Ẹzra 1:6 - Edo Bible (E Baibol Ẹdo) Version 1996

⁶ Emwa ẹdogbo iran hia keghi yi iran obọ vbene iran na viọ emwi nibun ne iran: emwi ne a ya le evbare ọghe esiliva, igoru, evbare, aranmwẹ ni mu ihẹ, emwi ewe ọvbehe kevbe emwi ne a ya mu ohan vbe Ọgua Osa.

Ẹzra 1:6 ပူးပေါင်းရင်းမြစ်များ

I Krọnikol 29:9

Emwa nii keghi ya ekhọe obọ iran viọ emwi gie Nọyaẹnmwa, iran keghi ghọghọ wẹ emwi ne a viọ rre bun sẹ vberriọ. Ẹko keghi kakabọ rhiẹnrhiẹn e Devid ne ọba tobọ ẹre.

Ẹzra 1:4

A deghẹ arhienso vbe uwu emwa rẹn ni rre iwe na gualọ iyobọ ne ọ gha ya dọlegbe gha rrie owa, emwa ẹdogbo ẹre ghi ru iyobọ na ne iran. Iran ghi viọ esiliva kevbe igoru ne iran, evbare kevbe aranmwẹ ne a ya kun ihẹ, deba emwi imuohan nẹ ne iran gha viọ ladian vbe Ọgua Osa ọghe Osanobua vbe Jerusalẹm.”

Ẹzra 8:33

Ọ ghi sẹ ikpẹdẹ ne ogienẹ, ma kegha rrie Ọgua Osa, ma keghi mwa avbe esiliva kevbe igoru kevbe avbe ọkpan, ma keghi viọ ne Meremot ne ohẹn ighẹ ovbi Uraia. Emwa ni gha gue ẹe rre evba kegha re Eliaza ne ovbi Finihaz deba e Livai eva, e Jozabad ne ovbi Jesua kevbe Noadaia ne ovbi e Binnui.

Nehimaia 6:9

Iran keghi te gha ho ne iran runran ima ne ima zẹ iwinna ni obọ. I keghi na erhunmwu wẹẹ, “Sokpan, banbanna nian, Osanobua, rhie iwegbe mẹ!”

Psalm 106:46

Ọ keghi ru ẹe ne agiẹngiẹn iran la ekhọe iran ni zẹ iran kpokpo.

Psalm 110:3

Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

Ẹksọdọs 12:35

Ivbi Izrẹl keghi ru vbene Mosis tama iran, iran keghi mọmọ ivbi Igipt ikpẹ ẹrọnmwọ kevbe esiliva kevbe igoru ke ukpọn.

Ẹksọdọs 12:36

E Nọyaẹnmwa keghi gie ivbi Igipt mu ọghọ ye emwa nii egbe, iran na viọ emwi ne iran nọ iran re hia ne iran. Erriọ ọre ivbi Izrẹl ya viọ ẹfe ivbi Igipt gha rrie.

Aizaia 35:3

Rhie iwegbe ne avbe obọ ne egbe wọre kevbe avbe igue ni guọ rhunmwuda a ma wegbe.

II Kọrinti 9:7

Rhunmwuda ọnii, wẹ ne dọmwadẹ ọghọe zẹ ọhẹ vbene ọ ye ekhọe ẹre mwamwa ẹn, ẹ i re ne a ru viẹ, ra ọghe te a ya tọn mwẹ, rhunmwuda, ọmwa ne ọ ye ekhọe ọyẹnmwẹ ru ẹse, ọre Osanobua ho ẹmwẹ ọnrẹn.