Ẹzra 3:5 - Edo Bible (E Baibol Ẹdo) Version 1996

⁵ Ye vbe deba ọnii, iran kevbe gha zọ ese ne a giẹn ikun ẹnrẹn hia, kevbe ese ne a zọ vbe ẹghẹ Emwiukpo Uki Ọgbọn, kevbe ẹghẹ ugamwẹ ni dekẹe hia ne a na si egbe koko ga e Nọyaẹnmwa; do deba avbe izọ ese ne a ya ọ kekhọerre zọ ghe Nọyaẹnmwa.

Ẹzra 3:5 ပူးပေါင်းရင်းမြစ်များ

II Krọnikol 31:14

E Kore ne ovbi Imna ne ọ vbe re Livai ne ọ re ọkaolotu iran ni khẹ Onurho Odẹ Ahọ vbe Ọgua Osa, ẹre iran rhie yọ ne ọ gha koko emwi ne a ya zẹ ọhẹ gie Nọyaẹnmwa kevbe ne ọ vbe gha gha ẹre.

Ẹzra 3:6

A gha rhe miẹn wẹ, iran ma he suẹn gha dọlegbe bọ Ọgua Osa, iran keghi suẹn gha giẹn ese ne Nọyaẹnmwa vbe ikpẹdẹ ne okaro ọghe uki nogihinrọn.

Nehimaia 10:34

Ma kevbe avbe ohẹn kevbe avbe Livai gha yan uta yọ ukpukpo ne a ya rẹn ẹwae ne ọ gha ho erhan ne a ya giẹn ese ne a zọ ghe Nọyaẹnmwa ne Osanobua mwa zẹ vbene Uhi khare.

Jerimaia 33:18

Kevbe wẹ te a gha vbe gha miẹn ohẹn rhinrin vbe ẹwae Livai, ne ọ gha ga mwẹ ne ọ gha vbe gha yo imuohan ọka gunmwẹ, ne ọ vbe gha zọ ese.”

Levitikọs 1:2

“Ne ivbi Izrẹl gha rhie obọ lele ẹe vbe iran a gha zọ ese. Omwa gha ra zọ ese aranmwẹ, ọ sẹtin gha re ọkpa vbe uwu ẹmila ẹre ra ohuan rẹn ra ewe ẹre.

Levitikọs 1:3

A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.

Levitikọs 23:2

ighẹ avbe emwamwa na ọ ghe avbe emwiukpo ugamwẹ ne emwa Izrẹl hia gha na si koko ne iran ru ugamwẹ.

Nọmbas 28:14

Ayọn ne ọ wa lelẹe khian keghi re ọgọ enenẹ vbe ẹkhuia ẹmila ọkpọkpa, ọgọ eha vbe ogho ọkpa, ọgọ eva vbe oteghe ohuan ọkpa. Emwamwa na keghi re ọghe ese na giẹn uan ọghe ikpẹdẹ ne okaro vbe uki, ukpo te ya gba.

Nọmbas 28:19

Wa ghi zọ ese na giẹn uan zẹ vbe izẹ ọhẹ evbare ne Nọyaẹnmwa: ena ọrọre ivbi ẹkhuia eva, ogho ọkpa kevbe ivbi ogho ne ọ he rre ukpo ọkpa ihinrọn, ehia ghi gha re ne ẹ i mwẹ okan.

Nọmbas 28:27

Wa ghi ya avbe emwi na zọ ese na giẹn uan zẹ vbe emwi ni winhin yẹ Nọyaẹnmwa, ivbi ẹkhuia ẹmila eva, ogho ọkpa kevbe ivbi ogho ihinrọn ni he rre ukpo ọkpa, ehia ghi gha re ne ẹ i mwẹ okan.

Nọmbas 29:13

Vbe ikpẹdẹ ne okaro na, wa ghi ya evbare zẹ ọhẹ gie Nọyaẹnmwa, emwi nọ winhin yẹ ọre nọ, avbe emwi na: ivbi ẹkhuia ẹmila iwera, ogho eva, ivbi ogho iwenẹ ni he rre ukpo ọkpa, ehia ghi gha re ne ẹ i mwẹ okan.

Nọmbas 29:2

U ghi ha oko ese na giẹn uan gie Nọyaẹnmwa, emwi nọ winhin yẹ ọre nọ, avbe emwi na: ovbi ẹkhuia ẹmila, ogho ọkpa, ivbi ogho ihinrọn ni he rre ukpo ọkpa, ehia ghi gha re ne ẹ i mwẹ okan.

Nọmbas 29:39

Enena ọrọre emwi ne u ghi ya gha zọ ese ghe Nọyaẹnmwa vbe ẹghẹ emwiukpo rua, zẹ vbe izẹọhẹ na giẹn uan, izẹọhẹ ọka izẹọhẹ ayọn kevbe isara. A ghi ru ena deba izẹọhẹ emwi obọ ọmwa ne u ru ya mu eyan ruẹn sẹ ra zẹ vbe isara.

Nọmbas 29:8

Wa ghi zọ ese na giẹn uan ghe Nọyaẹnmwa, uwinhinmwẹ ne ọ yẹ ọre, avbe emwi na: ovbi ẹkhuia ẹmila ọkpa, ogho ọkpa ivbi ogho ihinrọn ni he rre ukpo ọkpa, ehia ghi gha re ne ẹ i mwẹ okan.

Diuteronomi 12:17

Wa ghẹ rri a ghae ye ihe igbe ọghe ọka uwa, ayọn uwa, ra ofigbọn oliv uwa. Wa ghẹ rri emwikemwi ne uwa ya zẹ ọhẹ ne Nọyaẹnmwa vbe evba: ọmọ ọdiọn ẹmila uwa ra ohuan uwa, ra izẹ ọhẹ ne uwa ve ẹre re, izẹọhẹ akekhọerre ọ ghe uwa ra emwi ihaoko ọvbehe ne ọ rhirhi a gha khin.

Diuteronomi 12:6

Evba wa gha na gha zọ ese uwa na gha giẹn uan, kevbe izọ ese ọwua nekpa, kevbe a ghae ye ihe igbe ọghe uwa kevbe izẹọhẹ uwa, emwi ihaoko ne uwa ve Nọyaẹnmwa ẹre, izẹọhẹ a ke ekhọe rre kevbe emọ ọdiọn ọghe ẹmila kevbe ohuan uwa.