Ezikiẹl 5:3 - Edo Bible (E Baibol Ẹdo) Version 1996

³ Viọ eto eso kherhe hin rre, u ghi rri ẹe ye abọ ukpọn ruẹn.

Ezikiẹl 5:3 ပူးပေါင်းရင်းမြစ်များ

II Ọba 25:12

Sokpan ọ keghi sẹ eso vbe usun iran ni ru ivbiogue sẹ, iran ne ẹ i mwẹ emwi rhọkpa rae, ọ na ye iran gha winna vbe ogba azara kevbe ugbo.

Jerimaia 39:10

Ọ keghi sẹ usun iran ni ghi ru ivbiogue sẹẹ rae ye Juda, avbe emwa ne ẹ i mwẹ emwi rhọkpa, ọ keghi munọ ogba azara kevbe oha ne iran.

Jerimaia 40:6

I keghi bu e Gedalaia vbe Mizpa, I na gu avbe emwa ni ghi kẹe vbe ẹvbo nii tota.

Jerimaia 52:16

Sokpan, ọ keghi sẹ eso vbe uwu iran ni ghi ru ivbiogue sẹẹ rae ye Juda, avbe emwa ne ẹ i mwẹ emwirhọkpa, ọ keghi viọ iran ya gha winna vbe uwu ogba azara kevbe ugbo.

Ezikiẹl 5:2

U ghi gien obọkpa vbọ vbe adesẹ ore ẹvbo nii vbe okuo a ghi khọn gberra nẹ. U ghi viọ obọ ne ogieha nọkpa, u ghi ya umozo nii gha giagia ẹe kua vbe u a gha khian lẹga vbe u a ghi lahin ore ẹvbo nii rre nẹ. U ghi zagha obọ ne ogieha ne ọ dekẹe ku ẹhoho, mẹ gha ya umozo mwẹ khu ẹe.

Ezikiẹl 5:4

U ghi dọlegbe viọ ekherhe vbọ, viọ ẹre ku erhẹn ne u gie ẹe gien uan. Evba nii ọ re erhẹn ra ke mu la otọ Izrẹl hia.”

Matiu 7:14

Sokpan te onurho arrọọ ye wẹnrẹn, odẹ ne a la sọe ma vbe rriẹ, ibozẹghẹ ọre ọ vbe lae.

I Pita 4:18

Zẹ vbene ebe khare, “A deghẹ egbe i re egbe ne emwa ni maa, gha ya miẹn uhunmwu, vbe ọ ra gha ye iran hẹ ighẹ iran ni ma rẹn Osanobua kevbe emwa orukhọ!”