Ẹzra 10:19 - Edo Bible (E Baibol Ẹdo) Version 1996

¹⁹ Iran keghi yan wẹ iran gha khulo amwẹ iran, iran keghi ya ogho zọ ese ye orukhọ iran.

Ẹzra 10:19 ပူးပေါင်းရင်းမြစ်များ

II Ọba 10:15

E Jehu keghi deyan okhian, ọ ghi sẹ odẹ, e Jonadab ne ovbi e Rekab keghi vba ẹre. E Jehu keghi tuẹ ọe, ọ tama rẹn wẹẹ, “Iro ọkpa ọ re ọ rre ima ekhọe. U gha deba mwẹ ra?” E Jonadab keghi kha wẹẹ, “I gha deba ruẹ.” Iran keghi rhie egbe obọ, ọ re Jehu na kpa ẹre la uwu ikẹkẹ okuo.

I Krọnikol 29:24

Iran ni rre asẹ hia kevbe avbe ivbiyokuo, uhin ya sẹ egbe ivbi e Devid nekpa, keghi yan wẹ iran gha ye ekhọe ga e Solomọn zẹ vbe ọba.

II Krọnikol 30:8

Wa ghẹ ze vbe udu vbene iran ye, sokpan, wa họn ẹmwẹ ne Nọyaẹnmwa. Wa gha die Ọgua Osa ne ọ rre Jerusalẹm, ehe ne Nọyaẹnmwa ya khian ne ọ huanrẹn nẹ ẹdẹdẹmwẹdẹ, ne uwa do ga ẹe, ne ọ ghẹ ghi mu ohu ghe uwa.

Ẹzra 10:20

Ẹwae Imẹ: e Hanani kevbe Zebadaia

Eve Orriara 5:6

Igipt kevbe Asiria ọ re ima na ya gha vbu evbare, ne a miẹn ya da orhiọn yi.

Levitikọs 6:4

Ọmwa gha ru orukhọ vbenian, ọ ghi ha emwikemwi ne ọ la ekpa ibeleku miẹn nii. Ẹdẹ ne a gha miẹn wẹ ọ rri abe, ọ ghi ha obọkpa vbe a gha wa emwi nii ye ihe ugie, gbe ọmwa nii re vbe ọ gha ha ehia fo nẹ.

Levitikọs 6:6

“Ọ ghi mu ogho ra ovbukhọ ne ẹ i mwẹ okan gie ohẹn zẹ vbe emwi izọ ese ne a ya ha emwi werriegbe. Omwa ne agbọn hia kue yi ọre a gha ya fian ive yọ.

Galatia 2:9

Jems Pita vbe Jọn, ni ye vbe avbe ọkaolotu, wa miẹn wẹ, te Osanobua rhie iwinna kpataki na mẹ, iran keghi so imẹ vbe Banabas obọ, zẹ vbe ogieva egbe, ma keghi tae wẹ ma gha winna vbe uwu avbe iran ne ẹ i re Ju, ne iran gha winna vbe uwu avbe Ju.