Ẹzra 10:8 - Edo Bible (E Baibol Ẹdo) Version 1996

⁸ A deghẹ a miẹn ọmwa ne ọ ma rre ọ te ya sẹ ikpẹdẹ eha emwi ne ọ mwẹ, hia gha khian ọghe ẹvbo, a ghi vbe kaẹn fua.

Ẹzra 10:8 ပူးပေါင်းရင်းမြစ်များ

Ẹzra 10:7

Iran keghi wa gie uhunmwu la Jerusalẹm kevbe Juda hia, wẹ avbe ọkaolotu emwa we ne emwa ni ke iwe rre hia miẹn egbe vbe Jerusalẹm.

Ẹzra 10:9

Vbe uwu ikpẹdẹ eha nii, vbe ikpẹdẹ ugie ọghe uki ne ogihinrin, emwa hia ni rre otọe Juda kevbe Bẹnjamin kegha die Jerusalẹm, iran keghi do si egbe koko vbe ore Ọgua Osa, amẹ keghi wa gha da ẹsẹse, rhunmwuda ne ẹdẹ ma na rra nii, kevbe rhunmwuda ne ọ na re iko kpataki, emwa hia kegha guọ zẹzẹzẹ.

Ẹzra 7:26

Ọmwaikọmwa gha rra uhi Osanobua ruẹ ra uhi otọe arriọba, a ghi wa rri ọre oya ẹgiẹgiẹ, deghẹ te a gha gbe ẹe rua, ra ne a khu ẹe gha rrie iwe, ra ne emwi nọ mwẹ khian ọghe ẹvbo ra ne a mu ẹẹn fi ẹwẹdọ.” Ẹzra Rho Osanobua

Nehimaia 13:28

Ovbi e Eliasib ne Ogie Ohẹn ọre Joiada gha khin. Sokpan, ọkpa vbe ivbi e Joiada keghi rhie ovbi e Sanbọlat ne ovbi ẹvbo ne a tie ẹre Bẹt Horọn rọnmwẹ. I keghi rhunmwuda ọnii wẹ ne Joiada kpao vbe Jerusalẹm.

Nehimaia 13:3

Ugbẹn vbe ivbi Izrẹl ghi họn vbe a tie uhi na, iran keghi wannọ avbe erriọvbe hia hin uwu ẹbu iran rre.

Levitikọs 27:28

Ọmwa rhọkpa ghẹ de emwi ne ọ ya fi ohan fo fẹẹrẹ ne Nọyaẹnmwa werriegbe, ọre ọmwa nọ ra aranmwẹ ra otọ. Ọghe Nọyaẹnmwa nọ ẹdẹdẹmwẹdẹ.

Matiu 18:17

Sokpan deghẹ ọ ma vbe zẹ ye iran ẹre, ya gui ẹzọ ruẹ hia ma esọsi. Deghẹ ọ ma vbe zẹ ye esọsi re, u ghi wa kae ba ọrriọvbe ra iran ni koko igho uhunmwu.

Iyẹn ne ọ Maan Ọghe Jọn 16:2

Iran gha sua uwa uhunmwu hin uwu Ọgua ediọn iran rre. Ẹghẹ dee ne ọmwa ne ọ de uwa izigha gha na ro ighe Osanobua ọre irẹn ya ehia ga.

Iyẹn ne ọ Maan Ọghe Jọn 9:22

Avbe evbibiẹ ọe kha vberriọ rhunmwuda ighe ohan avbe Ju mu iran, rhunmwuda avbe Ju wa tae nẹ wẹẹ deghẹ ọmwaikọmwa tae ladian ighe Jesu ọrọre nene Mẹzaia, iran gha khu ẹe hin Ọgua ediọn rre.

Iyẹn ne ọ Maan Ọghe Jọn 9:34

Iran wanniẹn tama rẹn wẹẹ, “Wẹ ne a biẹe ne avbe koko wan vbe uwu orukhọ, wẹ ọre ọ ghi ra vbe gha ma ima emwi ra?” Iran keghi suare hin Ọgua ediọn rre.

I Kọrinti 5:13

Osanobua ọre ọ ra bu ohiẹn iran sokpan wẹ ma rẹn ighẹ ọ kere ne uwa gha hu ohiẹn emwa ne uwa gba rre otu? Zẹ vbene ebe kha re, “Wa yuo ọmwa dan ni hin uwu ẹbu uwa rre.”

Jọsua 6:19

Sokpan avbe emwikemwi ne a ya esiliva ra igoru ra oze ra ematọn ru, te a ra viọ iran ye efẹn ọkpa ne Nọyaẹnmwa. Te a ra viọ iran ye uwu aza e Nọyaẹnmwa.”

Giọgis 21:5

Iran keghi nọ wẹẹ, “Vbe uwu ẹwae Izrẹl hia, de ne ọ ma rre do si koko ye odaro e Nọyaẹnmwa vbọ vbe Mizpa?” Iran vbe vẹn ihẹn nẹ wẹ ọmwa ne ọ ma rre do si koko ye odaro e Nọyaẹnmwa vbe Mizpa, te a gha gbe ẹe rua.

I Samuẹl 11:7

Ọ na munọ ẹkhuia ẹmila eva, ọ keghi giagia iran ukhiọnmwẹ ukhiọnmwẹ, ọ na viọ ne emwa viọ la otọe Izrẹl hia khinkhian, ne iran vbe gha kha wẹẹ, “Ọmwaikọmwa ne ọ ma lele e Sọl kevbe Samuẹl ye okuo, vbenian ọ re a ra ru ẹmila ẹre!” Ohan emwi ne Nọyaẹnmwa gha ru kegha mu ivbi Izrẹl, ehia keghi wa vẹ ladian vbene ọkpa ma na vbe ke ẹe vbọ.