Ẹzra 3:7 - Edo Bible (E Baibol Ẹdo) Version 1996

⁷ Emwa nii keghi zẹ igho ne a ha ne iran ni ya okuta bọ owa kevbe avbe owinna, iran keghi vbe ni evbare kevbe ayọn kevbe ofigbọn oliv, ne a viọ gha rrie Taia kevbe vbe Saidọn, ne a ya dẹlẹ erhan vbe ẹgbo e Lebanọn, kevbe ne a vbe guae la okun gha rrie Jopa. E Sairọs ne ọgbaisi ọghe Pẹsia kue yọ nẹ, a kegha ru avbe emwi na hia.

Ẹzra 3:7 ပူးပေါင်းရင်းမြစ်များ

II Samuẹl 5:11

E Hiram ne Ọba e Taia keghi gie avbe ukọ ẹvbo mu ẹki bu e Devid, ọ na viọ erhan igẹdu gie ẹe, kevbe avbe owinna, kevbe igbokuta, ne iran ya bọ ẹguae ẹre ne ẹẹn.

I Ọba 5:6

Rhunmwuda ọnii, gie emwa ruẹn gha rrie Lebanọn, ne iran ya gbele igẹdu ye otọ mẹ. Emwa mwẹ gha deba iran winna. Emwi ne u ghi wẹ ne I ha emwa ruẹn re, I gha hae. Zẹ vbene u wẹ rẹnrẹn, emwa mwẹ i guara tọnnọ erhan vbene emwa ruẹn ye.”

II Ọba 12:10

Ẹghẹikẹghẹ ne igho rhirhi ya gha kpọlọ vbe uwu ẹkpẹti nii, ọgbenbe ọba kevbe Ogie Ohẹn ghi rre, iran ghi ranran esiliva nii, iran ghi mwa rẹn vbene ọ khua sẹ hẹ.

II Ọba 12:13

Sokpan, a ma rhie vbe igho nii ya dẹ ukpu esiliva, ọkpan, avbe okpe ra avbe emwi ne a ya dọlọ ukpa yi, ra emwikemwi ne a ya igoru ra esiliva ru rhọkpa.

II Krọnikol 34:10

A keghi viọ igho na ne iran eha ne a wẹ ne ọ dọlọ Ọgua Osa yi, eni keghi vbe viọ iran ne,

Ẹzra 3:6

A gha rhe miẹn wẹ, iran ma he suẹn gha dọlegbe bọ Ọgua Osa, iran keghi suẹn gha giẹn ese ne Nọyaẹnmwa vbe ikpẹdẹ ne okaro ọghe uki nogihinrọn.

Ezikiẹl 27:17

E Juda kevbe Izrẹl ya ọka, owọn, ofigbọn oliv kevbe oziza ha osa ye emwi ne iran gu uẹ dẹlẹ.

Jona 1:3

Sokpan, e Jona keghi mu uhunmwu da ehe ọvbehe ne ọ miẹn ehe na lẹ hin ehe ne Nọyaẹnmwa ye rre. Rẹn keghi gha rrie Jopa, ọ keghi miẹn okọ ne ọ ke evba rrie Spen. Rẹn keghi ha osa, ọ na la okọ ne ọ lele emwa ni gua ẹe gha rrie Spen, ehe ne ọ gha na wa kpa hin ehe ne Nọyaẹnmwa ye rre.

Iwinna 12:20

Ohu emwa Saidọn kevbe Taia keghi gha mu Hẹrọd, iran keghi si egbe koko ya miẹn ọẹn. Iran keghi ka de Blastọs ne ọka ẹguae ba egbe. Iran keghi bu Hẹrọd gha khian ya rinmwian ne ọ mu ẹzọ fua rhunmwuda, ẹvbo Ọba na ọre a ke hẹ evbare ne avbe ẹvbo na re rre.

Iwinna 9:36

Okhuo ọkpa ne a tie ẹre Tabita keghi rre Jopa, ọmwa iyayi nọ. (Dọkas ọre a tie ẹre vbe Grik, emwi ne a ya ọnii kha ọrọre ẹrhuẹ.) Ọ lo ẹghẹ ẹre ye iwinna ne ọ maa kevbe ne ọ gha ye avbe ivbiogue obọ.

Iwinna 9:38

Jopa ma rrei gbe vbe Lida. Avbe erhuanegbe ni rre Jopa ghi họn ighẹ Pita rre Lida, iran keghi gie arhunmwu eva bu ẹre wẹẹ, “Zẹgiẹ bu ima gha dee.”

Iwinna 9:43

Pita keghi gbe ikpẹdẹ ni bun vbe Jopa vbe owa ọsohian ọkpa ne a tie ẹre Saimọn.