Ẹzra 3:4 - Edo Bible (E Baibol Ẹdo) Version 1996

⁴ Iran kevbe ru Emwiukpo Irhu zẹ vbene a mwamwa ẹẹn yi. Ẹdẹgbegbe ọ re iran ya zọ ese ne a vbe mwa ye ẹdẹ nii.

Ẹzra 3:4 ပူးပေါင်းရင်းမြစ်များ

I Krọnikol 16:37

E Devid ne ọba keghi wa rhie Asaf kevbe avbe Livai ne ihua ẹre yọ fẹẹrẹ ighẹ ugamwẹ ne a ru vbe ehe ne a mu Ẹkpẹti Ile yi. Te a wẹ ne iran gha winna iwinna iran vbe evba ẹdẹgbegbe.

II Krọnikol 31:16

ighẹ ẹ i re zẹ vbe ẹwae ne ọ khin. Iran keghi vbe gha ghae ne ikpia ni ghi sẹ ọmọ ukpo ọgban nẹ vbe iran ni winna vbe uwu Ọgua Osa zẹ vbene ihẹ ne edọmwadẹ ọghe ọe vbe ye.

Ẹksọdọs 23:16

Wa ghi vbe gha ru emwi ukpo Akọrhọre Ọka vbe uwa gha rhọ emwi okaro ne uwa kọ ye ugbo rua. Wa ghi ru emwiukpo Emwiorhọ Okaro vbe ufomwẹ ukpo vbe uwa a ghi rhọ emwiorhọ ke ugbo kevbe agọ rre.

Ẹksọdọs 29:38

“Emwi ne u gha ya gha zọ ese vbe aka ẹdẹgbegbe rhinrin ẹdẹ ọre ọna khin: u ghi gbele ivbe ohuan eva ni he rre ukpo ọkpọkpa.

Ẹksọdọs 5:13

Iran ni ya eviẹn winna keghi ya tua iran wẹ inu ibiriki ne ivbi Izrẹl ka mannọ vbe ẹdẹ ẹkpo ne a na viọ irunmwu ne iran, ọre iran gha ye vbe mannọ.

Jerimaia 52:34

Inu ẹghẹ ne ọ ghi ya vbe agbọn, a keghi gha rhie igho ne ọ gha sẹ ọe lo ya dẹlẹ emwi ne ọ ho ne ẹẹn vbe ẹghẹ ne ọ kei yi.

Levitikọs 23:33

Emwiukpo Irhu ghi suẹn vbe ikpẹdẹ ekesugie ọghe uki nogihinrọn, ọ ghi ya ikpẹdẹ ihinrọn vbe otọ,

Nọmbas 29:39

Enena ọrọre emwi ne u ghi ya gha zọ ese ghe Nọyaẹnmwa vbe ẹghẹ emwiukpo rua, zẹ vbe izẹọhẹ na giẹn uan, izẹọhẹ ọka izẹọhẹ ayọn kevbe isara. A ghi ru ena deba izẹọhẹ emwi obọ ọmwa ne u ru ya mu eyan ruẹn sẹ ra zẹ vbe isara.

Iyẹn ne ọ Maan Ọghe Jọn 7:2

Emwiukpo Ibu agọ ọghe avbe Ju keghi sikẹ otọ.

Iyẹn ne ọ Maan Ọghe Jọn 7:37

Ikpẹdẹ ne okiekie ọghe emwiukpo ọrọre ogiete ehia. Vbe ẹdẹ ni zẹẹ, Jesu keghi kpaegbe mudia, ọ na davan wẹẹ, “Ọmwaikọmwa ne ohanmwẹ amẹ gbe, wẹ ne ọ bu mwẹ gha dee ne ọ do wọn. (