Ẹzra 3:11 - Edo Bible (E Baibol Ẹdo) Version 1996

¹¹ Iran keghi sihuan ghe Nọyaẹnmwa iran na gha rra ẹre wẹẹ, “E Nọyaẹnmwa maa, etẹbitẹ ọre aho ẹmwẹ ọmwa rẹn khin ghe Izrẹl.” Emwa hia keghi wa ya ẹtin hia gha wee, iran na gha rho e Nọyaẹnmwa rhunmwuda, a suẹn iwinna ẹyotọ Ọgua Osa ne a gbe nẹ.

Ẹzra 3:11 ပူးပေါင်းရင်းမြစ်များ

I Krọnikol 16:34

Wa rhie ekpọnmwẹ ne Nọyaẹnmwa, rhunmwuda ọ maa; etẹbitẹ ọ re aho ẹmwẹ ọmwa rẹn khin.

I Krọnikol 16:41

E Heman kevbe Jedutun keghi wa gu iran gha rre evba, deba emwa ọvbehe ne a wa hannọ ne iran gha so ihuan ne Nọyaẹnmwa rhunmwuda aho ẹmwẹ ọmwa ẹnrẹn ọghe etẹbitẹ.

II Krọnikol 7:3

Ugbẹn vbe ivbi Izrẹl ghi miẹn erhẹn ne ọ ke ẹrinmwi rre kevbe awanwan ne ọ vuọn Ọgua Osa, iran keghi dele viọ aro rhu otọ vbe ibare, iran ga Osanobua, iran keghi rho ẹre ye umamwẹ ọnrẹn kevbe aho ẹmwẹ ọmwa etẹbitẹ ne ọ mwẹ.

Nehimaia 12:24

Avbe Hasiabaia, e Siẹrebia, e Jesua, e Binnui kevbe Kadmiẹl keghi mu olotu ya ghae avbe Livai ye ọka. Ọka eva vbọ ghi gba gha so ihuan ne a rra ya rho Osanobua, iran ghi vbe gha kpọnmwẹ ọẹn, zẹ vbene ọ mwamwa ẹn ye otọ ighẹ Devid ne ọba, ne ọmwa Osanobua.

Nehimaia 12:40

Erriọ ọ re otu eva na ni rhie ekpọnmwẹ ne Osanobua na do sẹ ehe ne Ọgua Osa ye. Vbe ọ ghi vbe lahin avbe ọkaolotu ni deba mwẹ rre,

Psalm 100:5

Ọmwa ne ọ maa ọ re Nọyaẹnmwa khin, itohan rẹn i mwẹ ọfo, ẹmwata ẹre vbe rrọọ ẹdẹdẹmwẹdẹ.

Psalm 103:17

Sokpan, zẹ vbe ọghe iran ni ho ẹmwẹ Nọyaẹnmwa, aho ẹmwẹ ọmwa rẹn rrọ ẹdẹdẹmwẹdẹ, umamwẹ ọnrẹn vbe sun khian la orre hia fẹẹrẹ.

Psalm 106:1

Wa rho e Nọyaẹnmwa! Wa rhie ekpọnmwẹ ne Nọyaẹnmwa, rhunmwuda ọ maa, etẹbitẹ ọre aho ẹmwẹ ọmwa rẹn khin.

Psalm 107:1

Wa rhie ekpọnmwẹ ne Nọyaẹnmwa, rhunmwuda ighe ọ maa, etẹbitẹ ọre aho ẹmwẹ ọmwa rẹn khin.

Psalm 118:1

Wa rhie ekpọnmwẹ ne Nọyaẹnmwa, rhunmwuda, ọ maa, etẹbitẹ ọ re ahoẹmwọmwa rẹn vbe khin.

Psalm 131:1

E Nọyaẹnmwa, mẹ mu itengbemu mwẹ fua nẹ, I i ghi mwẹ obọ vbe avbe ẹmwẹ ni kọnkọn ra avbe irẹnmwi ni wegbe sẹ mwẹ.

Psalm 135:3

Rho e Nọyaẹnmwa, rhunmwuda rẹn maa, wa so ihuan urhomwẹ ghe eni ẹnrẹn, rhunmwuda, ọ mwẹ itohan.

