Ẹzra 10:11 - Edo Bible (E Baibol Ẹdo) Version 1996

¹¹ Banbanna nian, wa miẹn orukhọ uwa kue, ma e Nọyaẹnmwa ne ọ re Osanobua avbe erha odede ne uwa vbe ru emwi ne ọ yẹ ọre. Wa wannegbe hin uwu ẹbu avbe orhunmwuyẹn ni rre otọ ima rre, ne uwa vbe khulo ikhuo orhunmwuyẹn ne uwa viọ re.”

Ẹzra 10:11 ပူးပေါင်းရင်းမြစ်များ

II Krọnikol 30:22

E Hẹzekaia ne Ọba keghi tian avbe Livai ye iguemwi ne iran ya ru ugamwẹ e Nọyaẹnmwa.

Ẹzra 10:10

Ẹzra ne ohẹn keghi kpaegbe, ọ na gu iran guan ọ wẹẹ, “Wa ru orukhọ, wa kevbe do ya Izrẹl rri abe vbe ekpa ne uwa na gha viọ ikhuo orhunmwuyẹn rọnmwẹ.

Ẹzra 10:12

Emwa ni hia keghi datu rhie ewanniẹn yọ wẹẹ, “Ma gha ru vbene u rhirhi kha.”

Ẹzra 10:3

“Banbanna nian, te ima gha do yan ma Osanobua mwa wẹ ma gha wẹ ne avbe ikhuo orhunmwuyẹn na, kevbe ivbi iran gha rrie. Ma gha ru vbene uwẹ kevbe avbe emwa ni ya uhi Osanobua ru emwi wẹ ne ima ru. Ma gha ru vbene uhi Osanobua khare.”

Ẹzra 9:1

A ghi ru avbe emwi na hia fo nẹ, eso vbe uwu avbe ọkaolotu keghi do khama mwẹ wẹ, emwa nii, avbe ohẹn, deba avbe Livai ma bi egbe ne emwa ni lẹga iran, Amọn, e Moab, Igipt, emwa Kenan, Hiti, Pẹriz, Jebus, kevbe Amọri, emwi osọnnọ ne avbe emwa nii ru ọ re iran vbe ru.

Nehimaia 13:3

Ugbẹn vbe ivbi Izrẹl ghi họn vbe a tie uhi na, iran keghi wannọ avbe erriọvbe hia hin uwu ẹbu iran rre.

Psalm 32:5

Ẹghẹ nii, I na miẹn orukhọ mwẹ kue ma ruẹn I ma vbe gbe gue alagberra mwẹ, I keghi wa miẹn ehia kue ma ruẹn, wẹ keghi vbe ya orukhọ mwẹ hia bọ mwẹ.

Itan 28:13

U gha gbe gue orukhọ ruẹ, agbọn i maa ruẹn ẹdẹ, miẹn iran kue ne u vbe zobọ vbọ, Osanobua gha tohan ruẹn.

Aizaia 56:4

E Nọyaẹnmwa tama egbe ọmwa vberriọ wẹẹ, “A deghẹ u ya ọghọ mẹ, vbekpa ne u gha na rhie Ẹdẹ Ikẹtin lẹre, a deghẹ u vbe gha ru emwi ne ọ yẹ mwẹ, u na gha rhie uhi mwẹ mwẹ vbe ẹmwata,

Jerimaia 3:13

Sokpan, u ghi miẹnkue wẹ, wa rriabe kevbe wẹ wa sẹmwẹ e Nọyaẹnmwa ne Osanobua uwa. Miẹnkue wẹ u rhie aho ruẹ ne avbe ẹbọ ẹrrẹe vbe ototọ erhan ni mwẹ ebe ni bii hia kevbe wẹ u ma ya ẹmwẹ mwẹ ru emwi. Mẹ ne Nọyaẹnmwa ọ re ọ tae.

Ezikiẹl 18:30

“Mẹ ne Nọyaẹnmwa ne Udazi ọ re ọ tama uwa ne ivbi Izrẹl na nian wẹ emwi ne dọmwadẹ ọghọe vbe uwu uwa ru ọ re I ra ya bu ohiẹn ọnrẹn. Wa rhie obọ hin emwi dan ne uwa ru hia rre, ne uwa ghẹ gie orukhọ ne uwa ru gbe uwa uhunmwu.

Iyẹn ne ọ Maan Ọghe Jọn 9:24

Iran keghi dọlegbe tie ọmwa na biẹ ọre arhuaro ni ukpogieva, iran tama rẹn wẹẹ, “Yan vbe odaro Osanobua ighe ẹmwata ọre u khian ta. Ma rẹnrẹn ighe ọmwa orukhọ ọre oko na khin.”

Ebe ne Pọl gbẹẹn gie emwa Rom 12:2

Wa ghẹ ya egbe ba emwi ne agbọn na ru, sokpan wa gie Osanobua fi uwa werriẹ vbe uwu egbe vbe ekpa ne ọ gha na fi ekhọe uwa werriẹ. Ẹghẹ nii wa gha na sẹtin rẹn emwi ne Osanobua ho emwi ne ọ maa, ne ọ yẹ ọre kevbe ne ọ gbae.

II Kọrinti 6:17

Rhunmwuda ọnii, Nọyaẹnmwa keghi kha wẹ, “Wẹ kpao sẹ iran rae, Wa wannọ egbe hin uwu iran rre. Wa ghẹ mwẹ obọ vbe emwi ne ọ ma huan mẹ gha rhan obọ miẹn uwa.

Kọlose 1:10

Ẹghẹ nii, wa ghi sẹtin do gha yin vbene Nọyaẹnmwa ho, wa ghi vbe gha ru emwi ne ọ yẹ ọre. Ẹdẹ agbọn uwa ghi do gha mọ ọmọ iwinna ne ọ maa ughughan hia, wa ghi vbe gha wan yọ vbe uwu vbe ne uwa rẹn Osanobua hẹ.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.

Jọsua 7:19

Ẹre Jọsua na tama Ekani wẹẹ, “Ovbi mwẹ, ta ẹmwata vbe emwa na, vbe odaro e Nọyaẹnmwa Osanobua Izrẹl ne u miẹn kue. Banbanna nian, tama mwẹ emwi ne u ru. Ghẹ vbe wẹ ne u rhie ẹre lẹre mẹ.”