Ẹzra 10:1 - Edo Bible (E Baibol Ẹdo) Version 1996

¹ Vbe ẹghẹ ne Ẹzra na vbẹrre gha na erhunmwu vbe odaro Ọgua Osa, ọ na gha viẹ, ọ na vbe gha miẹn avbe orukhọ na kue, ivbi Izrẹl ni bun ẹsẹse, ikpia kevbe ibiẹka, keghi lẹga ẹre, iran na gha viẹ eve orriara.

Ẹzra 10:1 ပူးပေါင်းရင်းမြစ်များ

I Ọba 8:30

Rhie ehọ ye erhunmwu mwẹ kevbe erhunmwu emwa ruẹn vbe iran a do na erhunmwu vbe emwa na. U ghi họn urhu mwa vbe owa ruẹ vbe ẹrinmwi ne u yabọ mwa.

I Ọba 9:3

E Nọyaẹnmwa keghi tama rẹn wẹẹ, “I họn erhunmwu ruẹn ne, I ya Ọgua Osa ne u bọ ẹe khian ne ọ huanrẹn zẹ vbe ehe ne a gha na gha ga mwẹ rhinrin ẹdẹ. I gha gbe aro ghe ẹre, I gha vbe degue ẹre rhinrin ẹdẹ.

II Krọnikol 20:13

Ivbi e Juda hia fẹẹrẹ, kevbe avbe amwẹ iran kevbe ivbi iran keghi wa mudia ye evba vbe odaro Ọgua Osa.

II Krọnikol 20:9

wẹ adeghẹ ẹbe sunu vbe egbe iran, ne ọ ya rri iran oya, ọ re okuọ nọ, ra egboghogbogho ra ukhunmwu, iran sẹtin gha dee do mudia ye odaro Ọgua Osa na, ehe ne a na ga a. Iran sẹtin na erhunmwu ghe ruẹ vbe ẹghẹ ọlọghọmwa, wẹ ghi vbe họn, u ghi vbe miẹn iran fan.

Ẹzra 10:6

Iyeke ọnii, ọ keghi kpao vbe odaro Ọgua Osa rre, gha rrie owa ne Jehohanan ne ovbi Eliasib dia, ọ na gbe asọn nii vbe evba, ọ na gha khiẹ ye orukhọ avbe ọyiwe nii, ọ ma re, ọ ma da.

Nehimaia 1:4

Ugbẹn vbe I ghi họn ẹmwẹ na, I na de tota, I na gha viẹ egbe mwẹ. I ma rri evbare vbe ikpẹdẹ ni bun, I kegha khiẹ, I na gha na erhunmwu ghe Osanobua,

Nehimaia 1:6

Ghe mwẹ Nọyaẹnmwa ne u họn erhunmwu mwẹ ne I na ne ivbi Izrẹl asọn kevbe avan. I miẹnkue wẹ ma ne ivbi Izrẹl ru orukhọ. Mẹ kevbe avbe erha mwẹ odede ru orukhọ.

Nehimaia 10:28

Ma ne ivbi Izrẹl, avbe ohẹn, avbe Livai, iran ni khẹ Ọgua Osa avbe ikpemaba Ọgua Osa, iran ni winna vbe Ọgua Osa, ke iran nekpa hia, ne a miẹn wẹ, ọ ru vbene Uhi Osanobua khare, ma na wannọ egbe ima hin ehe ne avbe erhunmwuyẹn ni rre otọ ima ye rre, ma, do deba avbe amwẹ ima, deba avbe ivbi ima hia, ni wan sẹ nẹ ne ọ gha na rẹn otọ ẹre.

Nehimaia 8:9

Iran ghi họn emwi ne Uhi nọ rẹn, ọ keghi da iran sẹrriọ wẹ iran na suẹn gha viẹ. Ẹre Nehimaia ne ne ọkhaemwisẹ, Ẹzra ne ohẹn kevbe ne ọ rẹn nene Uhi, kevbe avbe Livai ni gha rhan otọ nene Uhi ma emwa nii, keghi tama iran wẹẹ, “Ẹdẹnẹrẹ na, ẹdẹ nọhuanrẹn nọ ne Nọyaẹnmwa ne Osanobua uwa rhunmwuda ọnii, wa ghẹ khiẹ ra ne uwa vbe gha viẹ.

Psalm 119:136

Ameve mwẹ lẹ kua zẹ vbe ẹzẹ, rhunmwuda ne emwa i na ya uhi ruẹ ru emwi.

