Ẹzra 2:2 - Edo Bible (E Baibol Ẹdo) Version 1996

² Avbe ọkaolotu iran kegha re Zerubabẹl, e Jọsua, Nehimaia, Seraia, Rilaia, e Modekai, e Bilsian, e Mispa, e Bigvai, e Rehum kevbe Baana. Eni avbe uniẹn ivbi Izrẹl, deba eni emwa nii, kevbe dọmwadẹ uniẹn ni ke iwe rre.

Ẹzra 2:2 ပူးပေါင်းရင်းမြစ်များ

Ẹzra 1:11

Ehia kegha re ọkpan igoru kevbe esiliva arria eva yan arria isẹn isen (5,400) deba emwi ọvbehe eso ne Siẹsbaza hẹ mwẹ vbe irẹn kevbe emwi ọvbehe ni te rre iwe kpao vbe Babilọn gha die Jerusalẹm.

Ẹzra 1:8

Ọ keghi viọ ehia, ne Mitredat, ne olotu iran ni gbe aro ghe aza ọba, rẹn na do gbẹnnẹ ehia ye ebe ne Siẹshaza, nọ khaemwisẹ yan e Juda.

Ẹzra 2:1

Ni bun vbe uwu iran ni te rre iwe keghi kpa vbe Babilọn rre, iran na gha die Jerusalẹm kevbe Juda, edọmwadẹ ọghọe na gha die ẹvbo ẹre. Ẹgbẹe iran hia ni te ka gha rre iwe vbe Babilọn ke ẹghẹ ne Nebukiadneza ne ọba ya viọ iran oghunmwu gha rrie odọ nii gha dee.

Ẹzra 2:3

Parọs — Eva irrọvbe ugie yan arria isẹn eva (2,172) E Siefatia — iyisẹn eha kevbe eva yan ekigbesẹ iyi enẹ (372) Ara — ekesọgban irrọvbe arria ene (775) Pahat Moab (ivbi uniẹn e Jesua kevbe Joab) — iweva yan arriaenẹ yan arriaisẹn eva (2,812) Ẹlam — ehanirrọvbiyeha yan uri, yan arria isẹn (1,254) Zatu — isẹn irrọvbiyeha irrọ vbe arria isẹn (945) Zakai — iyeva irrọvbe arriaenẹ (760) Bani — eva yan iyeva yan arriaeha (642) Bebai — eha yan ugie yan arriaeha (623) Azgad — eva yan ugie yan uri yan arria isẹn (1,222) Adonikam — ehan yan iyeha yan arriaeha (666) Bigvai — enẹirrọvbiyeha yan arriaisẹn eva (2,056) Adin — ehan irrọvbiyeha yan arria eva (454) Atẹ (a vbe tie ẹre Hẹzekaia) — evairrọvbiyisẹn (98) Bezai — eha yan ugie yan iyisẹn eha (323) Jora — iweva yan iyisẹn (112) Hasium — eha yan ugie yan uri (223) Giba — isẹnirrọvbiyisẹn (95)

Ẹzra 3:2

Ẹre Jọsua ne ovbi e Jehozadak, avbe ohẹn ne ihua ẹre kevbe Zerubabẹl ne ovbi e Sitiẹl, deba avbe etiọnrẹn hia, keghi koko dọlọ Ogiukpo ọghe Osanobua Izrẹl bọ ne iran miẹn ehe na gha giẹn emwi ne a ya zọ ese zẹ vbene a mwamwa ẹẹn ye ebe Uhi e Mosis ne ọmwa Osanobua.

Ẹzra 4:3

Ẹre Zerubabẹl, e Jọsua kevbe avbe ọkaẹgbẹe na tama iran wẹẹ, “Ma i mwẹ emwi na a ya iyobọ uwa ru vbe Ọgua Osa ne ima bọ ne Nọyaẹnmwa ne Osanobua ima, ma gha tobọ ima bọe zẹ vbene Sairọs ne ọgbaisi e Pẹsia tama ima.”

