Ẹzra 10:5 - Edo Bible (E Baibol Ẹdo) Version 1996

⁵ Rhunmwuda ọnii, Ẹzra keghi suẹn ọnrẹn vbene ọ na wẹ ne avbe ọkaolotu avbe ohẹn, e Livai kevbe avbe emwa nekpa, ne iran do vẹn ihẹn wẹ iran gha ru vbene Siekanaia zẹ iro ẹre.

Ẹzra 10:5 ပူးပေါင်းရင်းမြစ်များ

Ẹzra 10:3

“Banbanna nian, te ima gha do yan ma Osanobua mwa wẹ ma gha wẹ ne avbe ikhuo orhunmwuyẹn na, kevbe ivbi iran gha rrie. Ma gha ru vbene uwẹ kevbe avbe emwa ni ya uhi Osanobua ru emwi wẹ ne ima ru. Ma gha ru vbene uhi Osanobua khare.”

Nehimaia 10:29

Ma deba avbe ọkaolotu ima vẹn ihẹn, ne a miẹn wẹ, a deghẹ ma rhie obọ gberra, emwi gha rruan ima, wẹ, ma gha ya Uhi Osanobua ru emwi, uhi ne ọ rhie ne Mosis ne ọguọmwadia ẹre rhie rre, wẹ ma gha ru zẹ vbene e Nọyaẹnmwa khare hia, wẹ ma gha rhie uhi ẹre mwẹ, ma ghi vbe gha ru vbene ọ ho.

Nehimaia 13:25

I keghi gu avbe ikpia nii gui, I na rhovbiẹ iran an, I keghi gbele iran, I na silo iran eto vbọlọ kua. I na ya iran vẹn ihẹn vbe eni Osanobua wẹ, ọ re iran nọ ra ivbi iran nọ ne ọ gha dọlegbe rhie ikhuo ẹvbo ọvbehe vbe uwu iran ẹ i ghi rrọọ.

Nehimaia 5:12

Avbe ọkaolotu ni keghi kha wẹẹ, “Ma gha ru vbene u khare ma gha viọ avbe emwi iran ne iran, ma i ghi vbe si iran osa.” I keghi tie avbe ohẹn, I na wẹ ne avbe ọkaolotu vẹn ihẹn vbe sirra iran wẹ, iran gha ru vbene iran khare.

Itan 1:5

Avbe itan na gha sẹtin rhie ba ẹwaẹn avbe umẹwaẹn, ọ ghi vbe ru igiodẹ ma emwa ni rẹn ehe.

Itan 15:23

U miẹn vbe ọ rhiẹnrhiẹn hẹ a deghẹ a miẹn ẹmwẹ ne ọ guae ro ya gie vbene emwi ye hẹ zẹẹ.

Itan 27:9

Ori ke emwi ne a sa ye egbe ne ọ winhin, te ọ ye ẹko rhiẹnrhiẹn sokpan, orueghe, te ọ mu ọmwa orhiọn rueghe.

Itan 9:9

Emwi ne u a rhirhi tama umẹwaẹn, te ọ yae wan yọ. Emwi ne u a rhirhi tama ọmwa esi, te ọ rhie ba ẹre irẹnmwi.

Matiu 26:63

Jesu keghi ye hunwan. Ogie Ohẹn vbe dọlegbe tama rẹn wẹẹ, “I ya eni Osanobua ne ọ rrọọ ya a vẹn ihẹn nian wẹ ne u tama ima deghẹ wẹ ọrọre Mẹzaia ne Ovbi Osanobua.”