Ezikiẹl 3:3 - Edo Bible (E Baibol Ẹdo) Version 1996

³ Ọ wẹẹ “Ovbi ọmwa, rri ebe ohian ne I rhie nuẹn na, yae vuọn ẹko ruẹ.” I keghi rrii ọe, ọ kegha rhiẹnrhiẹn zẹvbe owọn.

Ezikiẹl 3:3 ပူးပေါင်းရင်းမြစ်များ

Job 23:12

Emwi ne Osanobua tae ọ re I ru vbe ẹghẹ hia; emwi ne ọ ho ọre I ru, ẹ i re ọghomwẹ.

Psalm 119:103

A miẹn vbe igiodẹ ruẹ rhiẹnrhiẹn hẹ, ọ gele wa rhiẹnrhiẹn sẹẹ owọn.

Psalm 119:11

Mẹ rhie uhi ruẹ ye ekhọe mwẹ, ne I ghẹ miẹn ehe na rukhọ ghe ruẹ.

Psalm 119:97

A miẹn vbene I ho ẹmwẹ uhi ruẹ hẹ, te I wa mu ẹẹn ro ne ebi ro.

Psalm 19:10

A rhie aro yọ sẹ igoru ne ọ ghi hian sẹẹ iran rhiẹnrhiẹn sẹ owọn ne ọ ghi hian sẹ.

Psalm 19:11

Iran rhie irẹnmwi ne imẹ ne ọguọmwadia ruẹ, i rri ere ẹre vbe i a ya ẹe ru emwi.

Jerimaia 15:16

Wẹ gunmwẹ guan, I keghi rhie ehọ ye ẹmwẹ hia. Ọwuẹ ọ re imẹ khin Nọyaẹnmwa, Osanobua ne Oghodua, rhunmwuda ọnii ẹmwẹ ruẹn keghi ya oghọghọ kevbe ọyẹnmwẹ vuọn ekhọe mwẹ.

Jerimaia 20:9

Sokpan, I gha kha wẹẹ, “I gha mianmian e Nọyaẹnmwa, I i ghi vbe dọlegbe guan vbe eni ẹnrẹn.” Ẹghẹ nii, uhunmwu ne u gie ghi yevbe erhẹn ne ọ giẹn vbe uwu imẹ I ghi gha hia ne I yẹn ọnrẹn muotọ, sokpan I i ghi sẹtin rhie ẹre lẹre.

Jerimaia 6:11

Ohu iran ne ọ mu ẹẹn wa vbe giẹn vbe erhẹn vbe uwu ime, Nọyaẹnmwa, I i ghi sẹtin zin ẹnrẹn ọvbehe.” Ẹre Nọyaẹnmwa na tama mwẹ wẹẹ, “Hihiẹ ohu mwẹ yan avbe ibiẹka vbe adesẹ ore, kevbe ye ehe ne avbe igbama na si koko. A gha viọ avbe ọdọ kevbe avbe amwẹ kpao, a i ra vbe sẹ avbe ọmaẹn rae.

Ezikiẹl 2:10

Obọ nii keghi rhan ebe ohian nii, I keghi miẹn wẹ te a gbẹnnẹ ọre aro kevbe iyeke — emwi ne a gbẹnnẹ yọ kegha re eve akhiẹ, ugomwẹ kevbe irriakọn.

Ezikiẹl 2:8

“Ovbi ọmwa, danmwehọ ẹmwẹ ne I tama ruẹn. Ghẹ sọtẹ vbene iran ye. Rhan unu uan ne u rri emwi ne I ra rhie ne uẹn.”

Ezikiẹl 3:4

Ẹre Osanobua na kha wẹẹ, “Ovbi ọmwa, bu ivbi Izrẹl gha khian ne u ya tama iran ẹmwẹ ne I a rhirhi ta wẹ ne u ta.

Iyẹn ne ọ Maan Ọghe Jọn 7:38

Zẹ vbene ebe ne ọ huanrẹn khare, ‘Ọmwaikọmwa ne ọ ya mwẹ yi, ẹzẹ amẹ ẹfe gha kpe ke uwu orhiọn rẹn ladian.’ ”

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.