Psalm 47:1

Wa hia ya oghọghọ kpe obọ wa ne emwa hia, wa kakabọ so ihuan ya rho e Nọyaẹnmwa.

Psalm 47:5

Osanobua hin ẹkete ẹre gha khian. Uwemwẹ oghọghọ rrọ deba okpe ne a kpee vbe ẹghẹ ne Nọyaẹnmwa na gha hin khian.

Ẹksọdọs 15:21

E Miriam keghi so ihuan ne iran wẹẹ, “Wa so ihuan ghe Nọyaẹnmwa, ọ miẹn akhọnmiotọ ọghe uyi, ọ filo avbe ẹsin kevbe emwa nii hin iran ku uwu okun.”

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 44:23

Wa we uwemwẹ oghọghọ, wa ne ẹrinmwi wa gha wee, wa ne ehe ne ọ dinmwi vbe otọ agbọn. Wa gha we uwemwẹ oghọghọ wa ne avbe oke nekhua kevbe avbe erhan ni rre ẹgbo hia! E Nọyaẹnmwa rhie ukpọlọmwẹ ọnrẹn maa nẹ vbekpa ne ọ na miẹn Izrẹl ne emwa rẹn fan.

Aizaia 6:3

Iran keghi gha go tama egbe wẹẹ: “Huanrẹn, huanrẹn, huanrẹn! Ne ọ huanrẹn ọ re Nọyaẹnmwa ne Oghodua khin! Uyi ẹre vuọn agbọn hia.”

Jerimaia 33:11

Urhu ne ọ la ọghe oghọghọ kevbe ọyẹnmwẹ, kevbe uwemwẹ ẹko rhiẹhrhiẹn mwẹ ọghe evbare irhiọha. Wa gha họn vbe emwa na a gha sihuan viọ imuohan ekpọnmwẹ die Ọgua Osa mwẹ, iran ghi kha wẹẹ, “ ‘Wa rhie ekpọnmwẹ ne Nọyaẹnmwa ne Oghodua, rhunmwuda, rẹn maa, itẹbitẹ ọ re ahoẹmwọmwa rẹn khin.’ I gha ya otọ nii khian ne agbọn maa rẹn zẹ vbe ne ọ ka ye dee ẹdẹ. Mẹ ne Nọyaẹnmwa ọ re ọ taa ẹe.”

Hagai 2:3

“A gha ye miẹn ọmwarhọkpa vbe uwu uwa ra, ne ọ gha ye yerre vbene Ọgua Osa nii te ye hẹ ẹghẹ nii vbe umosemwẹ? Vbe ọ ghi khọ vbe aro uwa nian? Ẹ i zẹdẹ gia gie hiehiere.

Zẹkaraia 4:7

Idobo ni ye vbe oke ni yo gha we yo hin odaro ruẹ rre. U gha dọlọ Ọgua Osa bọ. U gha ghi mu ibiriki ne okiekie yọ, emwa hia ghi wee, ‘Imose, imose!’ ”

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Iyẹn ne ọ Maan Ọghe Luk 1:50

Ọ tohan iran hia ni mu ohan rẹn. Ke orre ya sẹ orre.

Jọsua 6:10

Sokpan, e Jọsua keghi tama emwa nii wẹ ne iran ghẹ kpe orhu rhọkpa, ne iran ghẹ talọ hiehiere, rhinrin rẹn te do tama iran.

Jọsua 6:16

Iran ghi khian lẹga vbe ne ukpo-gihinrọn, avbe ohẹn ghi si orhu ni nẹ, e Jọsua keghi tama emwa ni wẹẹ, “Wa davan, e Nọyaẹnmwa mu ẹvbo na ne uwa nẹ.

Jọsua 6:5

“Ẹghẹ nii, iran ghi si ẹe uhukpa ne ọ kpẹe vbe otọ. Wa gha wa họn ọnii, emwa nii hia ghi wa davan, ekẹn ne a gbe lẹga ẹvbo nii gha wa de wiẹghẹ ye otọ. Dọmwadẹ ọghọe ghi wa khian ghe odaro la ore ẹvbo nii.”