Ezikiẹl 1:3 - Edo Bible (E Baibol Ẹdo) Version 1996

³ Vbe ọkpẹn Ẹzẹ e Kiẹba nii, I keghi họn vbe Nọyaẹnmwa gunmwẹ guan, I keghi vbe họn obọ ẹtin ẹnrẹn vbe egbe mwẹ.

Ezikiẹl 1:3 ပူးပေါင်းရင်းမြစ်များ

Ezikiẹl 3:22

I keghi wa gha hẹnmwẹ ẹtin nọkhua ọghe Nọyaẹnmwa vbe egbe, I keghi họn vbe ọ tama mwẹ wẹẹ, “Kpaegbe ne u ladian gha rrie uwu iya, I gha guẹ guan vbe evba.”

Ezikiẹl 3:14

Orhiọn Osanobua keghi wa ya ẹtin nọkhua hin yan mwẹ, vbene orhiọn rẹn wa mu mwẹ khian nii, ẹko kegha rriara mwẹ, ohu na gha mu mwẹ.

II Ọba 3:15

Wa tie ọkpakpata gun mwẹ.” Ugbẹn vbe ọkpakpata ghi kpe akpata ẹre, ẹtin e Nọyaẹnmwa keghi rhuẹ yan Elaisia,

I Ọba 18:46

Orhiọn e Nọyaẹnmwa keghi hin ya Elaija, ọ na gba ukpọn rẹn khinkhian ẹkun gbain, ọ na rhulẹ ke aro ne Ehab rhinrin ya sẹ Jezrẹl.

Ezikiẹl 40:1

Ikpẹdẹ ne ogigbe ọghe ukpo ọgbọn nọ, ọ keghi vbe re ukpo isẹn yan ugie ne ima kegha rre iwe, kevbe ukpo iwenẹ ne a ghi khọn mu e Jerusalẹm. Vbe ẹdẹ nẹdẹrriọ, I keghi kakabọ họn ẹmwẹ ẹtin ọghe Nọyaẹnmwa vbe ọ gu ọmwa mudia vbe egbe mwẹ, ọ keghi mu mwẹ kpao.

Ezikiẹl 37:1

Ẹtin ọghe Nọyaẹnmwa keghi hin yan mwẹ, orhiọn rẹn keghi tọn mwẹ mu, ọ na ya mu mwẹ yotọ vbe iya ọkpa ne a miẹn wẹ ugboloko ni kae ọ re ọ wa vuọn rẹn.

Ezikiẹl 33:22

Vbe ota ẹdẹ ne ọ ra rre nii, I keghi wa gha họn ẹmwẹ ọnrẹn vbe egbe ẹsẹse wẹ e Nọyaẹnmwa rre ehe ne I ye. Ọmwa ni ghi rre vbe owiẹ ne ọ lelẹe, e Nọyaẹnmwa keghi ru ẹe ne I sẹtin dọlegbe gha guan.

Ezikiẹl 8:1

Vbe ikpẹdẹ ne ogisẹn ọghe uki ne ogiehan vbe ukpo ne ogiehan ne ima yae vbe iwe, avbe ọkaolotu iran ni rre iwe ni ke Juda rre keghi gunmwẹ tota vbe owa mwẹ. Vbe udomwurri, ẹtin Osanobua ne Udazi keghi hin yan mwẹ.

I Timoti 4:1

Te Orhiọn wa ta ẹe gbe ẹe ẹre ẹho rua wẹ, ọ gha sẹ ẹdẹ okiekie, emwa ni bun gha mu iyayi fua, iran ghi gha ru ne orhiọn ohoghe khare kevbe iruẹmwi esu.

Joẹl 1:1

Uhunmwu ne Nọyaẹnmwa giee gie Joẹl ne ovbi e Pẹtuẹl ọ re ọna khin.

Hozia 1:1

Ọna ọrọre uhunmwu ne Nọyaẹnmwa gie ẹre re ighe Hozia ne ovbi e Biẹri vbe ẹghẹ ne avbe Uzaia, Jotan, Ehaz kevbe Hẹzekaia na gha re ọba e Juda, ne Jeroboam ne ovbi e Jehoas na gha re ọba Izrẹl.

Ezikiẹl 1:1

Vbe Ikpẹdẹ ne ogisẹn ọghe uki ne ogienẹ vbe ukpo ne ogiwera, mẹ ne Ezikiẹl, ne ohẹn, ne ovbi e Buz, keghi gu ivbi e Ju ni rre iwe rre ọkpẹn Ẹzẹ e Kiẹba vbe Babilọn. Iso keghi kie yotọ, I na miẹn umian ọghe Osanobua.

Jerimaia 1:2

E Nọyaẹnmwa keghi gu e Jerimaia guan vbe ọ rre ukpo iwera ne ọ rriọba ighe Josaia ne ovbi Amọn ne ọ rriọba vbe Juda.

Jerimaia 1:4

E Nọyaẹnmwa keghi tama mwẹ,

II Pita 1:21

Rhunmwuda, ẹmwẹ avbe akhasẹ hia, ọkpa i rrọọ ne a tae zẹ vbe iho ọghe ọmwa kẹkan, sokpan te a gha dia ọmwa khian vbe ekpa Orhiọn Ne ọ huanrẹn, vbe uwu ehe ne iran na ta ẹmwẹ ne ọ ke ehe ne Osanobua ye rre.

Psalm 137:1

Ọkpẹn ẹzẹ e Babilọn ọ re ima na tota; evba ọ re ima na viẹ, vbe ima ye Zaiọn rre.

Ezikiẹl 10:15

(Avbe aranmwẹ ne I ka vbe miẹn vbe ọkpẹn Ẹzẹ Kiẹba ọ re nọ.) Avbe aranmwẹ gha laghe odukhunmwu;

Ezikiẹl 12:13

“Sokpan I gha tan ọga ye odẹ, I ghi ya ẹe mu ẹẹn. I ghi mu ẹẹn gha rrie ore e Babilọn, ehe ne ọ ra na wu vbe ne ẹ i na bẹghe ẹre.

Ezikiẹl 43:3

Umian na keghi yevbe ne i miẹn vbe ẹghẹ ne Nọyaẹnmwa na do fuẹn e Jerusalẹm, kevbe egbe ne I miẹn vbe ọkpẹn Ẹzẹ e Kiẹba. I keghi de mu aro rhuotọ.

Daniẹl 10:4

Vbe ikpẹdẹ eneyan ugie vbe uki ne okaro vbe ukpo, I keghi mudia ye ọkpen e Taigris ne Okpẹzẹ.

Jerimaia 29:15

“Wa khare wẹ, e Nọyaẹnmwa viọ avbe akhasẹ ne uwa vbe Babilọn.

Ezikiẹl 3:15

Mẹ keghi do sẹ Tẹl Abib vbe ọkpẹn Ẹzẹ Kiẹba, ehe ne iran ni rre iwe nii gha ye, I keghi di evba ya la ikpẹdẹ ihinrọn, egbe emwi ne I miẹn kevbe ne I họẹn keghi wa wọ mwẹ yotọ.

Ezikiẹl 3:23

Ẹre I na ladian gha rrie uwu iya, I keghi miẹn uyi e Nọyaẹnmwa vbe evba zẹ vbene I wa vbe miẹn ọẹn zẹẹ vbe ọkpẹn Ẹzẹ Kiẹba. I keghi de mu aro rhu otọ,