Ẹzra 2:68 - Edo Bible (E Baibol Ẹdo) Version 1996

⁶⁸ Avbe ọyiwe ghi sẹ ehe ne Ọgua Osa e Nọyaẹnmwa ye, vbe Jerusalẹm, eso vbe uwu avbe ọkaolotu ẹwae vbọ keghi viọ emwi izẹọhẹ rre ne a ya ru iyobọ ya bọ Ọgua Osa ye ehe ne ọ ka ye.

Ẹzra 2:68 ပူးပေါင်းရင်းမြစ်များ

I Krọnikol 21:18

Odibo Osa e Nọyaẹnmwa keghi tama Gad wẹ ne ọ tama e Devid ne ọ ya gbe aka ne Nọyaẹnmwa vbe otọe iguọghọka ọghe Arauna.

I Krọnikol 22:1

Ẹre Devid na kha wẹẹ, “Emwana ọ re Ọgua Osa e Nọyaẹnmwa Osanobua ra gha ye, eke ne emwa Izrẹl gha na gha zọ ese na giẹn uan.”

II Krọnikol 3:1

Erha e Solomọn ne ọba mwamwa ehe ne a gha bọ Ọgua Osa ni yi, ye otọ nẹ. Uhunmwu Oke e Moraia ne ọ rre Jerusalẹm nọ, ehe ne Arauna ne ovbi ẹvbo e Jebus ya ru ehe ne a na wiẹn ọka, e Solomọn ne ọba keghi suẹn ọnrẹn ne a bọ,

Ẹzra 2:69

Iran keghi zẹ ọhẹ ne obọ iran gbare hia ye iwinna na, ehia kegha re uwan igoru ọgban yan arria isẹn (1,030) uwan esiliva arria isẹn deba iyeva yan iyisẹn ihinrọn (5,740) kevbe avbe ohẹn iyisẹn (100).

Ẹzra 3:3

A gha rhe miẹn wẹ ohan emwa ni gha rre otọe nii wa gha mu ivbi Izrẹl ni ke iwe rre, iran keghi ye dọlọ Ogiukpo bọ ye ehe ne ọ te kagha ye. Iran na dọlegbe suẹn gha giẹn ese vbọ ota vbe owiẹ kpẹkpẹkpẹ.

Ẹzra 9:9

Eviẹn ma te khin, sokpan, u ma sẹ ima rae ye ọviẹn ọmwa. U keghi gie avbe ọgbaisi e Pẹsia tohan mwa, iran na sẹ ima rae ye agbọn, iran na gie ima dọlọ Ọgua Osa ruẹ ne ọ te rẹnkhuan bọ, kevbe ne ima do lẹ fi a i ghi mwẹ ẹbe vbe Juda kevbe Jerusalẹm vbe edinran.

Psalm 110:3

Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

Ẹksọdọs 25:2

“Tama ivbi Izrẹl ne iran rhie izọhẹ gu mwẹ. Miẹn iran emwi ne iran a rhirhi ya ru izọhẹ rre.

Ẹksọdọs 35:21

Dọmwadẹ emwa ne ọ ho ne ọ ru vberriọ keghi zọhẹ gie Osanobua ne a ya bọ Owa Ukpọn ehe ne Nọyaẹnmwa ye, emwi ne a ya ru ugamwẹ hia kevbe ne a ya sẹ ukpọn iruemwi.

Ẹksọdọs 35:29

Ikpia kevbe ikhuo hia ni rre Izrẹl, ni vbe ho ne iran mwẹ obọ vbe iwinna ne Nọyaẹnmwa gie Mosis do kha wẹ ne a ru, keghi viọ emwi izọhẹ iran gie Nọyaẹnmwa.

Ẹksọdọs 36:3

Iran keghi miẹn e Mosis emwi izọhẹ hia ne ivbi Izrẹl viọ rre ne a ya bọ owa ne ọ huanrẹn nii. Ivbi Izrẹl keghi ye gha viọ emwi izọhẹ iran gie Mosis owiowiẹ.

II Kọrinti 8:12

Rhunmwuda, deghẹ obọ ẹse na ru tọlọ uwa, emwi ne uwa mwẹ ne uwa gha ru ẹse, ọre Osanobua ra ghe ya rhan obọ miẹn ẹse ne uwa ru, ighẹ ẹ i re emwi ne uwa i mẹ.

II Kọrinti 8:3

Ne I tama uwa wẹ, ekhọe obọ iran ọre iran ya rhie emwi ladian vbene ẹtin ira sẹe, uhin gberra vbene obọ iran sẹe.

II Kọrinti 9:7

Rhunmwuda ọnii, wẹ ne dọmwadẹ ọghọe zẹ ọhẹ vbene ọ ye ekhọe ẹre mwamwa ẹn, ẹ i re ne a ru viẹ, ra ọghe te a ya tọn mwẹ, rhunmwuda, ọmwa ne ọ ye ekhọe ọyẹnmwẹ ru ẹse, ọre Osanobua ho ẹmwẹ ọnrẹn.