Ezikiẹl 2:3 - Edo Bible (E Baibol Ẹdo) Version 1996

³ “Ovbi ọmwa, I ra giọ bu ivbi Izrẹl gha khian. Iran sọtẹ, iran keghi mu aro igbinna da mwẹ, etẹ nii ọ re iran ye khin na, zẹ vbene avbe erha iran odede vbe gha ye.

Ezikiẹl 2:3 ပူးပေါင်းရင်းမြစ်များ

II Ọba 17:14

Sokpan, iran ma họn ẹmwẹ ne ọ tama iran, iran na vbe gha yin uyinmwẹ dan ne erha iran vbe yin ne iran ma na ya e Nọyaẹnmwa ne Osanobua iran yi.

II Ọba 17:15

Iran na vbe yangbe obọ ne ọ ya sẹ ekhae, iran na ya gha gho ẹbọ ni kẹkẹ ua, iran tobọ iran kevbe khian emwa ni kẹkẹ ua, iran keghi ru emwi uyinmwẹ ọmotọ ọghe ẹvbo ni lẹga iran, vbene iran ma na zẹ ye ẹmwẹ ne Nọyaẹnmwa khare wẹ ne iran ghẹ ye egbe ta iran.

Ẹzra 9:7

Ke ẹghẹ avbe erha mwa odede gha dee do sẹ banbanna, ma ne emwa ruẹn kakabọ ru orukhọ ẹsẹse, rhunmwuda orukhọ ne ima ru, ma kevbe avbe ọba mwa kevbe avbe ohẹn mwa, keghi dele ye obọ avbe ọba ẹvbo ọvbehe, a keghi rẹnkhẹn ima, a rha ima, a keghi vbe do ima emwi viọ, a keghi vbe munọ ima oghunmwu. A keghi wa fa ima an fẹfẹẹfẹ, zẹ vbe ne ima ye ye ẹdẹnẹrẹ na.

Nehimaia 9:26

“Sokpan, emwa ruẹn sọtẹ, iran ma họn ẹmwẹ ne uẹn iran keghi fi iyeke gbe Uhi ruẹ, iran gbele avbe akhasẹ ni bu iran ude ni tama iran ne iran dọlegbe bu ruẹ gha dee iran kegha yagha a yan egbe yan egbe.

Psalm 106:28

A ghi sẹ Peọ, emwa Osanobua keghi yegbe ba iran ni gho e Bal, iran keghi vbe re vbe emwi ne a ya zọ ese ghe amazẹ ne ẹ i mwẹ arrọọ.

Aizaia 30:1

E Nọyaẹnmwa guaan nẹ wẹẹ, “Ọghe iran ni khaemwisẹ yan Igipt fo nẹ rhunmwuda, iran sọtẹ mwẹ. Uviẹn ne I ma vin ọ re iran lele. Iran ghi vbe ya gha gu emwa ke ọta ne I i ma kue yi, iran ghi gha kun orukhọ yan orukhọ.

Jerimaia 1:7

Sokpan e Nọyaẹnmwa tama mwẹ wẹẹ, “Ghẹ kha i ghẹ ọvbokhan u khin, sokpan, bu iran ne I giẹ ọ bu gha khian, ne u vbe talọ emwi hia ne I wẹ ne u tama iran ma iran.

Jerimaia 3:25

“Te ọ kere ne ima lovbiẹ ye otọ ne emwiekhue, ne efaa gue mwa. Ẹghẹikẹghẹ ọ re ima vbe avbe erha mwa odede wa ya gha rukhọ ghe Nọyaẹnmwa Osanobua mwa. Ma ma he vbe họn ẹmwẹ ne ẹẹn ẹdẹ.”