Psalm 32:5

Ẹghẹ nii, I na miẹn orukhọ mwẹ kue ma ruẹn I ma vbe gbe gue alagberra mwẹ, I keghi wa miẹn ehia kue ma ruẹn, wẹ keghi vbe ya orukhọ mwẹ hia bọ mwẹ.

Jerimaia 13:17

Adeghẹ uwa ma zẹ yọ, I gha ya viẹ vbe ẹkhokho rhunmwuda itengbemu uwa I gha viẹ eve orriara, ameve, mwẹ ghi gha rhọ kua, rhunmwuda, a munọ emwa oghunmwu viọ gha rrie.

Jerimaia 9:1

Akpawẹ uhae amẹ ọ re uhunmwu mwẹ khin nian, ne aro mwẹ vbe gha re uhunmwu ẹzẹ ne ọ lẹẹ, ne I miẹn ehe na gha viẹ, asọn kevbe avan, ne avbe emwa mwẹ ne a gbele ua!

Daniẹl 9:20

I keghi ye gha na erhunmwu nii khian, I keghi miẹn orukhọ mwẹ kẹe kevbe orukhọ ọghe Izrẹl ne emwa mwẹ, I na gha rinmwian e Nọyaẹnmwa Osanobua mwẹ ne ọ dọlọ rhie Ọgua Osa ẹre nọhuanrẹn ye ihe.

Hozia 14:2

Wa bu e Nọyaẹnmwa werriegbe gha dee, wa gie erhunmwu na gha re emwi ne uwa gha ya ha oko gie ẹe wẹẹ, “Ya orukhọ ima hia bọ mwa, ne u vbe rhan obọ miẹn erhunmwu ima hia. Ma gha vbe rho ruẹ zẹ vbene ima yan rẹn.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Matiu 3:6

Iran miẹn Orukhọ iran kue. Ọ keghi samẹ ne iran vbe ẹzẹ Jọdan.

Iyẹn ne ọ Maan Ọghe Luk 19:41

Rẹn keghi sikẹ ore ẹvbo, ugbẹn vbe ọ ghi bẹghe ẹre, ọ viẹ ọe wẹẹ,

Iwinna 10:30

Kọniliọs keghi kha wẹẹ, “Odẹ ẹghẹ vbe nian vbe nẹghẹdia, I kegha na erhunmwu vbe uwu owa mwẹ, vbe ẹghẹ ẹgogo eha ọghe avan. Vbe udomwurri, orhiọnkpa ne ọ ya ukpọn nọ fi wain wain mu egbe, keghi mudia ye odaro mwẹ,

Iwinna 21:5

Sokpan ẹghẹ ne ima gu iran gbe ghi gba nẹ, ma keghi kpao, a na la odẹ. Iran hia, emọ kevbe amwẹ keghi su ima ya sẹ ehe ne ẹvbo ni sẹe. Ma hia keghi diguẹ vbe ọkpẹn ẹzẹ, ma na na erhunmwu.

Ebe ne Pọl gbẹẹn gie emwa Rom 9:2

U miẹn vbene I khiẹ hẹ, u miẹn vbene ekhọe mwẹ vuọn ne orriara ne ẹ i fo hẹ rhunmwuda emwa mwẹ ne ima gba re egbe ọkpa kevbe esagiẹn ọkpa.

Diuteronomi 31:12

Tie avbe ikpia hia, ikhuo hia, ibiẹka hia kevbe avbe orhunmwuyẹn ni rre uwa ẹvbo, ne iran hia miẹn ehe na họn ẹẹn, ne iran sẹtin ruẹ vbene a ya ọghọ ne Nọyaẹnmwa Osanobua hẹ, ne iran vbe gha ya ẹkoata lele emwi ne ọ ma emwa re.

Jọsua 7:6

E Jọsua kevbe avbe ekaolotu keghi ye akhiẹ sọ ukpọn rẹn uan, ọna de mu aro rhu otọ vbe odaro Ẹkpẹti Ile ọghe Nọyaẹnmwa. Avbe ọkaolotu Izrẹl keghi gu ẹe lovbiẹ ye evba ya sẹ ota. Iran na zẹ ebubẹ ye uhunmwu ne iran ya rhie akhiẹ iran maa.

Jọsua 8:35

E Jọsua keghi wa tie uhi ọghe Mosis hia fẹẹrẹ ma emwa ni gbe ẹbu nii, ke ikhuo kevbe ibiẹka kevbe avbe ọrriọvbe ni rre ehe ne iran ye.