Ẹzra 2:1 - Edo Bible (E Baibol Ẹdo) Version 1996

¹ Ni bun vbe uwu iran ni te rre iwe keghi kpa vbe Babilọn rre, iran na gha die Jerusalẹm kevbe Juda, edọmwadẹ ọghọe na gha die ẹvbo ẹre. Ẹgbẹe iran hia ni te ka gha rre iwe vbe Babilọn ke ẹghẹ ne Nebukiadneza ne ọba ya viọ iran oghunmwu gha rrie odọ nii gha dee.

Ẹzra 2:1 ပူးပေါင်းရင်းမြစ်များ

II Ọba 25:11

Ẹre Nebukiadneza na viọ emwi nii ghi dekẹe vbe ẹvbo ni gha rrie Babilọn, emwa ni guẹ ona ni ghi dekẹe, deba iran ni lẹ bu ivbi e Babilọn gha khian.

I Krọnikol 9:1

A keghi gbẹnnẹ eni ivbi Izrẹl hia ye otọ zẹvbe dọmwadẹ ẹgbẹe iran Ebe avbe iran ne Ọba Izrẹl ọ re a gbẹnnẹ emwi na yi. A ka wa viọ ivbi Izrẹl kpao gha rrie Babilọn rhunmwuda orukhọ iran.

I Krọnikol 9:2

Emwa kẹkan, avbe ohẹn kevbe Livai rre usun emwa ni ka wa gha die otọ iran.

Ẹzra 1:11

Ehia kegha re ọkpan igoru kevbe esiliva arria eva yan arria isẹn isen (5,400) deba emwi ọvbehe eso ne Siẹsbaza hẹ mwẹ vbe irẹn kevbe emwi ọvbehe ni te rre iwe kpao vbe Babilọn gha die Jerusalẹm.

Ẹzra 2:2

Avbe ọkaolotu iran kegha re Zerubabẹl, e Jọsua, Nehimaia, Seraia, Rilaia, e Modekai, e Bilsian, e Mispa, e Bigvai, e Rehum kevbe Baana. Eni avbe uniẹn ivbi Izrẹl, deba eni emwa nii, kevbe dọmwadẹ uniẹn ni ke iwe rre.

Ẹzra 2:70

Avbe ohẹn kevbe avbe Livai deba eso vbe uwu avbe emwa nii, keghi yin ore ra ọkpẹn e Jerusalẹm, iran ni kpe ẹzi kẹn, iran ni khẹ Ọgua Osa, kevbe iran ni winna vbe Ọgua Osa keghi yin avbe ẹvbo ni lẹga eni, avbe Izrẹl ni dekẹe keghi ya yin ehe ne avbe erha iran odede kagha ye.

Ẹzra 5:8

“Ma ho ne u rẹn Umogun wẹ ma yo otọ e Juda, ma keghi do miẹn wẹ iran gha dọlegbe bọ Ọgua Osa Osanobua nọkhua nii, iran gha ya avbe okuta nekhua kevbe olila ne a viọ lele ekẹn bọe. Te iran wa mu aro yọ gha ye ifuẹro ru ẹe, ọ hẹko mwẹ iran uhunmwu khian.

Ẹzra 6:2

Sokpan, Ekbata na ne ẹvbo ne ọ rre otọe Midia, ọ re a na ya miẹn ebe ohian ne a gbẹnnẹ avbe ẹmwẹ na yi wẹẹ,

Ẹzra 8:35

Emwa hia ni ke iwe rre keghi viọ emwiokọ rre wẹ ne a giẹn ọnrẹn ya zọ ese ghe Osanobua Izrẹl.

Nehimaia 12:1

Eni avbe ohẹn kevbe avbe Livai ni lele Zerubabẹl ne ovbi e Sieatiẹl kevbe Jọsua ne Ogie Ohẹn ke iwe rre ọre ena khin.

Ẹsta 1:1

Ẹkete Ọba ẹre, ne ọ tota yi vbe Susa ne igiogbẹ otọe ẹvbo Pẹsia ọ re Kzakzis ne ọba kegha khaemwisẹ yan agbọn ẹvbo ihinrọn yan iyehan (127), ke India ne gban an gha dee do sẹ e Sudan.

