Ẹzra 3:12 - Edo Bible (E Baibol Ẹdo) Version 1996

¹² Ni bun vbe uwu avbe ohẹn ni khian eniwanrẹn sẹ, kevbe avbe Livai, kevbe avbe ọkaẹgbẹe rẹn Ọgua Osa nokaro. Iran ghi miẹn vbe a gbe ẹyotọ Ọgua Osa na, iran kegha viẹ ghẹ ghẹghẹ. Sokpan, emwa nekpa ni rre evba kegha we uwemwẹ oghọghọ.

Ẹzra 3:12 ပူးပေါင်းရင်းမြစ်များ

Ẹzra 3:13

A ma ghi sẹtin rẹn ne ọ ghi re urhu eve vbọ ra ne ọre urhu oghọghọ rhunmwuda, vbene iran ya gha go, te a wa gha họn nẹẹn vbe arriavbehe.

Job 8:7

Avbe emwi ne ọ wi ruẹ hia, ma zẹdẹ sẹ ne a gha ya giẹ, emwi ne Osanobua gha viọ ne uẹn ẹghẹ nii.

Psalm 126:6

Iran ni gha viẹ vbe iran viọ emwiokọ khian, gha dọlegbe rre vbe ihuan oghọghọ ne a so, vbe iran a gha viọ emwiorhọ die owa.

Psalm 147:1

Wa rho e Nọyaẹnmwa! Ọ kere ne a gha so ihuan urhomwẹ ghe Osanobua mwa; ọ rhiẹnrhiẹn, ọ vbe kei ne a rho ẹre.

Aizaia 41:14

E Nọyaẹnmwa ke kha wẹẹ, “A gha rhe miẹn wẹ wa kanmwa, wa ma vbe wegbe Izrẹl, wa ghẹ mu ohan, I gha yi uwa obọ. Mẹ ne Osanobua nọhuanrẹn ọghe Izrẹl mẹ ọrọre ọmwa ne ọ miẹn uwa fan.

Aizaia 60:22

Uhin wẹ ẹgbẹe ne ọ kanmwa sẹ ke ne ọ rriotọ sẹẹ gha do gha kpọlọ zẹ vbe uhunmwu ẹvbo ne ọ mwẹ ẹtin. Ọ gha sẹ ẹghẹ ne ọ kei yi, I gha ru ẹe ne ọ na sunu ẹgiẹgiẹ. Mẹ ọrọre Nọyaẹnmwa.”

Jerimaia 50:4

E Nọyaẹnmwa khare wẹẹ, “Ọ gha sẹ ẹghẹ nii, ke ivbi Izrẹl, ke ivbi e Juda gha ye eve gha dee, iran ghi gha gualọ imẹ ne Osanobua iran.

Hagai 2:3

“A gha ye miẹn ọmwarhọkpa vbe uwu uwa ra, ne ọ gha ye yerre vbene Ọgua Osa nii te ye hẹ ẹghẹ nii vbe umosemwẹ? Vbe ọ ghi khọ vbe aro uwa nian? Ẹ i zẹdẹ gia gie hiehiere.