Ẹzra 3:8 - Edo Bible (E Baibol Ẹdo) Version 1996

⁸ Ẹre ọ ghi na sẹ uki ne ogieva ne iran sẹ ehe ne a bọ Ọgua Osa yi vbe Jerusalẹm, iran keghi suẹn iwinna. E Jerubabẹl, e Jọsua kevbe ivbi ẹvbo iran ni dekẹe, avbe ohẹn kevbe avbe Livai, vbe ẹmwata, ne a wa kha wẹ, emwa hia ni ke iwe gha die Jerusalẹm, ehia na ku obọ gbe vbe nene iwinna. Avbe Livai hia ni ghi sẹ ọmọ ukpugie gha rrie odukhunmwu nẹ, a keghi viọ iran ye iwinna ọghe ne a dọlọ Ọgua Osa ni bọ.

Ẹzra 3:8 ပူးပေါင်းရင်းမြစ်များ

I Krọnikol 23:4

Ọba na viọ iran arriaisẹn enẹ yan ugie (24,000) vbọ ne iran gha winna iwinna khaemwisẹ vbe uwu Ọgua Osa, ọ keghi viọ iran arriaisẹn ehan (6,000) vbọ ne iran gha sin emwi ẹro kevbe ne iran gha bu ohiẹn.

I Krọnikol 3:17

Ivbi uniẹn e Jehoiakin ne ọba, ne iran viọ ẹre oghunmwu gha rrie Babilọn ọ re ena khin. Emọ ikpia ihinrọn ọ re Jehoiakin gha mwẹ, ena ọ re Sieltiẹl,

Ẹzra 10:18

Eni emwa ni viọ ikhuo orhunmwuyẹn ọ re ena khin: Avbe ohẹn kevbe ẹwae ne iran ke rre: Ewae Jọsua kevbe etiọnrẹn, ivbi e Jehozadak ni rrọọ kegha re Maaseia Eliezẹ, e Jarib kevbe Gedalaia.

Ẹzra 2:2

Avbe ọkaolotu iran kegha re Zerubabẹl, e Jọsua, Nehimaia, Seraia, Rilaia, e Modekai, e Bilsian, e Mispa, e Bigvai, e Rehum kevbe Baana. Eni avbe uniẹn ivbi Izrẹl, deba eni emwa nii, kevbe dọmwadẹ uniẹn ni ke iwe rre.

Ẹzra 3:2

Ẹre Jọsua ne ovbi e Jehozadak, avbe ohẹn ne ihua ẹre kevbe Zerubabẹl ne ovbi e Sitiẹl, deba avbe etiọnrẹn hia, keghi koko dọlọ Ogiukpo ọghe Osanobua Izrẹl bọ ne iran miẹn ehe na gha giẹn emwi ne a ya zọ ese zẹ vbene a mwamwa ẹẹn ye ebe Uhi e Mosis ne ọmwa Osanobua.

Ẹzra 4:24

A te da obọ iwinna yi nẹ vbe Ọgua Osa, ọ keghi da obọ yi rhinrin ya sẹ ukpo ne ogieva ne Dariọs ne ọgbaisi e Pẹsia la ẹkete.

Ẹzra 4:3

Ẹre Zerubabẹl, e Jọsua kevbe avbe ọkaẹgbẹe na tama iran wẹẹ, “Ma i mwẹ emwi na a ya iyobọ uwa ru vbe Ọgua Osa ne ima bọ ne Nọyaẹnmwa ne Osanobua ima, ma gha tobọ ima bọe zẹ vbene Sairọs ne ọgbaisi e Pẹsia tama ima.”

Ẹzra 5:16

Ẹre Siẹsbaza na do gbe ẹyotọ ẹre, te a ghi bọe khian kevbe ẹghẹ nii gha dee do sẹ wanwan na, sokpan a ma he ye bọe fo.’

Ẹzra 5:2

Ugbẹn vbe Zerubabẹl ne ovbi e Sitiẹl kevbe Jọsua ne ovbi e Jehozadak ghi họn ẹmwẹ ne iran ta, iran keghi suẹn gha dọlegbe bọ Ọgua Osa ne ọ rre Jerusalẹm avbe akhasẹ eva ni keghi yi iran obọ.

Hagai 1:1

Vbe ukpo ne ogieva ne Dariọs ya gha re ọgbaisi e Pẹsia, vbe ikpẹdẹ ne okaro ọghe uki ne ogiehan, e Nọyaẹnmwa keghi giee Hagai ne akhasẹ uhunmwu rre, ọmwa ne a giee uhunmwu na gie kegha re e gọvina ọghe Juda ighe e Zerubabẹl ne ovbi Siatiẹl, kevbe ogiohẹn ighe Jọsua ne ovbi e Jehozadak.

Zẹkaraia 4:9

Ọ wẹẹ, “E Zerubabẹl gbe ẹyotọ Ọgua Osa nẹ, te ọ ra bọ ẹe fo. Ọna ghẹghi sunu, emwa mwẹ gha rẹn wẹ mẹ ọ re ọ giọ gie uwẹ bu iran gha dee.

Zẹkaraia 6:12

Tama rẹn wẹ e Nọyaẹnmwa ne Oghodua khare wẹẹ, ‘Agbọn gha maa ọmwa ne a tie ẹre Abọ vbe ehe ne ọ ye ọ gha vbe dọlọ Ọgua Osa e Nọyaẹnmwa họ.

Nọmbas 4:3

Ne ọ gbẹnnẹ eni avbe ikpia hia ke ukpo ọgban ya sẹ ekigbesiyeha, emwa ni kere ni gha winna vbe uwu Owa Ukpọn Ile.