Ẹzra 3:13 - Edo Bible (E Baibol Ẹdo) Version 1996

¹³ A ma ghi sẹtin rẹn ne ọ ghi re urhu eve vbọ ra ne ọre urhu oghọghọ rhunmwuda, vbene iran ya gha go, te a wa gha họn nẹẹn vbe arriavbehe.

Ẹzra 3:13 ပူးပေါင်းရင်းမြစ်များ

I Ọba 1:40

Ẹre iran hia na dọlegbe lele ẹe gha dee, iran kegha we uwemwẹ oghọghọ, iran na gha kpe ẹrogbo, iran keghi wee sẹrriọ wẹ te otọ gha mu rueghe.

I Ọba 1:45

E Zadọk kevbe Natan keghi tue ori ye ọre uhunmwu vbe Ẹzẹ e Gihọn. Iran na gha rrie adesẹ ore, iran na gha we uwemwẹ oghọghọ, te emwa hia ghi wa we na bọọ. Ọnii ọrọre urhu owogho ne uwa họn ẹn.

Ẹzra 3:12

Ni bun vbe uwu avbe ohẹn ni khian eniwanrẹn sẹ, kevbe avbe Livai, kevbe avbe ọkaẹgbẹe rẹn Ọgua Osa nokaro. Iran ghi miẹn vbe a gbe ẹyotọ Ọgua Osa na, iran kegha viẹ ghẹ ghẹghẹ. Sokpan, emwa nekpa ni rre evba kegha we uwemwẹ oghọghọ.

Ẹzra 4:1

Avbe eghian ivbi Juda kevbe Bẹnjamin keghi họn wẹ emwa ni ke iwe rre gha dọlegbe bọ Ọgua Osa e Nọyaẹnmwa ne Osanobua Izrẹl.

Nehimaia 12:43

Emwi ni bun ọre a ya zẹ ese ẹdẹ ne ẹdẹrriọ, ẹko kegha sẹ emwa hia ọyẹnmwẹ, rhunmwuda, Osanobua ọ re ọ rhie ọyẹnmwẹ ne iran. Avbe ikhuo kevbe ibiẹka keghi vbe deba emwiukpo na, a keghi gha họn urhu uwemwẹ iran ya sẹ arria ọvbehe.

Psalm 5:11

Sokpan iran hia ne uwẹ degue gha ghọghọ. Iran gha sẹtin gha so ihuan oghọghọ vbe ẹghẹ hia. Degue iran hia ni ho ẹmwẹ ruẹn; rhunmwuda ruẹ ọ re iran na ghọghọ oghọghọ ẹmwata.

Jerimaia 33:11

Urhu ne ọ la ọghe oghọghọ kevbe ọyẹnmwẹ, kevbe uwemwẹ ẹko rhiẹhrhiẹn mwẹ ọghe evbare irhiọha. Wa gha họn vbe emwa na a gha sihuan viọ imuohan ekpọnmwẹ die Ọgua Osa mwẹ, iran ghi kha wẹẹ, “ ‘Wa rhie ekpọnmwẹ ne Nọyaẹnmwa ne Oghodua, rhunmwuda, rẹn maa, itẹbitẹ ọ re ahoẹmwọmwa rẹn khin.’ I gha ya otọ nii khian ne agbọn maa rẹn zẹ vbe ne ọ ka ye dee ẹdẹ. Mẹ ne Nọyaẹnmwa ọ re ọ taa ẹe.”

Jerimaia 50:4

E Nọyaẹnmwa khare wẹẹ, “Ọ gha sẹ ẹghẹ nii, ke ivbi Izrẹl, ke ivbi e Juda gha ye eve gha dee, iran ghi gha gualọ imẹ ne Osanobua iran.

Zẹkaraia 4:7

Idobo ni ye vbe oke ni yo gha we yo hin odaro ruẹ rre. U gha dọlọ Ọgua Osa bọ. U gha ghi mu ibiriki ne okiekie yọ, emwa hia ghi wee, ‘Imose, imose!’ ”

Giọgis 2:5

(ọnii ọ si ẹe ne a na tie evba Bokim.) Iran keghi zọ ese ghe Nọyaẹnmwa vbe evba.

I Samuẹl 4:5

Ugbẹn vbe ẹkpẹti Ile nii ghi wa rre, ivbi Izrẹl keghi wa mu wee sẹrriọ wẹ otọe keghi mu rueghe.