Ẹzra 2:36 - Edo Bible (E Baibol Ẹdo) Version 1996

^36-39 Eni uniẹn ivbi ohẹn ni ke iwe rre ọre ena khin: E Jedaia (ivbi uniẹn e Jesua) — ihinrọn irrọ vbe iyenẹ yan iyisẹn ihinrin (973) Imẹ — evayan ekigbesiyeha yan arria isẹn (1,052) E Pasiọ — arria isẹn deba ehairrọvbekigbe siyeha yan uri (1,247) E Harim — ehairrọvbugie yan arria isẹn (1,017)

Ẹzra 2:36 ပူးပေါင်းရင်းမြစ်များ

I Krọnikol 9:10

Avbe ohẹn na ọre ọ gha rre Jerusalẹm E Jedaia, e Jehoiarib kevbe Jakin Azaraia ne ovbi e Hilkaia (iran na ọ o gha re ọka ọwa emwi Ọgua Osa) usun avbe erha iran odede kegha re Mẹsiulam, e Zadọk, e Meraiọt kevbe Ahitub. Adaia ne ovbi e Jeroham, ne usun avbe erha iran odede gha re e Pasiọ kevbe Makija, e Maasai ne ovbi Adiẹl, ne usun avbe erha iran odede gha re Jazẹra, e Mẹsiulam, e Mesilemit, kevbe Imnẹ.

Ẹzra 10:18

Eni emwa ni viọ ikhuo orhunmwuyẹn ọ re ena khin: Avbe ohẹn kevbe ẹwae ne iran ke rre: Ewae Jọsua kevbe etiọnrẹn, ivbi e Jehozadak ni rrọọ kegha re Maaseia Eliezẹ, e Jarib kevbe Gedalaia.

Ẹzra 10:20

Ẹwae Imẹ: e Hanani kevbe Zebadaia

Ẹzra 10:21

Ẹwae Harim: e Maaseia, Elaija, e Siemaia, e Jẹhiẹl kevbe Uzaia

Ẹzra 10:22

Ewae Pasiọ: Eliọnai, Maaseia, Ismaẹl, e Netanẹl, e Jozabad kevbe Elasa

Ẹzra 3:9

E Jesua ne Livai, avbe ivbi ẹre nikpia kevbe avbe etiọnrẹn, kevbe Kadmiẹl vbe ivbi ẹre nikpia (ẹwae Hodavaia) keghi ku obọ gbe ne iran gha gbe aro ghe Ọgua Osa ne a dọlọ bọ. (Avbe Livai ne ivbi ẹwae Henadad keghi vbe gha ru iyobọ ne iran vbọ).

Nehimaia 10:28

Ma ne ivbi Izrẹl, avbe ohẹn, avbe Livai, iran ni khẹ Ọgua Osa avbe ikpemaba Ọgua Osa, iran ni winna vbe Ọgua Osa, ke iran nekpa hia, ne a miẹn wẹ, ọ ru vbene Uhi Osanobua khare, ma na wannọ egbe ima hin ehe ne avbe erhunmwuyẹn ni rre otọ ima ye rre, ma, do deba avbe amwẹ ima, deba avbe ivbi ima hia, ni wan sẹ nẹ ne ọ gha na rẹn otọ ẹre.

Nehimaia 7:39

Uniẹn avbe ohẹn ni ke iwe rre ọ re ena khin: E Jedaia (ivbi uniẹn e Jesua) — ehairrọvbọgban irrọvbe arriaisẹn (973) Imẹ — eva yan ekigbesiyehan yan arria isẹn (1,052) E Pasiọ — ihinrọn yan iyeva yan arria ehan (1,247) E harim — ehairrọvbugie yan arria isẹn (1,017)