Ẹzra 4:8

Ye vbe deba ọnii, e Rehum ne ne ọ khaemwisẹ kevbe Simsiai ne ọgbaisi otọe nii kevbe gbẹn ebe na yan e Jerusalẹm mu gie Atakzaziz ne Ọgbaisi wẹẹ:

Ẹzra 5:2

Ugbẹn vbe Zerubabẹl ne ovbi e Sitiẹl kevbe Jọsua ne ovbi e Jehozadak ghi họn ẹmwẹ ne iran ta, iran keghi suẹn gha dọlegbe bọ Ọgua Osa ne ọ rre Jerusalẹm avbe akhasẹ eva ni keghi yi iran obọ.

Ẹzra 8:1

Iran na ọ re ọ gha re ediọn ẹwae ni gha rre iwe vbe Babilọn, iran na vbe lele Ẹzra gha die Jerusalẹm vbe ẹghẹ ne Atakzaziz na gha re ọgbaisi:

Nehimaia 12:47

Vbe ẹghẹ e Zerubabẹl kevbe ẹghẹ Nehimaia, te ivbi Izrẹl hia gha zọhẹ ẹdẹgbegbe ne a miẹn ya gha gaga avbe ọsian kevbe abodẹ Ọgua Osa. Avbe emwa ni ghi gha zẹ ọhẹ iruemwi gie avbe Livai, avbe Livai ghi vbe viọ inu ne a mwamwa ẹn yi gie avbe ohẹn.

Nehimaia 7:7

Avbe ọkaolotu iran kegha re Zerubabẹl, Jọsua, e Nehimaia Azaraia, e Raamaia, e Nahamani, e Modekai, e Bilsian, e Mizpẹrẹt, e Bigvai, e Nehum kevbe Baana.

Hagai 1:1

Vbe ukpo ne ogieva ne Dariọs ya gha re ọgbaisi e Pẹsia, vbe ikpẹdẹ ne okaro ọghe uki ne ogiehan, e Nọyaẹnmwa keghi giee Hagai ne akhasẹ uhunmwu rre, ọmwa ne a giee uhunmwu na gie kegha re e gọvina ọghe Juda ighe e Zerubabẹl ne ovbi Siatiẹl, kevbe ogiohẹn ighe Jọsua ne ovbi e Jehozadak.

Hagai 1:12

Ẹre Zerubabẹl kevbe Jọsua kevbe avbe emwa hia ni ke iwe vbe Babilọn rre, na ru zẹ vbene Nọyaẹnmwa ne Osanobua iran tama iran. Ohan mu iran, iran keghi gha họn ẹmwẹ ne Hagai ne akhasẹ ne odibo e Nọyaẹnmwa.

Hagai 1:14

E Nọyaẹnmwa keghi rhie igiẹdu ne emwa nii ne iran ya winna vbe Ọgua Osa, avbe Zerubabẹl ne e gọvina e Juda, e Jọsua ne Ogie Ohẹn, kevbe avbe emwa ni ke iwe rre hia. Iran keghi suẹn gha winna vbe Ọgua Osa ọghe Nọyaẹnmwa ne Oghodua ne Osanobua iran.

Hagai 2:2

Ọ tama Hagai wẹ ne ọ tama e Zerubabẹl ne gọvina ọghe Juda, kevbe Jọsua ne Ogie Ohẹn kevbe avbe emwa nii wẹẹ,

Hagai 2:21

gie Zerubabẹl ne gọvina e Juda wẹẹ, “I ra mu ẹrinmwi vbe agbọn rueghe.

Hagai 2:4

Sokpan, banbanna nian, wa ghẹ gie egbe wọ uwa rhọkpa, wa winna iwinna nii rhunmwuda, I rrọọ yaba uwa.

Zẹkaraia 3:1

Vbe umian ọvbehe, e Nọyaẹnmwa keghi mu Ogie Ohẹn ighe Jọsua ma mwẹ, ọ keghi mudia ye odaro odibosa e Nọyaẹnmwa. E Satan keghi vbe mudia ke Jọsua, ọ mu egbe ne ọ ba ẹre ifi ẹzọ.

Zẹkaraia 3:3

E Jọsua mudia vbe evba, ke ẹe kevbe ukpọn ne ọ gbe iruẹn ne ọ hẹ ye egbe.