Ẹzra 10:4 - Edo Bible (E Baibol Ẹdo) Version 1996

⁴ Obọ ruẹ ọ re ọ ye wẹ ne u guan ladian, ma gha yaba ruẹ, rhunmwuda ọnii nian, rhie obọ yọ ne u suẹn ọnrẹn ne a ru ẹe.

Ẹzra 10:4 ပူးပေါင်းရင်းမြစ်များ

I Krọnikol 22:16

ni gha sẹtin ya igoru ruemwi kevbe esiliva kevbe oze kevbe ematọn. Banbanna nian, suẹn iwinna nii, te Nọyaẹnmwa gha yaba ru ẹe.”

I Krọnikol 22:19

Banbanna nian, wa ya ẹtin uwa kevbe orhiọn uwa hia ga e Nọyaẹnmwa. Wa suẹn gha bọ Ọgua Osa ne uwa miẹn ehe na mu Ẹkpẹti Ile ọghe Nọyaẹnmwa ye uwu ẹre deba avbe emwi nihuanrẹn ni dekẹe hia ne a ya ga ẹe.”

I Krọnikol 28:10

U ghi rẹn wẹ te Nọyaẹnmwa zẹ uwẹ ne u bọ Ọgua Osa ẹre ne ọ huanrẹn. Banbanna nian, u ghi ru ẹe, u ghi wa mu aro yọ ne u ruẹe.”

I Krọnikol 28:20

E Devid ne ọba keghi tama e Solomọn ne ovbi ẹre wẹẹ, “Gie ekhọe ruẹ sẹ otọ ne u vbe mu aro yọ, suẹn iwinna nii, ghẹ vbe gie emwikemwi da a obọ yi. E Nọyaẹnmwa ne Osanobua ne imẹ ga, gha yaba ruẹ. Ẹ i ra fi iyeke gbe uẹ, ọ gha mudia kuẹ u te do winna iwinna ne a gha winna na vbe Ọgua Osa.

I Krọnikol 28:21

A wa iwinna ne avbe ohẹn kevbe avbe Livai gha winna vbe Ọgua Osa ne iran nẹ. Emwa iwinna ni gue ona ughughan, mu egbe ne iran yuẹ obọ, avbe emwa nii hia kevbe avbe ekaolotu iran rre evba ne u lo iran vbene ọ khọn ruẹn.”

Ẹzra 10:5

Rhunmwuda ọnii, Ẹzra keghi suẹn ọnrẹn vbene ọ na wẹ ne avbe ọkaolotu avbe ohẹn, e Livai kevbe avbe emwa nekpa, ne iran do vẹn ihẹn wẹ iran gha ru vbene Siekanaia zẹ iro ẹre.

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Iyẹn ne ọ Maan Ọghe Mak 13:34

Te ọ ra ye vbe okpia ọkpa ne ọ kpao vbe owa gha rrie ehe, ọ na sẹ eguọmwadia ẹre rae ye owa, ọ na fian okhuo dọmwadẹ ọghọe nẹ ẹn, ọ na vbe khama ukọ ne urho ne ọ gha ba odẹ.

Hibru 10:24

Wa gie ima gha zẹ ye ẹmwẹ egbe, ne ima gha ye egbe obọ, ne a gha mwẹ aho ẹmwẹ ọmwa, kevbe ne a gha ru emwi esi.