Ẹzra 10:14 - Edo Bible (E Baibol Ẹdo) Version 1996

¹⁴ Gie iran ni rre asẹ vbe uwu ima mudia vbe Jerusalẹm ne iran guan ye ẹmwẹ na. A ghi rhie ẹghẹ yọ ne iran ni mwẹ ikhuo orhunmwuyẹn ya lele avbe ọkaolotu kevbe ni bu ohiẹn vbe ẹvbo nii gha dee. A gha ruẹe vberriọ, a gha sẹtin miẹn wẹ ohu ne Osanobua mu ye ẹmwẹ na gha dobọyi.”

Ẹzra 10:14 ပူးပေါင်းရင်းမြစ်များ

II Ọba 23:26

Sokpan emwi ne Manasẹ ne ọba ru ya ohu e Juda mu e Nọyaẹnmwa ẹsẹse, uhin do sẹ banbanna, ọ ma he ye rriotọ.

II Krọnikol 28:11

Wa danmwehọ mwẹ! Avbe oghunmwu na, etẹn uwa ni ikpia kevbe ni ikhuo ọre iran khin. Wa gie iran gha rrie ne Nọyaẹnmwa ghẹ ya ye ohu rri uwa oya.”

II Krọnikol 29:10

“Te imẹ ghi tae nian wẹ I ra gu e Nọyaẹnmwa ne Osanobua Izrẹl ta ile ne ọ ghe ghi mu ohu ghe ima ọvbehe.

II Krọnikol 30:8

Wa ghẹ ze vbe udu vbene iran ye, sokpan, wa họn ẹmwẹ ne Nọyaẹnmwa. Wa gha die Ọgua Osa ne ọ rre Jerusalẹm, ehe ne Nọyaẹnmwa ya khian ne ọ huanrẹn nẹ ẹdẹdẹmwẹdẹ, ne uwa do ga ẹe, ne ọ ghẹ ghi mu ohu ghe uwa.

Ẹzra 10:13

Sokpan iran keghi vbe rhie te ẹe wẹẹ, “Ẹvbo bun gbe, okpamẹ vbe rhọ, ma i sẹtin mudia ye adesẹ ore vbenian. Ọna i re iwinna na a gha ya ikpẹdẹ ọkpa ra eva winna rhunmwuda, ma ne orukhọ na ginna ẹn bun gbe.

Ẹzra 10:15

A ma miẹn ọmwa ne ọ gbe odan ye ẹmwẹ na gberra Jonatan ne ovbi Asahẹl kevbe Jazeia ne ovbi e Tikva, ne Mẹsiulam kevbe Siabetai ne Livai ye ẹre ike.

Psalm 78:38

Sokpan, Osanobua tohan emwa rẹn ọ ya orukhọ iran bọ iran, ọ ma fuẹn iran an. Ẹghẹ nibun ọ re ọ ya mu ohu ne ọ te mu ẹẹn yotọ ọ ke vbe werriegbe vbe ohu ẹre nọkhua.

Aizaia 12:1

Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

Nọmbas 25:4

Ọ na tama e Mosis wẹẹ, “Viọ avbe ekaolotu ivbi Izrẹl, ne u sirra emwa hia zẹlẹ iran uhunmwu kua, vbe ogiavan ogioghogho zẹ vbene I khare ẹghẹ nii ohu avbe emwa nii i ghi ra mu mwẹ.”

Diuteronomi 13:17

Emwi ne a ghi wẹ ne a fuan nẹ wa ghẹ rhie ẹre hin rre ne uwa lo ẹre ne egbe uwa, ẹghẹ nii e Nọyaẹnmwa gha fiwerriẹ vbe uwu ohu nọ wegbe ne ọ te mu, ọ ghi tohan uwa. Ọ gha tohan uwa, ya uwa khian emwa ni bun zẹ vbe ne ọ yan ma avbe erha uwa odede.

Diuteronomi 17:9

Ne uwa ya gui ẹzọ uwa ma avbe ohẹn Livai kevbe ọbuohiẹn ne ọ mu unu vbe ẹghẹ nii, ne iran bu ohiẹn nii.

Jọsua 7:26

Iran keghi silo okuta kpitii yan rẹn, te ọ ye rre evba do sẹ ẹdẹnẹrẹ na. Onii ọ siẹe ne a na ye tie evba nii “Iya Orueghe.” Iyeke ọnii, ohu ma ghi mu e Nọyaẹnmwa ọvbehe.