Ẹzra 10:10 - Edo Bible (E Baibol Ẹdo) Version 1996

¹⁰ Ẹzra ne ohẹn keghi kpaegbe, ọ na gu iran guan ọ wẹẹ, “Wa ru orukhọ, wa kevbe do ya Izrẹl rri abe vbe ekpa ne uwa na gha viọ ikhuo orhunmwuyẹn rọnmwẹ.

Ẹzra 10:10 ပူးပေါင်းရင်းမြစ်များ

II Krọnikol 28:13

Iran keghi kha wẹẹ, “Wa ghẹ viọ avbe oghunmwu ni rri edinran. Ma rukhọ ghe Nọyaẹnmwa nẹ, ma keghi ya ohu mu ẹẹn sẹ vbene ọ gha na rri ima oya. Banbanna nian wa ra vbe ru emwi ne ọ gha ya orukhọ ima kpọlọ sẹ ayọ.”

Ẹzra 10:11

Banbanna nian, wa miẹn orukhọ uwa kue, ma e Nọyaẹnmwa ne ọ re Osanobua avbe erha odede ne uwa vbe ru emwi ne ọ yẹ ọre. Wa wannegbe hin uwu ẹbu avbe orhunmwuyẹn ni rre otọ ima rre, ne uwa vbe khulo ikhuo orhunmwuyẹn ne uwa viọ re.”

Ẹzra 10:9

Vbe uwu ikpẹdẹ eha nii, vbe ikpẹdẹ ugie ọghe uki ne ogihinrin, emwa hia ni rre otọe Juda kevbe Bẹnjamin kegha die Jerusalẹm, iran keghi do si egbe koko vbe ore Ọgua Osa, amẹ keghi wa gha da ẹsẹse, rhunmwuda ne ẹdẹ ma na rra nii, kevbe rhunmwuda ne ọ na re iko kpataki, emwa hia kegha guọ zẹzẹzẹ.

Ẹzra 9:14

Vbe ima ghi ra vbe dọlegbe fi iyeke gbe uhi ruẹ hẹ ne a vbe ya gha viọ avbe emwa dan na rọnmwẹ. Ma gha ru vberriọ, u gha mu ohu ghe mwa sẹrriọ wẹ te u ra wa fuẹn ima an fẹẹrẹ, vbene ọkpa ighi na vbe ke ẹe.

Ẹzra 9:6

I keghi kha wẹẹ, “Osanobua ekhue i gunmwẹ tọn uhunmwu mu ghe ehe ne u ye. Orukhọ ima ma ite ne ọ yo gberra ima uhunmwu, iran yo sẹ iso.

Nọmbas 32:14

Banbanna nian, wa vbe rhie ihe erha uwa, orre ọgbọn ọ ghe emwa orukhọ, emwa ni wa vbe mu egbe ne iran vbe tie okuosu e Nọyaẹnmwa dọlegbe yan Izrẹl uhunmwu.

Matiu 23:32

Wa gie obọ gha kẹe, wa winna iwinna ne avbe erha uwa suẹnrẹn fo.