa kha wẹ, emwa hia ni ke iwe gha die Jerusalẹm, ehia na ku obọ gbe vbe nene iwinna. Avbe Livai hia ni ghi sẹ ọmọ ukpugie gha rrie odukhunmwu nẹ, a keghi viọ iran ye iwinna ọghe ne a dọlọ Ọgua Osa ni bọ.

Nehimaia 3:24

E Binnui ne ovbi e Henadad keghi bọ ako ne ọ lele ẹe ke owa Azaraia kpao ya sẹ igọgọ ekẹn ni,

Nehimaia 7:43

Ẹwae avbe Livai ni ke iwe rre: E Jesua kevbe kadmiẹl (ivbi uniẹn e Hodavaia) ehan irrọvbiyenẹ (74) Ikpemaba Ọgua Osa (ivbi uniẹn Asaf) — erẹnrẹn yan ikiọkhọe (148) Iran ni khẹ Ọgua Osa (ivbi uniẹn e Sialọm, Atẹ, Talmọn, Akub, e Hatita kevbe Siohai) — evairrọvbe ikiọkhọe (138)