Ẹsta 1:11

Ọ keghi tama iran wẹ ne iran rhie Vasti ne Oloi gha dee ke ẹe kevbe ẹrhu ẹde vbe uhunmwu ẹnrẹn. Oloi na kegha re okhuo ne ọ mose, ọba keghi te ho ne ọ ya ose ẹre hio ma avbe emwa ni rre asẹ kevbe avbe emwa ne ọ tie se owa hia.

Ẹsta 1:3

Ọ ghi rre ukpo eha ne ọ rriọba, ọ keghi do le evbare tie avbe iran ni rre asẹ kevbe eghaẹvbo ẹre hia sẹ owa. Ivbiyokuo e Pẹsia kevbe Midia keghi vbe gha rre evba, erriọ vbe nọ ne iran ni khaemwisẹ kevbe avbe egbesẹmwegie ni rre otọe nii hia.

Ẹsta 1:8

Ayọn i vbe mwẹ wẹ ọ fo. Ọba wa tama ivbiodibo ẹguae wẹ ne a gie dọmwadẹ ọghọe da ẹko te vuọn ẹẹn.

Ẹsta 8:9

Ikpẹdẹ eha yan ugie vbe uki ne ogieha ne a tie ẹre Sivan, ọre emwi na na sunu. Modekai keghi tie avbe ọgbenbe ọba, ọ na talọ ẹmwẹ ne iran gha gbẹnnẹ ye ebe gie avbe Ju ma iran gha gbẹnnẹ ye otọ, kevbe gie avbe ni khaemwisẹ, avbe eghaẹvbo, kevbe iran ne ẹwae ọba ni rre iyaẹvbo ihinrọn yan iyehan ni ke India ya sẹ e Sudan.

Aizaia 48:20

Wa ladian vbe Babilọn, wa gha khian vbe abọ kẹkan wa ya oghọghọ ya nene iyẹn go wa gie emwa họn ẹẹn vbe ehe hia: “E Nọyaẹnmwa miẹn Izrẹl ne ọguọmwadia ẹre fan!”

Jerimaia 50:19

“I gha viọ ivbi Izrẹl dọlegbe gha die otọ iran. Iran gha re vbe emwiokọ ne ọ zọ vbe Oke Kamẹl, kevbe otọe Basian, iran ghi vbe rri enọrhirhi khọn iran vbe emwiokọ ne a miẹn vbe otọe Ifreim kevbe Giliad.

Eve Orriara 1:3

Eviẹn ne egbe fu nẹ, ọ re ivbi e Juda khin emwa ne a silo kua hin ẹvbo iran rre. Ẹvbo ẹrrẹe ọ re iran ghi ye vbene ihọkpa ne iran gha tie ẹre ọghe iran eghian ghae ga ẹre vbe ehe ne ọ gha la lẹfua, i ghi na rrọọ.

Eve Orriara 1:5

Obọ avbe eghian rẹn ke ukhunmwu iran mu ẹre izẹghede. E Nọyaẹnmwa ru ẹe ne ọ rrioya ye orukhọ ne ọ ru hia iran munọ avbe ivbi ẹre hia oghunmwu hẹ gha rrie.

Eve Orriara 4:22

E Zaiọn rrii oya ye orukhọ ne ọ ru nẹ, e Nọyaẹnmwa i ghi ra sẹ mwa rae ye iwe ọvbehe. Sokpan, e Nọyaẹnmwa gha rri uwa oya, wẹ Idọm. Ọ gha we ruẹ uhe ua vbekpa emwi irriabe ne u ru.

Zẹfanaia 2:7

Iran ni ghi miẹn uhunmwu vbe ivbi e Juda ọ re ọ ra mu otọe uwa gha ye, evba iran ra na gha koko emwirri iran, iran ghi vbe gha vbiẹ owa ni rre Askẹlọn. E Nọyaẹnmwa ne Osanobua iran gha yaba iran, agbọn gha vbe dọlegbe maa iran.

Iwinna 23:34

Ne ọ khaemwisẹ ghi tie ebe ni, ọ keghi nọ Pọl agbọn ẹvbo ne ọ ke rre, ọ ghi tama rẹn nẹ ighẹ Silisia nọ.