Jerimaia 36:2

“Rhie ebe ohian, ne u gbẹnnẹ emwi hia ne I he tama ruẹn vbekpa e Juda, Izrẹl, kevbe avbe uhunmwu ẹvbo hia nekpa yọ. Wa gbẹnnẹ emwi hia ne I he tama ruẹn yọ, ke ẹghẹ ne I na ka wa gha guẹ guan, ẹghẹ ne Josaia na gha re ọba do sẹ ẹdẹ ne ẹre na.

Jerimaia 44:20

Ẹre ima na tama avbe ikpia kevbe avbe ikhuo ni rhie ewanniẹn na mẹ wẹẹ,

Jerimaia 44:21

“Zẹ vbe ese ne uwa kevbe avbe erha uwa odede, avbe ọba uwa kevbe avbe ọkaolotu uwa, kevbe avbe emwa ni rre otọe nii zọre vbe avbe ẹvbo ni rre Juda, kevbe avbe idunmwu ni rre Jerusalẹm, te uwa ro ighe e Nọyaẹnmwa ma rẹn ra, ra te uwa ro ighe ọ mianmian nẹ?

Ezikiẹl 17:12

“Nọ avbe etẹ nia, a deghẹ iran rẹn emwi ne a ya itan na kha. Tama iran wẹ ọba e Babilọn rre, ọ keghi do mu ọba kevbe avbe ekhaẹmwẹ vbe Jerusalẹm gha rrie Babilọn.

Ezikiẹl 24:3

Kpa itan na ma emwa mwẹ ni sọtẹ, rhunmwuda mẹ ne Nọyaẹnmwa ne Udazi ọ re ọ kpa itan na ma iran: “Mu akhe ye erhẹn, vbe sa amẹ vuọn rẹn.

Ezikiẹl 40:4

Rẹn keghi tama mwẹ wẹẹ, “Ovbi ọmwa, gbe aro kotọ, kakabọ danmwehọ ne u kakabọ ye avbe emwi ne I ra ma ruẹn re ẹro, rhunmwuda, ọnii ọ si ẹe ne a na mu ẹẹn gha die emwa na. U gha ya talọ emwi ne u miẹn hia ma ivbi Izrẹl.”

Emọs 7:15

Sokpan e Nọyaẹnmwa keghi rhie mwẹ hin ehe ne I na su ohuan rre, ọ na tama mwẹ wẹ ne I ya gha guan ẹmwẹ akhasẹ ma ivbi Izrẹl ne emwa irẹn.

Malakai 3:7

Zẹ vbene avbe erha uwa odede ru, ọre uwa vbe ru, ne uwa na fi iyeke gbe uhi mwẹ, wa ma vbe ya iran ru emwi.

Nọmbas 20:10

Rẹn kevbe Errọn keghi si emwa ni hia koko ye odaro okuta nii, ẹre Mosis na kha wẹẹ, “Wa danmwehọ, wa ne etẹ na! Uwu okuta na ọre ima gha ke samẹ ladian ne uwa ra?”

Iwinna 7:51

“Wa na ni zẹ udu gbee! Wẹ ne ekhọe ibisi, wa ni kan igban khiọ ehọ, ne ẹ i họn ẹmwẹ Osanobua. Vbene avbe erha uwa gha ye ọre uwa vbe ye. Orhiọn Ne Ọ Huanrẹn ọre uwa gu suan ẹdẹ.

Ebe ne Pọl gbẹẹn gie emwa Rom 10:15

Vbe a gha na kpe orhu hẹ, a deghẹ i re te a gie emwa gha khian? Zẹ vbene ebe tae, “A miẹn vbene urremwẹ iran ru ọyunnuan hẹ ighẹ iran ni rhie iyẹn ne ọ maa dee!”

Diuteronomi 9:24

Ke ẹghẹ ne I ya rẹn uwa gha dee, te uwa wa gha sọtẹ e Nọyaẹnmwa.

Diuteronomi 9:27

Ye avbe eguọmwadia ruẹ Ebraham, Aizik kevbe Jekọb rre, ne u ghẹ vbe zẹ ye iyienhọ ekhọe dan kevbe orukhọ ọghe iran na.