Ẹzra 1:9 - Edo Bible (E Baibol Ẹdo) Version 1996

^9-10 Vbe nian: ọkpan igoru ne a ya zọ ese, ọgban (30) ọkpan esiliva ne a ya zọ ese, arria isẹn (1,000) avbe ọkpan ọvbehe, ọkpairrọvbọgban (29) ọkpan igoru ne giẹrẹ, ọgban (30) ọkpan esiliva ne giẹrẹ, igbeyan arria eva (410) emwi ne a ya le evbare ni dekẹe arriaisẹn (1,000)

Ẹzra 1:9 ပူးပေါင်းရင်းမြစ်များ

I Ọba 7:50

avbe ukpu igoru, emwi ne a ya dọ ukpa yọ, avbe ọkpan, uyẹngbe eturari kevbe egbẹnghẹngbẹnghẹn ne a ya wan erhẹn, olode ni rre ẹkhu Ehe Ne ọ Huan Sẹẹ Ehia kevbe ẹgun ne ọ ke Ọgua Osa.

II Ọba 25:15

Iran keghi viọ emwikemwi ne a ghi ya igoru ra esiliva ru, ya sẹ egbe ọkpan ne giẹrẹ, kevbe ivbi uyẹngbe ne a ya wan erhẹn vbe Ọgua Osa.

II Krọnikol 24:14

Iwinna ghi fo nẹ, iran keghi viọ avbe igoru kevbe esiliva ni dekẹe ne ọba kevbe Jehoiada, iran keghi ya ẹe dọlọ avbe ọkpan kevbe avbe emwi ne a ya le evbare ọvbehe ye Ọgua Osa. Vbe ẹghẹ ne Jehoiada ya gha rre agbọn, te a gha zọ ese ye ẹghẹ vbe ne ọ kei yi vbe Ọgua Osa,

II Krọnikol 4:11

E Huram keghi vbe ru avbe akhe, ovbẹvbẹ kevbe ọkpan. Emwi hia ne ọ wa tama e Solomọn ighẹ rẹn gha ru ye uwu Ọgua Osa, ọ keghi wa ru ehia gba: Orrẹ ne eva Ehe ne ọ mwẹ imi vbe uhunmwu avbe orrẹ ni ne ọ ye vbe ọkpan Avbe ọgiọrọ ne a do ẹre ọrhiowẹlowẹ ya mu ona ye avbe orre ọkpọkpa, ikpẹrọnmwọ oze arriaeva ne a mwamwa ẹre uviẹn eva ya mu ona ye ẹzi orrẹ nii Avbe okotọ igbe Avbe igarawa igbe Ẹgbẹdin nii Avbe ẹkhuia ẹmila iweva ne a mu ẹgbẹdin nii yan Avbe akhe, ovbẹvbẹ kevbe ekuiyẹ, oyiya E Huram ne ọkaoiwinna keghi ya oze ne a kpe ru avbe emwi na hia zẹ vbene Solomọn ne ọba tama rẹn, ne a miẹn gha lo vbe Ọgua Osa e Nọyaẹnmwa.

Ẹzra 8:26

Emwi ne I viọ ne iran ena khin: esiliva, etọni ekesọgban, ọkpan esiliva iyisẹn — uwan igbeyan ikiọkhọe (150) igoru, uwan iyisẹn isẹn yan arria isẹn ihinrọn (7,500) ọkpan igoru ugie — uwawa ne giẹrẹ ekigbesẹ iyi ene yan uri (270) ọkpan oze ni mose eva ne ọ wa vbe ma vbe ọkpan igoru.

Ẹzra 8:30

Rhunmwuda ọnii, avbe ohẹn kevbe avbe Livai kegha gbearoghe avbe esiliva kevbe igoru kevbe avbe ọkpan, ne iran viọ gha rrie Ọgua Osa vbe Jerusalẹm.

Matiu 14:8

Zẹ vbe iro ne iye ẹe gu ẹe zẹ, ọmọ ni keghi ya nọ e Hẹrọd wẹẹ, “Ya mu uhunmwu e Jọn ne Ọsamẹ ye ọkpan gunmwẹ vbe emwa na.”