Ẹzra 1:5 - Edo Bible (E Baibol Ẹdo) Version 1996

⁵ Ẹkpo nii, ọ re avbe ọkaẹgbẹe ni rre ẹwae ni rre Juda kevbe Bẹnjamin, avbe ohẹn kevbe avbe Livai, deba emwa ọvbehe hia ne Osanobua ghi rhie ye ọre ekhọe, na mu egbe, ne iran do ya bọ Ọgua Osa ọghe Nọyaẹnmwa ne ọ rre Jerusalẹm.

Ẹzra 1:5 ပူးပေါင်းရင်းမြစ်များ

II Krọnikol 36:22

Vbe ukpo ne okaro ne Sairọs khian ọgbaisi e Pẹsia, e Nọyaẹnmwa keghi ruẹe ne ẹmwẹ ne ọ la unu e Jerimaia ne akhasẹ ta, do sẹ. Ọ keghi rhie ye Sairọs ekhọe ne ọ ta ẹmwẹ na ladian, ne ọ gbẹnnẹ ọẹn ye ebe ne a vbe tie ẹre ladian vbe ehe ne otọ arriọba ẹre sẹe ehe ne ọ rhanmwẹ wẹẹ:

Ẹzra 1:1

Vbe ukpo ne okaro ne Sairọs ya gha re ọgbaisi e Pẹsia, e Nọyaẹnmwa keghi ru ẹe ne ẹmwẹ ne ọ la unu e Jerimaia ne akhasẹ ta do sẹ. Ọ keghi rhie ẹre ye Sairọs ekhọe, ne ọ ta ẹmwẹ na ladian, kevbe ne ọ gbẹnnẹ ọẹn ne a vbe tie ẹre ne emwa hia vbe otọe arriọba ẹre hia wẹẹ,

Ẹzra 1:2

“Ẹmwẹ ne Sairọs ne Ọgbaisi ọghe Pẹsia tae ọ re ọna khin, E Nọyaẹnmwa ne Osanobua ọghe Ẹrinmwi ọre ọ ya mwẹ ru nọ khaemwisẹ yan uhunmwu otọ agbọn hia, ọ kevbe ya ẹe wa iwinna mẹ wẹ ne I bọ Ọgua Osa ne irẹn vbe Jerusalẹm ne ọ rre Juda.

Ẹzra 1:4

A deghẹ arhienso vbe uwu emwa rẹn ni rre iwe na gualọ iyobọ ne ọ gha ya dọlegbe gha rrie owa, emwa ẹdogbo ẹre ghi ru iyobọ na ne iran. Iran ghi viọ esiliva kevbe igoru ne iran, evbare kevbe aranmwẹ ne a ya kun ihẹ, deba emwi imuohan nẹ ne iran gha viọ ladian vbe Ọgua Osa ọghe Osanobua vbe Jerusalẹm.”

Nehimaia 2:12

I ma tama ọmwa rhọkpa, emwi ne Osanobua rhie yọ mwẹ ekhọe ne I do ru ne Jerusalẹm. Ẹre ọ ghi na sẹ ogiasọn, I keghi guakpao, I na viọ ihua mwẹ eso ba egbe ladian. Ẹsin ne imẹ hinrin ọkpa ọ re ọ gha re aranmwẹ ne ima mu gha khian.

Itan 16:1

Ma sẹtin gha mwamwa emwamwa ọghe obọ mwa sokpan, e Nọyaẹnmwa ọ re ọ ta ọfo yọ.

Hagai 1:14

E Nọyaẹnmwa keghi rhie igiẹdu ne emwa nii ne iran ya winna vbe Ọgua Osa, avbe Zerubabẹl ne e gọvina e Juda, e Jọsua ne Ogie Ohẹn, kevbe avbe emwa ni ke iwe rre hia. Iran keghi suẹn gha winna vbe Ọgua Osa ọghe Nọyaẹnmwa ne Oghodua ne Osanobua iran.

II Kọrinti 8:16

Ma mobọ kpọnmwẹ Osanobua, ne ọ na ru ẹe wẹ vbene ọ bọbọ ima egbe ne a gha ye uwa obọ, erriọ ọre ọ vbe bọbọ Taitọs egbe.

Filipai 2:13

rhunmwuda Osanobua ọre ọ winna vbe uwu uwa ne ọ miẹn ehe na guẹ gha ho, kevbe ne u sẹtin gha ru vbene ọ rre irẹn ekhọe.

III Jọn 1:11

Wa ne avbe ọse mwẹ, wa ghẹ gha ya egbe ta emwi dan, wa gha ya egbe ta emwi esi. Ọmwaikọmwa ne ọ ru emwi ne ọ maa ọghe Osanobua nọ, ọmwaikọmwa ne ọ ru emwi dan, ọ ma he miẹn Osanobua.