Ezikiẹl 41:3 - Edo Bible (E Baibol Ẹdo) Version 1996

³ Ẹre ọ na gha rrie Ọgua ne ọ ke uwu ẹre sẹẹ vbe ehia. Ọ keghi mwaa ọlẹla ne a la sẹ ọe, ọ kegha re ibata eha vbe udinmwimwẹ, kevbe ibata igbe vbe uvbẹmwẹ, ekẹn ne a gbe ye ọre obọ eveva kegha re ibata iweva vbe umwẹimimwẹ.

Ezikiẹl 41:3 ပူးပေါင်းရင်းမြစ်များ

Ezikiẹl 40:16

Ivbi uvun giere kegha rre ekẹn ne ọ ke ore ọghe avbe ughugha na hia, kevbe ekẹn ne ọ rre uwu owa vbe ẹkpo avbe ughugha na. A keghi ka udin lele egbekẹn ne ọ ke uwu ẹre vbe ehe ne ọ mu da ọlẹla nii.

Ezikiẹl 40:48

Ẹre ọ na rhie mwẹ gha rre ugha ne ọ rre onurho ne a la la uwu Ọgua Osa. Ọ keghi mwa onurho nii, ọ keghi gha re ibata ihinrin vbe udinmwimwẹ kevbe ibata enẹyan ugie vbe uvbẹmwẹ, ekẹn ne umwẹimimwẹ ọnrẹn re ibata isẹn kegha rre ọ re obọ eveva.

Ezikiẹl 41:1

Vbe iyeke ọnii, ọmwa na keghi rhie mwẹ gha rrie Ọgua ne ọ ke adesẹ, Ehe Nọhuanrẹn ne ọ rrọọ. Ọ keghi mwẹ ọlẹla ne a la sẹ ọe, ọ kegha re ibata igbe vbe udinmwimwẹ.