Ezikiẹl 4:3 - Edo Bible (E Baibol Ẹdo) Version 1996

³ Mu ọkpan ematọn, ne u mu ẹẹn ye ẹkpo uwẹ vbe ẹvbo nii zẹ vbe ekẹn ne a gbe. Mu aro da ẹvbo nii. Te a wa khọn rẹn na, wẹ ọ re ọmwa ne ọ khọn ẹnrẹn. Ọna ghi gha re ama ne uhunmwu ẹvbo Izrẹl.

Ezikiẹl 4:3 ပူးပေါင်းရင်းမြစ်များ

Aizaia 20:3

Iran ghi khọn mu Asdọd nẹ nian, e Nọyaẹnmwa ke kha wẹẹ, “Ikpiaa ọ re ọ ye na ne Aizaia ne ọguọmwadia mwẹ kegha rre irhunmwuirhun ye owẹ kẹkan mama otọ lele ehe hia khian. Igiemwi emwi ne ọ ra sunu vbe egbe Igipt kevbe Sudan ọ re ọna khin.

Aizaia 22:7

Iya e Juda ne ọ maa emwiokọ ghi khian ne a viọ ikẹkẹ okuo vuọn, ivbiyokuo ni hin ẹsin keghi mudia vbe odaro onurho e Jerusalẹm.

Aizaia 8:18

Mẹ rre emwa na deba emọ ne Nọyaẹnmwa viọ mẹ. e Nọyaẹnmwa ne Oghodua, ọmwa ne ẹkete ẹre rre Oke Zaiọn gie ima nẹ, zẹ vbe ẹmwẹ unu ne ọ rre agbọn, ne a gie gie emwa Izrẹl.

Jerimaia 39:1

Vbe uki ne ogigbe ọghe ukpo ne ogihinrin ne Zedekaia kegha re ọba e Juda, e Nebukiadneza ne ọba e Babilọn keghi viọ avbe ivbiyokuo ẹre gha die Jerusalẹm, ọna do gha khọn rẹn.

Jerimaia 39:2

Vbe ikpẹdẹ ne ogihinrin ọghe uki ne ogienẹ, vbe ukpo ne ogiowọrọ ne Zedekaia yae vbe ọba, iran keghi ha ekẹn ne a gbe lẹga ẹvbo gberra.

Ezikiẹl 12:11

Tama iran wẹ emwi ne u ru hia kegha re ama emwi ne ọ gha sunu vbe egbe iran — iran gha khian emwa ni lẹ ku ẹvbo ẹrrẹe kevbe oghunmwu.

Ezikiẹl 12:6

Gie iran bẹghe ruẹ vbe u gha mu ihẹ ne u kunrun yan izabọ, kevbe vbe u a vbe ladian la uwu ebiebi vbe aro ne a gbalọe, sẹrriọ wẹ u i ghi bẹghe ehe ne u rrie. Emwi ne u ru ghi gha re ne a ya ta ẹmwẹ ma ivbi Izrẹl yotọ khẹ ọ dee.”

Ezikiẹl 5:2

U ghi gien obọkpa vbọ vbe adesẹ ore ẹvbo nii vbe okuo a ghi khọn gberra nẹ. U ghi viọ obọ ne ogieha nọkpa, u ghi ya umozo nii gha giagia ẹe kua vbe u a gha khian lẹga vbe u a ghi lahin ore ẹvbo nii rre nẹ. U ghi zagha obọ ne ogieha ne ọ dekẹe ku ẹhoho, mẹ gha ya umozo mwẹ khu ẹe.

Daniẹl 11:17

“Ọba e Siria gha mu egbe okhian okuo urria, ọ ghi wa viọ ivbiyokuo ẹre hia mwẹ obọ. Debare, ọ gha ghi gha ho ne ọ fuẹn otọe arriọba oghian rẹn, ọ ghi kpe iku gie ẹe, ọ ghi rhie ovbi ẹre nokhuo ne ẹẹn rhie rọnmwẹ, sokpan, emwi ne ọ mwamwaẹn vbe ekhọe i ra gba.

Levitikọs 2:5

“A deghẹ emwi ihaoko nii ighẹ ọghe ebrẹd ne a mu ọkpan ye erhẹn ya fian nọ, a ghi ya irhuarhua ne a ye ofigbọn ọliv gbe fian ẹn sokpan ne a ghẹ rhie eyist yọ.

Iyẹn ne ọ Maan Ọghe Luk 2:34

Simiọn keghi fiangbe iran, ọ keghi tama Meri ne iye ẹe wẹẹ, “Osanobua zẹ ọmọ na zẹ vbe ọmwa ne emwa eso gha la ekpa ẹre fuan kevbe ne enibun gha la ekpa ẹre miẹn imiẹnfan vbe Izrẹl. Rẹn gha re ama ne ọ ke obọ Osanobua rre, ama ne emwa ni bun gha gbe odan ghe.

Hibru 2:4

Erriọ vbe nọ zẹ, Osanobua keghi rhie osẹe ọghọe te ọghe iran vbe ekpa ne ọ gha winna iwinna ama, ẹtin, ọyunnuan, kevbe iwinna ọyunnuan ni bun. Deba ẹre, ọ keghi ya ọhẹ Orhiọn Ne Ọ Huanrẹn ghae ne emwa hia vbene ọ yẹ ọre.