Ezikiẹl 26:5 - Edo Bible (E Baibol Ẹdo) Version 1996

⁵ Avbe ọgbehẹn ghi gha ka ọga iran vbọ vbe ehe ne ọ ye nii vbe okun. Mẹ ne Nọyaẹnmwa ne Udazi tae nẹ. avbe uhunmwu ẹvbo nii gha fu e Taia emwi viọ.

Ezikiẹl 26:5 ပူးပေါင်းရင်းမြစ်များ

Ezikiẹl 29:19

Rhunmwuda ọnii nian, vbenian ọre imẹ ne Nọyaẹnmwa ne Oghodua khare: I ra mu otọ Igipt ne Nebukiadneza ne ọba. Ọ ghi viọ iran emwi, ọ ghi vbe fu iran emwi viọ, ọ ghi viọ ẹfe hia ni rre otọe Igipt zẹ vbe emwi ne a ya ha osa ne ivbiyokuo ẹre.

Ezikiẹl 47:10

Wa ke Ẹzẹ Ẹngẹdi gha khian, ya sẹ Ẹzẹ Ẹneglem, a gha miẹn avbe ọgbehẹn vbe ọkpẹn okun nii, iran ghi vbe tan ọga iran ye evba ne ọ ka. A gha miẹn ehẹn ughughan ni bun vbe evba zẹ vbene ọ rre Okun e Meditẹrrenian.

Ezikiẹl 27:32

Iran so ihuan orinmwi ne uẹn: ‘De ọmwa ne a gha ya gie Taia e Taia ne ọ ghi gbẹmwẹ ye okun na?

Ezikiẹl 26:19

E Nọyaẹnmwa ne Udazi khare wẹẹ: “I gha ya uwa khian ehe ne ọ mu ohioro zẹ vbene ẹvbo ne a fuan ye, ehe ne ọmwa rhọkpa i ghi ye. I gha ya amẹ okun ne ọ dinmwi gue uwa muotọ.

Ezikiẹl 25:7

Rhunmwuda ne uwa na ru vberriọ, I gha viọ uwa ne emwa ẹvbo ọvbehe, iran gha rha uwa, iran gha vbe fu uwa emwi hẹ. I gha dunmwu uwa a sẹrriọ wẹ, wa i ghi sẹtin dọlegbe gha re uhunmwu ẹvbo ọvbehe, ra ne uwa ye gha mwẹ otọe ẹvbo ne ọ re ọwua. Ẹghẹ nii, wa gha rẹn ighẹ mẹ ọrọre Nọyaẹnmwa.”

Ezikiẹl 26:14

Emwi ne I ra sẹrae ma gberra okuta ne emwi rhọkpa ma degue ehe ne avbe ọgbehẹn gha na gha ka ọga iran. A i ghi dọlegbe bọ ẹvbo nii ọvbehe. Mẹ ne Nọyaẹnmwa ne Udazi ọ re ọ tae.”