Ẹzra 10:6 - Edo Bible (E Baibol Ẹdo) Version 1996

⁶ Iyeke ọnii, ọ keghi kpao vbe odaro Ọgua Osa rre, gha rrie owa ne Jehohanan ne ovbi Eliasib dia, ọ na gbe asọn nii vbe evba, ọ na gha khiẹ ye orukhọ avbe ọyiwe nii, ọ ma re, ọ ma da.

Ẹzra 10:6 ပူးပေါင်းရင်းမြစ်များ

Ẹzra 10:1

Vbe ẹghẹ ne Ẹzra na vbẹrre gha na erhunmwu vbe odaro Ọgua Osa, ọ na gha viẹ, ọ na vbe gha miẹn avbe orukhọ na kue, ivbi Izrẹl ni bun ẹsẹse, ikpia kevbe ibiẹka, keghi lẹga ẹre, iran na gha viẹ eve orriara.

Ẹzra 10:7

Iran keghi wa gie uhunmwu la Jerusalẹm kevbe Juda hia, wẹ avbe ọkaolotu emwa we ne emwa ni ke iwe rre hia miẹn egbe vbe Jerusalẹm.

Ẹzra 9:4

Evba ọ re I tota yi gha khiẹkhiẹ egbe, ọ te do sẹ ẹghẹ ne a ya zọ ese ota, emwa hia kegha rre, iran na gha do ga mwẹ, avbe emwa ne afianma gha fian rhunmwuda ẹmwẹ ne Osanobua Izrẹl tae vbe ekpa orukhọ ọghe avbe emwa ni ke iwe rre.

Nehimaia 12:10

E Jọsua ọ re ọ biẹ Joiakim, e Joia kim keghi biẹ Eliasib, Eliasib ọ re ọ biẹ Joiada.

Nehimaia 12:22

Vbe ẹghẹ avbe igie ohẹn na ighẹ Eliasib, e Joiada, e Jonatan kevbe Jadua, a keghi gbẹnnẹ eni avbe ekaẹgbẹe uniẹn avbe Livai kevbe ọghe uniẹn avbe ohẹn ye otọ. Ẹghẹ ne Dariọs na gha re ọgbaisi e Pẹsia, ọ re a ghi na gbẹnnẹ ọẹn fo.

Nehimaia 13:28

Ovbi e Eliasib ne Ogie Ohẹn ọre Joiada gha khin. Sokpan, ọkpa vbe ivbi e Joiada keghi rhie ovbi e Sanbọlat ne ovbi ẹvbo ne a tie ẹre Bẹt Horọn rọnmwẹ. I keghi rhunmwuda ọnii wẹ ne Joiada kpao vbe Jerusalẹm.

Nehimaia 13:5

Ọ keghi kue ne Tobaia gha rre ugha nọkhua ne a wẹ ne a viọ avbe ọka imuohan kevbe eturari yi deba avbe emadogua ne a lo vbe Ọgua Osa. Emwi ihaoko ne a viọ gie avbe ohẹn kevbe a ghae ye ihigbe ọghe ọka, ayọn, ofigbọn oliv ne a viọ ne avbe Livai, avbe ikpemaba Ọgua Osa kevbe avbe abodẹ Ọgua Osa.

Nehimaia 3:1

Vbene a ya dọlọ ekẹn ne ọ lẹga ẹvbo nii bọ hẹ ọ re ọna khin, Eliasib ne Ogie Ohẹn kevbe ohẹn ne ihua ẹre keghi dọlọ Onurho Ohuan bọ, iran keghi ya ẹe fi ohan iran vbe yi ẹkhu yọ. Iran na ya ekẹn ọnrẹn fi ohan ya sẹ Owa ọkhẹ iran ne iyisẹn kevbe Owa ọkhẹ ọghe Hananẹl.

Nehimaia 3:20

E Barọk ne ovbi e Zabai keghi bọ ako ne ọ lele ẹe rhinrin ya sẹ onurho owa Eliasib ne Ogie Ohẹn.

Job 23:12

Emwi ne Osanobua tae ọ re I ru vbe ẹghẹ hia; emwi ne ọ ho ọre I ru, ẹ i re ọghomwẹ.

Psalm 102:4

A rẹnkhẹn mwẹ ginna otọ vbe ẹbe ne ọ kakae, evbare i ghi khọn mwẹ hiehiere.

Ẹksọdọs 34:28

E Mosis keghi gu e Nọyaẹnmwa gha rre evba vbe asọn iyeva kevbe avan iyeva vbe ne ọ ma na re ọ ma da. Ọ keghi gbẹnnẹ avbe ẹmwẹ ile nii ye avbe uhanhan nii, ọnii nọ wẹ uhi igbe.

Aizaia 22:12

Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

Daniẹl 9:3

I keghi kakabọ na erhunmwu ghe e Nọyaẹnmwa Osanobua, I kegha rinmwian ẹẹn, I kegha ya ohanmwẹ gbe egbe, I kegha rhuan ukpọn akhiẹ, I na vbe gha tota ye uwu emuẹn.

Diuteronomi 9:18

I na vbe dọlegbe mu ẹko rhu otọ la avan iyeva ke asọn iyeva vbe odaro e Nọyaẹnmwa, I ma re, I ma da. I ru ọna rhunmwuda, wa ru orukhọ ghe Nọyaẹnmwa nẹ, wa keghi ya ẹe mu ohu.