Ẹsta 9:4 - Edo Bible (E Baibol Ẹdo) Version 1996

⁴ Agbọn hia keghi wa rẹn vbe otọe arriọba ni hia fẹẹrẹ wẹ ọmwa ne ọ mwẹ ẹtin ọre Modekai ghi khin vbe ẹguae, kevbe wẹ te ẹtin ẹnrẹn dọlegbe kpọlọ yọ.

Ẹsta 9:4 ပူးပေါင်းရင်းမြစ်များ

II Samuẹl 3:1

Igbinna na keghi wa kpẹe vbe otọ ne iran ni rre ọghe igiowa e Sọl, kevbe ni rre obọ ọghe e Devid gha gu egbe gbinna. E Devid keghi wa gha ye owẹ muotọ yọ, sokpan ọghe ne iran gba suan kegha yẹkẹ yọ.

I Krọnikol 11:9

E Devid kegha wegbe yọ ẹdẹgbegbe, rhunmwuda, e Nọyaẹnmwa Noghodua deba ẹre.

I Krọnikol 14:17

Ẹmwẹ e Devid keghi titi gba ehe hia, e Nọyaẹnmwa keghi gie ohan rẹn gha mu agbọn ẹvbo hia.

Ẹsta 10:2

Avbe emwi nọkhua kevbe ni yan ọmwa unu uan ne ọ ru kevbe okha ọghe vbene ọ rhie Modekai ye ukpo ne ọ yo hẹ, a gbẹnnẹ ọẹn ye ebe asẹ otọe ọghe avbe ọba e Pẹsia kevbe Midia.

Psalm 1:3

Iran yevbe erhan ni zọ vbe ọkpẹn ẹzẹ, ni vbe mọ ye ẹghẹ, ne ebe ẹre i vbe kaka.

Psalm 18:43

U miẹn mwẹ fan vbe obọ avbe isọtẹ u keghi ya mwẹ khian ne ọ khaemwisẹ yan avbe uhunmwu ẹvbo. Avbe emwa ne imẹ ma rẹn, khian ni ga gun mwẹ.

Psalm 92:13

Te iran ye vbe erhan ne a kọ ye owa e Nọyaẹnmwa.

Ẹksọdọs 11:3

E Nọyaẹnmwa keghi ya ivbi Igipt gha zama ivbi Izrẹl vbe ẹmwata, avbe ekhaẹmwẹ kevbe emwa nii keghi wa gha ghe Mosis gẹdẹgbẹẹ.

Itan 4:18

Odẹ ne ọmwa esi la khian, te ọ yevbe ovẹn nẹ o da yan rre, uwanmwẹ ọnrẹn ghi gha mu otọe yọ rhinrin ọ te do sẹ ẹghẹ ogiavan.

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Zẹfanaia 3:19

Ẹghẹ dee! I gha rri iran ni wọ uwa uhunmwu oya; I gha fannọ iran ne arọe ye otọ I ghi viọ iran ni rre iwe gha die owa, I gha ya ekhue iran khian uyi agbọn na hia ghi gha tian iran.

Matiu 4:24

Ẹmwẹ ọnrẹn keghi wa titi gba otọ Siria hia sẹrriọ wẹ iran kegha viọ emwa nikhuọnmwi kevbe ne emwikemwi ghi ru bu ẹre rre, iran ni mwẹ orhiọn esu, iran ni de, iran ne arọ kinmwi, Jesu keghi mu ehia egbe rran.

Jọsua 6:27

Erriọ, e Nọyaẹnmwa na yaba e Jọsua, otiti ẹre keghi gba ẹvbo nii hia.

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.