Ẹzra 3:10 - Edo Bible (E Baibol Ẹdo) Version 1996

¹⁰ Ugbẹn vbe iran ghi suẹn gha gbe ẹyotọ Ọgua Osa nii, avbe ohẹn ni viọ ẹwu iran yọ keghi viọ okpe, iran na mudia ye ihẹ iran, avbe Livai ne ivbi uniẹn Asaf kevbe viọ ukusẹ, iran na mudia ye evba. Iran keghi rho e Nọyaẹnmwa zẹ vbene a mwamwa ẹẹn ye otọ ke ẹghẹ e Devid ne ọba gha dee.

Ẹzra 3:10 ပူးပေါင်းရင်းမြစ်များ

I Krọnikol 15:27

Etovbiohuẹ ne sẹguẹn ọre a ya do ẹwu ne Devid yọe, erriọ vbe nọ ne iran ni kpe ema, Kienanaia ne ọkaolotu iran kevbe avbe Livai ni mu nene Ẹkpẹti. E Devid keghi rhuan adaghọ.

I Krọnikol 16:37

E Devid ne ọba keghi wa rhie Asaf kevbe avbe Livai ne ihua ẹre yọ fẹẹrẹ ighẹ ugamwẹ ne a ru vbe ehe ne a mu Ẹkpẹti Ile yi. Te a wẹ ne iran gha winna iwinna iran vbe evba ẹdẹgbegbe.

I Krọnikol 16:42

E Heman kevbe Jedutun ọ re ọ vbe gha gbearoghe avbe okpe kevbe isẹ kevbe emwi ne a kpe ọvbehe ni dekẹ hia ne a kpee vbe a gha so ihuan urhomwẹ. Ivbi uniẹn Jedutun ọ re ọ gha gbe aro ghe avbe onurho.

I Krọnikol 23:5

Ọ keghi viọ arriaisẹn enẹ (4,000) yọ ne iran gha ba odẹ, iran arriaisẹn enẹ (4,000) ne iran gha rho e Nọyaẹnmwa, vbene iran gha na gha lo avbe emwi emaba kevbe ẹzi kẹn ne ọba viọ ye otọ ne a ya gha ru ọna.

II Krọnikol 35:14

A ghi ru ọna nẹ, avbe Livai keghi zẹ emiowo ọghe iran kevbe ọghe avbe ohẹn ni re ivbi uniẹn Errọn, rhunmwuda, te avbe ohẹn wa gha winna ya sẹ asọn, iran na gha giẹn avbe aranmwẹ ne a wẹ ne a giẹn ikun ẹnrẹn, deba ẹvbi avbe aranmwẹ ne a ya zọ ese.

II Krọnikol 35:15

Avbe iran ni kpe emaba na ni re avbe Livai ne ivbi uniẹn Asaf, kegha rre ehe ne Devid ne Ọba we ne a viọ iran yi, iran na ọrọre Asaf, e Himan kevbe Jedutun ne akhasẹ ọba. Avbe iran ni khẹ onurho Ọgua Osa ma ghi vbe zẹdẹ kpao hin ihẹ iran rre, rhunmwuda, avbe Livai nekpa mwamwa emwi Alagberra ọghe iran ne iran.

Ẹzra 5:16

Ẹre Siẹsbaza na do gbe ẹyotọ ẹre, te a ghi bọe khian kevbe ẹghẹ nii gha dee do sẹ wanwan na, sokpan a ma he ye bọe fo.’

Psalm 150:5

Wa ye ukusẹ rho ẹre, wa ye ukusẹ ne ọ la rho ẹre.

Hagai 2:15

E Nọyaẹnmwa khare wẹẹ, “Wa ma miẹn emwi ne ọ sunu vbe egbe uwa na? Vbe uwa te suẹn gha dọlọ Ọgua Osa bọ,

Zẹkaraia 4:6

Odibosa nii keghi tama mwẹ ne I ta uhunmwu ne Nọyaẹnmwa gie gie Zerubabẹl na ma rẹn wẹẹ, “U gha khọnmiotọ, sokpan, ẹ i re vbe ekpa ẹtin ivbiyokuo ra ẹtin ọghe obọ ruẹ sokpan, orhiọn mwẹ.

Zẹkaraia 4:7

Idobo ni ye vbe oke ni yo gha we yo hin odaro ruẹ rre. U gha dọlọ Ọgua Osa bọ. U gha ghi mu ibiriki ne okiekie yọ, emwa hia ghi wee, ‘Imose, imose!’ ”

Zẹkaraia 6:12

Tama rẹn wẹ e Nọyaẹnmwa ne Oghodua khare wẹẹ, ‘Agbọn gha maa ọmwa ne a tie ẹre Abọ vbe ehe ne ọ ye ọ gha vbe dọlọ Ọgua Osa e Nọyaẹnmwa họ.

Zẹkaraia 7:3

kevbe ne iran vbe nọ avbe ohẹn kevbe akhasẹ ọta na wẹẹ, “Te ọ kere ne ima ye gha khiẹ ye ẹmwẹ Ọgua Osa ne a guọghọ ua vbe ekpa ne ima gha na gha yo aguẹ vbe uki ne ogisẹn vbene ima ka ru ẹe ke ukpo nibun ni gberra gha dee?”

I Samuẹl 22:18

Ẹre Sọl na khama Doeg wẹẹ, “Gbele iran an!” E Doeg keghi gbele iran hia a. Vbe ẹdẹ nẹdẹrriọ, inu ohẹn e Nọyaẹnmwa ne ọ gbele kegha re isẹn yan iyenẹ.