Ẹzra 2:43 - Edo Bible (E Baibol Ẹdo) Version 1996

^43-54 Ẹwae iran ni winna vbe Ọgua Osa, ni ke iwe rre: E Ziha, Hasufa, e Tabot, Keros, e Siaha, e Padọn, e Lebana, Hagaba, Akub, e Hagab, e Siamlai, e Hanan, e Gidẹl, e Gaha, e Reaia, e Rezin, e Nekoda, e Gazam, Uza, e Pesea, e Besai, Asna, e Meunim, e Nefizim, e Bakbuk, e Hakufa, e Hahọ, e Bazlut, e Mehida, e Hasia, e Bakos, e Sisera, e Tema, e Nezaia kevbe Hatifa.

Ẹzra 2:43 ပူးပေါင်းရင်းမြစ်များ

I Krọnikol 9:2

Emwa kẹkan, avbe ohẹn kevbe Livai rre usun emwa ni ka wa gha die otọ iran.

Ẹzra 2:58

Ivbi uniẹn iran ni winna vbe Ọgua Osa, kevbe eguọmwadia e Solomọn ni ke iwe rre hia kegha re erẹnrẹn irrọvbe arria eva (392).

Ẹzra 8:17

I keghi gie iran bu Ido ne ọkaolotu iran ni rre Kasafia, ne ọ ya tama rẹn kevbe avbe ihua ẹre ne iran gba winna vbe uwu Ọgua Osa, ne iran gie emwa bu ima gha dee ne iran do gha ga Osanobua vbe uwu Ọgua Osa.

Ẹzra 8:20

Arhin ugie yan uri (220) ọvbehe kevbe deba ena. Iran na, e Devid kevbe avbe iran ni gue ẹe winna, ọ re ọ zẹ iran ne iran gha ye avbe Livai obọ. Te a wa gbẹnnẹ eni iran hia ye otọ.

Nehimaia 10:28

Ma ne ivbi Izrẹl, avbe ohẹn, avbe Livai, iran ni khẹ Ọgua Osa avbe ikpemaba Ọgua Osa, iran ni winna vbe Ọgua Osa, ke iran nekpa hia, ne a miẹn wẹ, ọ ru vbene Uhi Osanobua khare, ma na wannọ egbe ima hin ehe ne avbe erhunmwuyẹn ni rre otọ ima ye rre, ma, do deba avbe amwẹ ima, deba avbe ivbi ima hia, ni wan sẹ nẹ ne ọ gha na rẹn otọ ẹre.

Nehimaia 11:21

Iran ni winna vbe Ọgua Osa kegha rre asefẹn ne a tie ẹre Ofẹl vbe Jerusalẹm e Ziha kevbe Gispa ọre ọ gha viọ iran mwẹ obọ winna.

Nehimaia 11:3

Vbe avbe okpẹvbo kevbe ore nekhua ọghe otọe Izrẹl ni dekẹe, avbe ohẹn avbe Livai, iran ni winna vbe Ọgua Osa, kevbe ivbi uniẹn eguọmwadia e Solomọn, iran ọ re ọ tobọ iran gha koko egbe iran vbe ẹvbo iran. Avbe ọkhaẹvbo ni rre otọe e Juda ni do yin e Jerusalẹm ọre ena khin:

Nọmbas 3:9

Iwinna ọkpa ne ọ mobọ re ọghe avbe Livai ọrọre ne iran gha winna ne Errọn kevbe ivbi ẹre.