Ezikiẹl 7:3 - Edo Bible (E Baibol Ẹdo) Version 1996

³ “Izrẹl, ufomwẹ rre nẹ, wa gha họn ẹmwẹ ohu mwẹ vbe egbe, rhunmwuda, I ra rria uwa ikhi ye emwi ne uwa ru. I gha ha uwa osa uyinmwẹ ne ọ hu ẹko ne uwa yinrin.

Ezikiẹl 7:3 ပူးပေါင်းရင်းမြစ်များ

Gẹnẹsis 6:13

Osanobua keghi tama Noa wẹẹ, “I tae nẹ ighẹ I ra fuẹn emwa fo. I ra wa fuẹn ehia a fẹfẹẹfẹ, rhunmwuda, agbọn vuọn ne uyimwẹ ika ne iran yin.

Aizaia 47:7

Te u te gha ro ighẹ oloi ọ re u ra gha khin ẹdẹdẹmwẹdẹ, u ma rhie avbe emwi na ye ekhọe ra ne u roro emwi ne ọ gha ke ẹre ikian.

Jerimaia 13:14

Iyekọnii, I ghi khuarha iran kugbe zẹ vbe uru, ke ibiẹka kevbe eniwanrẹn, itohan, ẹnina ra agiẹngiẹn ọmwa irrọ ne ọ gha da mwẹ obọ yi wẹ ne I ghẹ gbele iran an.”

Ezikiẹl 11:21

Sokpan, I gha rria iran ikhi ighe iran ni ho ne iran gha ga avbe ẹbọ iruẹn ni zughu ọmwa ẹko. I gha rria iran ikhi ye emwi ne iran ru.” E Nọyaẹnmwa ne Udazi guan nẹ.

Ezikiẹl 16:38

I gha bu ohiẹn gbe uẹ rhunmwuda ọghe kevbe izigha, ke vbe uwu ohu ne ọ mu mwẹ, I gha ya uwu rri ọ oya gbua.

Ezikiẹl 16:43

U mianmian obọ ne I ya mu ẹẹn vbe u ye kherhe nẹ, u ke do ye avbe emwi ne u gha ru mu mwẹ ohu. Ọnii ọ sii ẹe ne I na ru ẹe ne u rrioya ye ehia. Vbọzẹ ne u na vbe rhie ọghe ba uyinmwẹ ẹwia hia ne u yin?” E Nọyaẹnmwa ne Udazi guan nẹ.

Ezikiẹl 16:59

E Nọyaẹnmwa ne Udazi khare wẹẹ, “I gha ru uwẹ emwi ne ọ ma uwẹ. Rhunmwuda u yangbe eyan ne u yan rẹn, u ke mu ile ne a tae fua.

Ezikiẹl 18:30

“Mẹ ne Nọyaẹnmwa ne Udazi ọ re ọ tama uwa ne ivbi Izrẹl na nian wẹ emwi ne dọmwadẹ ọghọe vbe uwu uwa ru ọ re I ra ya bu ohiẹn ọnrẹn. Wa rhie obọ hin emwi dan ne uwa ru hia rre, ne uwa ghẹ gie orukhọ ne uwa ru gbe uwa uhunmwu.

Ezikiẹl 21:25

“Wa ne emwa dan ni ma huan ni khaemwisẹ yan Izrẹl. Ẹdẹ uwa dee, ẹdẹ ne a gha rri uwa oya ne okiekie.

Ezikiẹl 22:31

ghi vbe fuẹn iran an vbene erhẹn fuẹn emwi uan rhunmwuda emwi dan ne iran ru.” E Nọyaẹnmwa ne Udazi guaan nẹ.

Ezikiẹl 24:14

Mẹ ne Nọyaẹnmwa guaan nẹ. Ẹghẹ sẹẹ nẹ ne I gha ya guan yọ. I ra ghi fi aroa vbe orukhọ ruẹ ọvbehe, ra ne I mwẹ itohan ra ẹnina. A gha rri ọ oya ye emwi ne u ru.” E Nọyaẹnmwa ne Oghodua guan nẹ.

Ezikiẹl 33:20

Wa ne ivbi Izrẹl khare wẹẹ, ‘Emwi ne I ru ma gba.’ Emwi ne uwa ru ọ re I ra ya bu ohiẹn uwa.”

Ezikiẹl 36:19

I keghi bu ohiẹn gbe iran rhunmwuda vbe ne iran yin kevbe vbene iran ru emwi hẹ, I keghi zagha iran ku ẹvbo ẹrrẹe.

Ezikiẹl 5:12

A gha wa uwa ye ihe eha, ohanmwẹ kevbe emianmwẹ gha gbele obọkpa vbọ ye adesẹ ore ẹvbo, a gha ya umozo giagia obọkpa vbọ ye vbe a ladian ore ẹvbo ne, I gha zagha obọkpa ne ọ ghi kẹe vbọ ku ẹhoho, I ghi ya umozo gha khulo iran khian.

Ezikiẹl 5:13

“Wa gha họn ẹmwẹ obọ ohu kevbe okuosu mwẹ vbe egbe, a te do miẹn wẹ ẹko ẹre vuọn mwẹ. Ena hia ghẹ ghi sunu nẹ, wa ghi do rẹn wẹ te imẹ ne Nọyaẹnmwa gu uwa guan rhunmwuda ohu mu mwẹ ye uyinmwẹ a ma guobọ ọmwa uwa.

Ezikiẹl 7:2

“Ovbi ọmwa, ẹmwẹ ne imẹ ne Nọyaẹnmwa ne Udazi tama ivbi Izrẹl ọre ọna khin: Ufomwẹ otọe ni rre nẹ!

Ezikiẹl 7:27

Ọba gha khiẹ, ovbi ọba gha rhie aro hin rre, emwa ghi gha guọ ba ẹmwẹ ohan. I gha rria uwa ikhi ye emwi ne uwa ru hia, I ghi vbe bu ohiẹn uwa zẹ vbene uwa vbe ya bu ohiẹn ẹrrẹe. Ọna gha rhiema ighe mẹ ọrọre Nọyaẹnmwa.”

Ezikiẹl 7:4

Mẹ I ra sẹ uẹ rae ra ne I tohan ruẹn hiehiere. I ra rria uwa ikhi ye uyinmwẹ ne ọ hu ẹko ne uwa yinrin, ne uwa miẹn ehe na rẹn wẹ mẹ ọrọre Nọyaẹnmwa.”

Ezikiẹl 9:10

Sokpan mẹ i ra tohan iran hiehiere. I gha ru iran vbene iran ru emwa ọvbehe.”

Hozia 12:3

E Jekọb ne erha iran odede kevbe Isọ ne irẹn vbe ọre gba re ivin eva gba ru egbe vbe iran eva he rre uwu ẹko iye iran; e Jekọb ghi waan nẹ ọ gu Osanobua suan.

Emọs 8:2

E Nọyaẹnmwa keghi nọọn wẹẹ, “Emọs, de emwi ne u bẹghe yi?” Mẹ keghi wanniẹn wẹẹ, “Okhuae ọmọ erhan.” E Nọyaẹnmwa keghi kha wẹẹ, “Ufomwẹ Izrẹl ne emwa mwẹ rre nẹ. Mẹ i ghi dọlegbe fi ekhọe werriẹ vbe ekpa oya ne I gha rri iran re.